Mitengo 3:40 - Bhibhiliya Nya Guage

⁴⁰ Pfhumu Nungungulu a di embela Mosi, khuye: “Saya matiwula yatshavbo nya vama nya sanana sa Israyeli, gukhugela vale va gu ni tanga nya ngima moyo guya mbeli, u dzega tengo nya malina yawe.

Mitengo 3:40 Iomraidhean Croise

Dzindzimo 87:6

Avbo Pfhumu Nungungulu a na lova malina nya mayigo bhukuni, khuye: Oyu nuye a velegedwe iyoyo.

Isaya 4:3

Vale va na tshalago gigomoni ga Siyoni, va simama gu khala Jerusalema, va na ranwa sihathwa sa Nungungulu; kholu malina yawe ma na bani ma lovidwe ga avo va vbanyago Jerusalema.

Mitengo 3:12

“Wona nya gukhuwe Eni nyi hathide va na Levhi vbakari ga na Israyeli, wulangani nya gu na nyi dzegide matiwula yatshavbo a gu mihandro nya guphele ya mahembeni ya na Israyeli. Va na Levhi va na khala vangu,

Mitengo 3:15

“Gira gilovela nya sanana sa Levhi gukhedza khu dzindranga dza vababe vawe, mapango nya dzinyumba dzawe. U na lovela yatshavbo madzaha avo va gu na ni ngima moyo guya mbeli.

Mitengo 3:41

Gasi Eni u na nyi dzegela va na Levhi wulangani ga yatshavbo matiwula ya na Israyeli; kholu kheni Pfhumu Nungungulu. U na dzega gambe ni matiwula nya sifuyo sa na Levhi wulangani nya matiwula yatshavbo nya sifuyo sa na Israyeli.

Mitengo 3:45

“Dzega va na Levhi, wulangani nya matiwula yatshavbo ya va na Israyeli, u dzega ni sifuyo sa va na Levhi wulangani nya sifuyo sawe; kholu va na Levhi va na lumba Eni. Eni kheni Pfhumu Nungungulu.

Luka 10:20

Gasi enu, mu nga tsakini basi khu gu yingiswa khu maphuvbo. Aholu tsakani kholu malina yanu ma lovidwe Ndzadzini.”

Vafilipi 4:3

Nyi ngu gu lomba uwe pari yangu nya gutumbege, u va phasedzele. Kholu avo va dwanide gumogo ni eni thumoni nya gutivise Mahungu nya Yadi gumogo ni Klementi, ni vatshavbo nyi nga hengelago navo thumoni, malina yawe ma lovidwego libhukuni nya womi.

2 Thimoti 2:19

Aholu tiyiso wu nga emiswa khu Nungungulu wu tiyide, wari khuwo: “Pfhumu a ngu va ti avo va gu vaye.” Gu lovidwe gambe pwani: “Vatshavbo vale va dhumisago lina la Pfhumu, kha va beli guvivbani.”

Vahebheru 12:23

Enu mu vbohide tshanganoni nya wukhongolo ni libandla nya sanana nya matiwula sa Nungungulu, sile malina yawe ma lovidwego ndzadzini. Enu mu vbohide ga Nungungulu a gu mulamuli nya vathu vatshavbo, ni ga maphuvbo ya vale va lulamidego va vbelela.

Gutuledwa 14:4

Ava khu vale va ngamba dzi nyenyezisa khu vanyamayi, vale va nga khala na va dzi vegiside; khavo va landrelago Nvutana malangani yatshavbo. Va di dzegiswa vbakari nya vathu nga matiwula ga Nungungulu ni ga Nvutana.

Gutuledwa 3:5

Uye a na palago a na ambala dzingandzu nya guage; eni gima kha nyi na nga futa lina laye mu libhukuni nya womi. Nyi na tivisa lina laye ga Babe wangu ni ga dzingilozi dzaye.