Mitengo 3:10 - Bhibhiliya Nya Guage

¹⁰ Aholu Aroni ni sanana saye, u na va leletela gukhuye va sayise wuphasi wawe, gani khu mani nyamayigo a na gu hidzimelago a na songwa.”

Mitengo 3:10 Iomraidhean Croise

2 Samuweli 6:7

Khavbo avbo, li di khondra likhulo la Pfhumu Nungungulu a wugela Uza, Nungungulu a di dzegela gu mu veta avbovbo khu kotani nya makolo yaye, afela vbale vbafuvbi ni Ngasa ya Nungungulu.

1 Dzipfhumu 12:31

Jerobhowamo a di vbaha siluvelo nya vanungungulu nya malipha musigomoni, a emisa vaphasi nya mhamba va vbakari nya vathu nya vanyalidede, va nga bani va siri sanana sa Levhi.

1 Dzikoronika 6:32

mwamana wa Mali, mwamana wa Musi, mwamana wa Merari, mwamana wa Levhi.

Nehemiya 6:11

Nyi di mu embela, kheni: “Ina muthu nya nga eni, a na kodza gututuma, gani? Gambe, khu mani nya nga eni, a kodzago gu bela wulanga nya guage a duga na guvbanya? Eni gima kha nyi na gira silo nya nga isoso!”

Ekisodha 29:9

U na hunga Aroni ni sanana saye khu mikeka u va ambagisa sihugu. Thumo nya wuphasi nya mhamba wu na lumba avo khu nayo kala gupindruga. Khidzo kharati u na wumbelago Aroni ni sanana saye.”

Ezekiyeli 44:8

Kha mwa landrisani siguruvedzo sanu mayelano khu silo sangu nya guage; wulangani gwanu mu thede va nya mayigo gasi guta thuma Nyumbani gwangu nya miphaso.

Levhi 22:10

Oyu a si gu wa nyumbani nya wuphasi nya mhamba, a nga hodzi ningelo nya phaso nya guagiswe, ambari pfhumba wa muphasi nya mhamba mwendro githumi gyaye kha va dzumedziswi gu hodza miphaso yi agisidwego.

Mitengo 1:51

Avbo gu vbwetegago gu khuswa Tshatsha, va na Levhi khavo va na wu tshulago; wa gu vbweta gu tsitswa, khavo va na wu ghwimbago; uye a si lumbigo va na Levhi, a gu hidzimela vbafuvbi, a na songwa.

Mitengo 16:10

A gu hidzimiside vbafuvbi gwaye, uwe gumogo ni vandriyago vatshavbo va na Levhi, mu nga gu vbweta gambe gu khala vaphasi nya mhamba, gani?

Mitengo 16:35

Khavbo avbo, gu dita khiyo ga Pfhumu Nungungulu, nilo wuta mbembisa avo nya mazana mavili ni livbandre magumi (250) va nga bani va vbiside libani.

Mitengo 16:40

si gira gialakanyiso ga va na Israyeli gasi gu si manegi ni moyo wa vbavbandze nya lihundzu la Aroni a hidzimelago aya ningela libani mbeli ga Pfhumu Nungungulu, gu nga girega kha nga esi si dugeledego Kore gumogo ni tsawa waye, gukhwatshi khu edzi Pfhumu Nungungulu a leletedego khu ga Mosi.

Mitengo 18:3

Avo va na khala vawoneleli vago ni gu wonelela tshatsha watshavbo; aholu va nga tshuki va kuha sombo si agidego ambari sa vbagiluvelotunu gasi va sifi.

Mitengo 18:7

Aholu uwe gumogo ni sanana sago mu na thuma thumo wanu nya wuphasi nya mhamba, ga satshavbo sa vbagiluvelotunu, niso si na gu bani na siri makhuvini; uwowo a na bani ari thumo wanu. Nyi mi ningide thumo nya wuphasi nya mhamba kha nga giningwa nya thumo wanu; muthu wa vbavbandze a na hidzimelago avbovbo, a nafa.

Mitengo 3:11

Pfhumu Nungungulu a di ganela ga Mosi, khuye:

Mitengo 3:38

Ava va na ghwimba mitshatsha yawe mbeli ga Nungungulu, khu phuvbo ga Khugadambo nya Tshatsha nya Tshangano, gu khedza gugyatunu. Mosi ni Aroni gumogo ni sanana sawe khavo va na gu sayisago Wulanga nya Guage, ni gu sayisa sanana sa Israyeli; a gu hidzimela mumbe muthu wa walo, a na songwa.

Varoma 12:7

Oyu a gu ni giningwa nya guthumele vakwawe, a na va thumele; oyu a ningidwego guhevbudza, a na hevbudze;

Vaefeso 2:19

Olu kha mu ngari valombo ni vapfhumba gambe, mu melego moyo ni va nya Guaga, mu sanana nya ngamu ya Nungungulu.

Dhewuteronome 18:5

Kholu Pfhumu Nungungulu wago, a mu hathide vbakari nya mahundzu yago gasi gu a thuma khu lina la Pfhumu Nungungulu, matshigu yatshavbo, uye gumogo ni sanana saye.

Vahebheru 8:4

Nari gukhwatshi a di romo mafuni, kha nga hadza gu khala muphasi nya mhamba, kholu vomo vaphasi va thumago khu Nayo.

Valamuli 17:5

Mwama yoyu nya gupwani khu Mika, a diri ni nyumba nya vanungungulu, a di dzi girela efodhe ni dziterafine, a phasela moyo nya sanana saye, gasi a khala muphasi nya mhamba.

1 Samuweli 6:19

Pfhumu Nungungulu a di sasela vathu va Bheti-Semesi, kholu va nga holelago ndrani nya Ngasa ya Pfhumu Nungungulu, gu songwa livbandre na mavili magumi (70) vathu; khavbo avbo, vathu va di lila kholu Pfhumu Nungungulu a nga va girelago wusaseli wowu nya wukhongolo.