Mitengo 28:26 - Bhibhiliya Nya Guage

²⁶ Mu na gira gambe tshangano nya guage khu litshigu nya gulume dzimbewu, avbo mu ningelago dzimbewu nya guphele ga Pfhumu Nungungulu, mayelano ni Mibuzo yanu nya Dzisemana, mu nga thumi thumo nya gulemele.

Mitengo 28:26 Iomraidhean Croise

Ekisodha 12:16

Khu litshigu nya guphele, mu na girani tshangano nya guagiswe; mu na gira gambe idzosaye khu eli nya livbandre na mavili. Ga matshigu yaya, mu nga thumi gilo, vbavbandze basi nya gululamisele esi si ninganago gu a hodza muthu; khiso basi mu na si vegisago.

Ekisodha 23:16

U na vegisa gambe nango nya Buzo nya guvbwere dzimbewu nya guphele nya thumo wago, nya sile u yadego thembweni gwago; ni buzo nya guvbwere dzimbewu guvbelani nya mwaga, gikhati u vbwerago dzimbewu dza thembweni gwago.

Ekisodha 34:22

U na alakanya gambe Mibuzo nya Dzisemana, mu gira miphaso nya dzimbewu nya guphele nya vbwero nya sivbila, ni buzo nya Guvbwere guvbelani nya mwaga.

Levhi 23:10

“Ganela ga sanana sa Israyeli u si embela, khuwe: Avbo mu na belago tigoni nyi mi ningago, gikhati mu vbwerago dzimbewu dzanu, edzi nya guphele, mu na dzega gitundru mu yisa ga muphasi nya mhamba;

Levhi 23:8

Aholu, umo nya livbandre na mavili matshigu yoyo, mu na ningela phaso nya guvbiswe ga Pfhumu Nungungulu. Khu litshigu nya livbandre na mavili mu na gira tshangano nya guage, mu nga thumi thumo nya gulemele.

Mitengo 28:18

Khu litshigu nya guhegule, gu na manega tshangano nya guage; mu nga girini ni wevbini thumo nya gulemele.

Mitengo 28:27

Khu guralo, mu na ningela ga Pfhumu Nungungulu phaso nya guvbiswe: Simombyana sivili, hamba ni livbandre na dzimbili dzinvutana nya mwaga moyo, gasi gu khala mahema nya gunungele nya gu Mu salalegise.

Mitengo 29:1

“Khu litshigu nya guhegule nya ngima nya livbandre na wuvili, mu na gira tshangano nya guage; mu nga thumi thumo nya gulemele khu litshigu lolo, avbo gwanu li na bani liri litshigu nya guwombwe mipundru!

1 Vakorinto 15:20

Aholu, Kristo wugide, khu lisine, khuye matiwula nya guwuge ga vafudego.

Jakobe 1:18

Khu gudzina gwaye, a hi velegide khu tshivba nya lito nya lisine, gasi hi khala nga matiwula nya sivangwa saye satshavbo.