Mitengo 28:3 - Bhibhiliya Nya Guage

³ U na va embela gambe, khuwe: Owu khu ningelo nya phaso nya guvbiswe gu vbwetegago mu girela Pfhumu Nungungulu: Khu litshigu ni litshigu mu na ningela sihambana sivili nyamba hasa nya mwaga moyo, wu na bani wuri phaso nya guvbiswe kala gupindruga.

Mitengo 28:3 Iomraidhean Croise

1 Dzikoronika 16:40

Gasi gu fela gu ningela matshigu yatshavbo ga Pfhumu Nungungulu miphaselo nya guvbiswe vbagiluvelotunu, dzimindrudzile ni vbasilambotunu, satshavbo kha nga idzo gu lovidwego khidzo Nayo, kha nga idzo Pfhumu Nungungulu a nga leletelago khidzo Israyeli.

2 Dzikoronika 8:13

A ningela miphaso nya litshigu ni litshigu kha nga idzo Mosi a leletedego khidzo: Miphaso nya Dzisabhadho, nya mibuzo nya Gumege Ngima, nya Mibuzo yi emisidwego guraru khu mwaga, nya Sibaba nyambana Mela, mibuzo nya Dzisemana ni Mibuzo nya Mitshatsha.

Ezira 3:5

Khu hwane nya esi, va di ningela gambe ningelo nya guvbiswe nya litshigu ni litshigu iyo nya Gumege nya Ngima, ni iyo nya mibuzo yatshavbo nya guphasele Pfhumu Nungungulu; gumogo gambe ni wevbini a nga bani a ningela khu gudzina gwaye ga Pfhumu Nungungulu khu matsenya.

Dhaniyeli 11:31

Gu na duga masotshwa yaye nya gukari, ma nyenyezisa nyumba nya miphaso, gumogo ni likhokhola, va fuvisa ni phaso nya litshigu ni litshigu, va thela manyala nya guthise.

Dhaniyeli 12:11

Gukhugela avbo gu na gu fuviswago phaso nya litshigu ni litshigu, gu vegwa manyala nya gunyenyeze, gu na vegwa likhumi na mavili mazana ni livbandre na mana magumi matshigu (1.290).

Dhaniyeli 8:11

Yi di dzi dandrisa kala yi dwana ni muthangeli nya sivangwa sa ndzadzini; yi mu dzegela phaso nya mhamba wu ningedwago khu litshigu ni litshigu ga muthangeli, gu pfhungumudwa wulanga nya miphaso wu dzudzugwa vbavbatshi.

Dhaniyeli 8:13

Khu hwane, nyi dipwa gihathwa gi nga bani gi ganela; gimbe gihathwa gi di embela gile gi nga bani gi ganela, khigyo: “Silo sesi nyi si wonago khu giwoniso, si na simama kala lini si ganelago khu phaso nya litshigu ni litshigu, khu gughoha, si nga pfhungumudzisago nyumba nya miphaso, ni sivangwa si ningedwago si gandredzedwa khu migondro nya kheho, na?”

Levhi 3:5

Vaphasi nya mhamba, sanana sa Aroni, va na vbisa satshavbo vbatshani nya giluvelo, gumogo ni phaso nya guvbiswe wu handzegidwego vbatshani nya dzikhuni dzi guromo niloni; Owu ningelo nya phaso nya guvbiswe nya gunungele gwadi wu salalegisago Pfhumu Nungungulu.

Levhi 6:9

“U na ninga milayo yeyi Aroni ni sanana saye: Eyi khu milayo nya miphaso nya guvbiswe. Phaso nya guvbiswe wu na khala vbagikhotunu wutshigu watshavbo kala vbadzimindrutunu; nilo wa vbagiluvelotunu wu na simama wu dzura.

Amosi 4:4

Indrani Bheteli, mu ya ghoha, bwelo khavbo mu wuya Ghiligali mu ya gu andrisa khu sighoho, resani miphaselo yanu nya dzimindrudzile, gugya ni gugya, resani miphaso yanu, guvbelani nya matshigu mararu ni mararu, resani gipandre gyanu nya likhumi.

Mitengo 28:10

Owu khu phaso nya guvbiswe nya Sabhadho ni Sabhadho, gudiga nya phaso nya guvbiswe nya litshigu ni litshigu gumogo ni ningelo waye nya vbinyu.”

Mitengo 28:15

Gu na ningedwa gambe ga Pfhumu Nungungulu mabhongwe moyo gasi gu gira phaso nya guditshedzwe sighoho, gu diga phaso nya guvbiswe ni vbinyu yaye nya litshigu ni litshigu.”

Mitengo 28:23

Mu na ningela gumogo ni ningelo nya guvbiswe wa vbadzimindrutunu, a gu phaso nya gusimamise kala gupindruga.

Mitengo 28:24

Khu guralo, mu na ningela khu litshigu ni litshigu kala livbandre na mavili matshigu, gasi gu khala guhodza nya guvbiswe nya mahema nya gunungele nya gusalalegise Pfhumu Nungungulu; vbavbandze nya phaselo nya guvbiswe nya gusimamise kala gupindruga, mu na ningela gumogo ni wadwa.

Mitengo 28:31

Mu na ningela silo sesi gumogo ni ningelo nya phaso nya guvbiswe nya gusimamise kala gupindruga, ni ningelo nya guhodza gumogo ni wadwa wakone, satshavbo gu vbwetega na siri silo nya sadi nyamba solega.

Mitengo 28:4

U na ningela gihambana gimwegyo dzimindrudzile, gimbe u na ningela gupfolani nya lidambo.

Mitengo 29:11

Mu ningela ni nyamabhongwe gasi gu gira phaso nya guditshedzwe sighoho, vbavbandze nya phaso nya sighoho, ni ningelo nya guvbiswe nya gusimamise kala gupindruga ni phaselo waye nya guhodze ni mawadwa yaye.

Mitengo 29:16

mu ningela gambe ni nyamabhongwe gasi gu gira phaso nya guditshedzwe sighoho; esi sa gu yela gu girwa vbavbandze nya miphaselo nya guvbiswe nya gusimamise kala gupindruga, ni miningelo yaye nya dzimbewu ni wadwa.

Mitengo 29:6

Vbavbandze nya miphaselo yi girwago khu ngima ni ngima ni miningelo yaye nya guhodze ni wadwa, a na bani nari phaselo nya gusimamise kala gupindruga gukhedza khu sileletelo saye; wu na bani wuri phaso nya guvbisedwe Pfhumu Nungungulu, wu dusa mahema nya gunungele nya gu Mu salalegise.”

Johane 1:29

Gandra ni dzimindru, Johane a di wona Jesu, a nga bani a gu mu tela a ganela, khuye: “Kha mu yi woni yile Nvutana ya Nungungulu yi dusago gighoho nya litigo.”

Vahebheru 9:6

Na gu dongisedwe satshavbo sesi, vaphasi nya mhamba va di bela matshigu yatshavbo makhuvini nya guhegule, Wulanga nya Guage, gasi gu thuma thumo wawe.

Gutuledwa 13:8

Vathu vatshavbo va mafuni va di khozela girengo, vale malina yawe ma nga mba lowa libhukuni nya womi li vegisidwego khu Nvutana yi payidwego gukhugela nya guvangwe litigo.