Mitengo 28:8 - Bhibhiliya Nya Guage

⁸ Gihambana nya wuvili guvbwetega mu gi ningela gupfolani nya lidambo, kha nga ningelo wa vbadzimindrutunu; mu na ningelani ningelo nya guhodze ni wadwa wakone, mu gira phaso nya gunungele gwadi ga Pfhumu Nungungulu.”

Mitengo 28:8 Iomraidhean Croise

Levhi 1:13

Aholu muphasi nya mhamba a na phela khu gu handza mahembe ni dzizondzo matini, a vbedza a vbisa satshavbo vbagiluvelotunu; khuwo phaso nya guvbiswe, ningelo nya guvbiswe nya gunungele gwadi wu salalegisago Pfhumu Nungungulu.

Levhi 1:17

Khavbo avbo, muphasi nya mhamba a na hapfha ginyoni khu vbakari ni vbakari nya mambapi nyamba gi tshapula, a gi vbisa vbagiluvelotunu vbatshani nya dzikhuni dzi guromo niloni; khuwo phaso nya guvbiswe, ningelo nya gunungele gwadi wu salalegisago Pfhumu Nungungulu.”

Levhi 1:9

Aholu mahembe ni dzizondzo, si na hegula khu gu handzwa khu mati, khavbovbo, muphasi nya mhamba, a na vbisa satshavbo vbatshani nya giluvelo, khiyo mhamba nya gunungele gwadi yi salalegisago Pfhumu Nungungulu.

Mitengo 28:7

Ningelo wakone nya wadwa, wu na bani wuri wa gipandre nya wu na nya deva ga gihambana nya guhegule; vbinyu nya yadi yi fanede gu khala mhamba nya guvbaladzedwe Pfhumu Nungungulu Wulangani nya Guage.

Mitengo 28:9

“Khu litshigu nya Sabhadho mu na ningelani dzihambana dzimbili nyamba hasa, nya mwaga moyo, ni sipandre sivili nya likhumi nya wuguvbi nya wadi nya ningelo nya guhodze na wu sugidwe khu mafura ni ningelo nya vbinyu.

Mitengo 29:19

Mu na ningela gambe ni nyamabhongwe nya phaso nya guditshedzwe sighoho, vbavbandze nya miphaselo nya guvbiswe nya gusimamise kala gupindruga ni miningelo yaye nya guhodza ni wadwa.