Mitengo 29:6 - Bhibhiliya Nya Guage

⁶ Vbavbandze nya miphaselo yi girwago khu ngima ni ngima ni miningelo yaye nya guhodze ni wadwa, a na bani nari phaselo nya gusimamise kala gupindruga gukhedza khu sileletelo saye; wu na bani wuri phaso nya guvbisedwe Pfhumu Nungungulu, wu dusa mahema nya gunungele nya gu Mu salalegise.”

Mitengo 29:6 Iomraidhean Croise

Ezira 3:4

Va gira Buzo nya Mitshatsha, kha nga idzo gu lovidwego khidzo; va ningela miningelo nya guvbiswe, khu litshigu ni litshigu, khu magirelo yakone ni nayo wakone nya fanelo nya litshigu ni litshigu.

Levhi 6:9

“U na ninga milayo yeyi Aroni ni sanana saye: Eyi khu milayo nya miphaso nya guvbiswe. Phaso nya guvbiswe wu na khala vbagikhotunu wutshigu watshavbo kala vbadzimindrutunu; nilo wa vbagiluvelotunu wu na simama wu dzura.

Mitengo 15:24

khu guralo, mwa gu bani mu ghohide khu wuhangi, tshangano wu si dziti, tshangano watshavbo wu na dusa ningelo nya guvbiswe khu gimombyana gasi gu khala mahema nya gunungele nya gu tsakise Pfhumu Nungungulu, ni ningelo nya iso nya guhodzwe, ni ningelo nya wadwa, kha nga nayo wakone; tshangano wu na ningela nyamabhongwe gasi gu khala phaselo nya gu ditshedzwe sighoho.

Mitengo 15:4

uye a ningelago phaso waye ga Pfhumu Nungungulu, a na ningela ni phaso nya gipandre nya likhumi nya wuguvbi nya wadi ni deva nya mafura;

Mitengo 28:27

Khu guralo, mu na ningela ga Pfhumu Nungungulu phaso nya guvbiswe: Simombyana sivili, hamba ni livbandre na dzimbili dzinvutana nya mwaga moyo, gasi gu khala mahema nya gunungele nya gu Mu salalegise.

Mitengo 29:18

gumogo ni miningelo nya guhodza ni wadwa yi patwago ni dzimombe, dzihamba ni dzinvutana gukhedza khu tengo ni nayo wakone;

Mitengo 29:21

ni miningelo nya guhodza ni wadwa khu dzimombe, dzihamba ni dzinvutana, gukhedza khu tengo ni nayo wakone;

Mitengo 29:5

Mu na ningela ni nyamabhongwe gasi gugira phaso nya guditshedzwe sighoho sanu.

Mitengo 7:13

A di ningela mbiya mweyo nya parata, nya gulemele lizana ni magumararu dzisekeli, ginamelo gimwegyo nya parata na giri ni livbandre na mavili magumi dzisekeli mayelano khu sekeli ya wulangani nya guage; satshavbo na si tade khu wuguvbi nya wadi, na wu sugidwe khu mafura, gasi gu gira ningelo nya guhodze;

Mitengo 9:14

Muwuyi, a vbanyago kha nga muluveli vbakari gwanu, a gu gola gu gira nuye buzo nya Phasika ya Pfhumu Nungungulu, a na landrise milayo ni sileletelo satshavbo nya Phasika. Mu na ni nayo moyo basi nya idzosaye ga vatshavbo, muluveli ni givelegwa gya tigoni.”