Mitengo 28:13 - Bhibhiliya Nya Guage

¹³ ni gipandre nya likhumi nya efa nya wuguvbi nya wadi, na wu sugidwe khu mafura khu gihambana ni gihambana: Owu phaso nya guvbiswe nya gunungele gwadi, a gu ningelo nya guvbiswe wu ningedwago Pfhumu Nungungulu.

Mitengo 28:13 Iomraidhean Croise

Ekisodha 29:40

Khu nvutana mweyo, u na ningela ndrengo nya wuguvbi wu sugidwego khu pimo nya gigasi nya mafura nya miolivha ni gikombe nya wadwa nya dziuvha u gira phaso nya gusedwe.

Mitengo 15:6

Khu nvuta ni nvuta, u na dongisela ningelo nya guhodzwe sipandre sivili nya wuguvbi nya wadi nya gusugwe khu gipandre nya wuraru nya deva nya mafura,

Mitengo 28:12

ni sipandre siraru nya likhumi nya wuguvbi nya wadi, na wu sugidwe khu mafura, khu mombe ni mombe; sipandre sivili nya likhumi nya wuguvbi nya wadi, na wu sugidwe khu mafura, khu nvutana ni nvutana;

Mitengo 28:14

Ningelo wakone nya vbinyu wu na bani wuri wa gipandre nya deva khu mombe ni mombe, gipandre nya wuraru nya deva khu nvutana ni nvutana ni gipandre nya wu na nya deva khu gihambana ni gihambana. Owu khu phaso nya guvbiswe nya litshigu nya guhegule nya ngima ni ngima nya mwaga watshavbo.