Mitengo 30:2 - Bhibhiliya Nya Guage

² Muthu nya gukari a gu gira gifungo ga Pfhumu Nungungulu, mwendro gu gira gisambanyo, ni gu dzi hunga khu monyo waye, a nga tshuki a ndreyisa gifungo gyaye, fanede gu gira satshavbo a ganedego khu monyo waye.

Mitengo 30:2 Iomraidhean Croise

Joba 22:27

U na lombelela avbo gwaye, Uye a na gu hakha, kharato u na tadzisa gisambanyo gyago.

Dzindzimo 116:14

Nyi na landrisa sisambanyo nyi giridego ga Pfhumu Nungungulu, olu na nyi gu wonwa khu vathu vatshavbo.

Dzindzimo 116:18

Nyi na landrisa sisambanyo nyi giridego ga Pfhumu Nungungulu; na nyi gu wonwa khu vathu vatshavbo,

Dzindzimo 119:106

Nyi sambanyide nyi tiyisa gukheni nyi na vegedza milayo yago nya gululame.

Dzindzimo 15:3

Wule a si lumbedzigo kwawe khu lidimi laye, a si girigo guvivba ga muthu kwawe, a si bhuseligo phungu muakelane waye;

Dzindzimo 22:25

Nyi na gu dhumisa nyamba garala vbakari nya tshangano nya khongolo, vbakari ga vale va gu ningago githawo, nyi na tiyisa gisambanyo gyangu.

Dzindzimo 50:14

Ningela ga Pfhumu phaso nya gubonge, u landrisa sisambanyo u giridego ga Uye a Khusegidego ngudzu;

Dzindzimo 55:20

Muthu yoyo a di khusa mandza a wugela avo va nga bani vari ni gurula naye; a nyenyezisa gidzumeledzwano gyaye.

Dzindzimo 56:12

Nungungulu, nyi na gira satshavbo nyi sambanyidego avbo Gwago; nyi na gira phaso nya gubonge.

Dzindzimo 76:11

Ningani Pfhumu Nungungulu wanu esi mu mu tumbisidego, mayigo yatshavbo ya vbafuvbi, ma na rese miningelo yawe vata yi bikela ga Nungungulu a yelago gu ningwa githawo.

Ekisodha 20:7

U nga hagani khu lina la Pfhumu Nungungulu wago, kholu Pfhumu Nungungulu kha na nga diga gu tsayisa oyu a haganago khu lina Laye umo nyamba vbwetega.

Mavingu 20:25

Libango ga muthu a gu tutumela gu ganela, khuye: “Nyi dzi agisede Pfhumu Nungungulu!” Nasi siti ginani gi na guta mu dugelela khu hwane nya gu bani na giride gifungo.

Levhi 5:4

Mwendro muthu a gu ganela nyamba phela khu gu pimisa a sambanya gu gira gilo, gani gilo nya guvivbe, gani gilo nya gyadi, mwendro ni gevbini gilo muthu a ganelago mahala a sambanya nyamba dziti, gikhati a dzitigo, a na bani nari ni nandru.

Nahume 1:15

Wonani musigomoni migondro ya wule a resago mahungu nya yadi, a huwelelago gurula! Uwe Judha, gira mikhuwo nya mibuzo yago, u landrisa sisambanyo sago, kholu va nya mayigo, gima kha va na nga gu sasela gambe; avo va na mbembisedwa muphelo.

Mitengo 21:2

Khavbo avbo, va na Israyeli va di gira gisambanyo ga Pfhumu Nungungulu, khavo: “Wa gu vega mandzani gwathu vathu vava, madhoropa yawe yatshavbo hi na ma khungumulela muphelo.”

Mitengo 30:10

Aholu, a gu bani a dzi hungide nari nyumbani ga mwama waye, mwendro khu gusambanya gwaye,

Mitengo 32:24

Vbahelani madhoropa sanana sanu, ni mavbandro nya guvege dzinvuta dzanu; mu landrisa iso mu tumbisidego khu maganani gwanu.”

Matewu 23:16

Libango gwanu, sikhumunu, mu vbwetago gu phara kunga sikhumu sikwanu, na mu gukhenu: “Uye a sambanyago khu lina nya Nyumba ya Nungungulu mwalo giguruvedzo gya gilo, aholu uye a sambanyago khu ndralama yi gomo Nyumbani ga Nungungulu a na ni giguruvedzo nya gulandrise gisambanyo gyaye.”

Matewu 23:18

Gambe khenu mu hevbudzago, khenu: “Uye a sambanyago khu giluvelo mwalo giguruvedzo gya gilo; aholu a gu sambanya khu ningelo wu guromo vbagiluvelotunu a na ni giguruvedzo nya gulandrise gisambanyo gyaye.”

Mithumo 23:12

Na gugide, Vajudha va di tshangana va hunga gikungo, va sambanya khavo kha va na hodza, kha va na sela na va si gu songi Pawulo.

Mithumo 23:14

Va di hongola ga vakhongolo nya vaphasi nya mhamba ni madhota vaya ganela, khavo: “Hi sambanyide gumba hodza gilo na hi si gu songi Pawulo.

Mithumo 23:21

U nga dzumeli, kholu vomo gipimo nya guvbindre magumana nya avo va khadego va riya, va sambanyide gufa ni guvbanya, gumba hodza ni gumba sela gilo na va si gu songi Pawulo. Olu va gu lirela uwe gu dzumela.”

2 Vakorinto 1:23

Nyi ngu sambanya mbeli gwa Nungungulu a sitigo gwadi sa monyoni gwangu gukheni, nyi di girela gumba vbweta gu mi thelani wusiwana, gu kala nyi si bweleli dhoropani ga Korinto.

Valamuli 11:11

Khu guralo, Jefiti a di hongola gumogo ni vathangeli va Gileyadhi, vathu va di mu gira muthangeli ni mugimbidzisi wawe nya nyimbi. Jefiti a di engedza gu ganela magana yaye yatshavbo a nga bani a ma ganede mbeli ga Pfhumu Nungungulu tigoni ga Misipa.

Valamuli 11:39

Na gu vbindride migima mivili, a di wuya ga babe waye, a di ta mu gira kha nga idzo a nga sambanyago khidzo. Uye gima kha nga diga wukendzi waye. Khu vbale giolovedzo gi di phela tigoni ga Israyeli,