Mitengo 28:11 - Bhibhiliya Nya Guage

¹¹ “Khu litshigu nya guhegule nya ngima ni ngima, mu na ningela phaso nya guvbiswe ga Pfhumu Nungungulu, a gu owu: Dzimombe dzimbili, nvuta mweyo, livbandre na dzimbili dzihambana nyamba hasa, nya mwaga moyo,

Mitengo 28:11 Iomraidhean Croise

2 Dzipfhumu 4:23

Uye a di mu wudzisa, khuye: “Wa gu yela ginani iyo gwaye muhuno? Khandri litshigu nya Buzo nya gumege nya Ngima, gambe khandri Sabhadho.” Nyamayi a di hakha, khuye: “U nga garadzegi.”

1 Dzikoronika 23:31

Va diri ni fanelo nya guningele miphaselo nya guvbiswe ga Pfhumu Nungungulu, khu dzisabhadho ni gumegani nya ngima, ni mitshangano yi tadego, kha nga giolovedzo gyawe, gasi va simama gu manega mbeli ga Pfhumu Nungungulu.

2 Dzikoronika 2:3

Solomoni a di rumela mwango ga Hiramo, mufumeli wa Tiro, khuye: “Kha nga iso u nga girelago babe wangu Dhavhidhe, u nga mu rumelago misimbo nya sedhari gasi gu, a vbaha khiyo nyumba nya gukhale umo, gira gambe avbo gwangu.

2 Dzikoronika 2:4

Wona, nyi ngu vbweta guvbaha nyumba yi lumbago lina la Pfhumu Nungungulu wangu. Yi na khala nyumba nya miphaso, nyi vbisela umo libani mbeli Gwa Pfhumu, ni gu vega umo sibaba nya miphaso matshigu yatshavbo, ni miphaselo nya guvbiswe dzimindrudzile ni silambosile, khu dzisabhadho ni gumega nya ngima, ni mibuzo ya Pfhumu Nungungulu wathu; a gu fanelo nyamba vbela ya Israyeli.

2 Dzikoronika 8:13

A ningela miphaso nya litshigu ni litshigu kha nga idzo Mosi a leletedego khidzo: Miphaso nya Dzisabhadho, nya mibuzo nya Gumege Ngima, nya Mibuzo yi emisidwego guraru khu mwaga, nya Sibaba nyambana Mela, mibuzo nya Dzisemana ni Mibuzo nya Mitshatsha.

Ezira 3:5

Khu hwane nya esi, va di ningela gambe ningelo nya guvbiswe nya litshigu ni litshigu iyo nya Gumege nya Ngima, ni iyo nya mibuzo yatshavbo nya guphasele Pfhumu Nungungulu; gumogo gambe ni wevbini a nga bani a ningela khu gudzina gwaye ga Pfhumu Nungungulu khu matsenya.

Nehemiya 10:33

Hi dzi vegede gambe nayo nya gukhethu, khu mwaga ni mwaga, muthu ni muthu a ngu yela gu dusa gipandre nya wuraru nya sikulu, gasi gu gimbidzisa gwadi thumo wa Nyumbani ga Nungungulu wathu,

Dzindzimo 40:6

Uwe khwa vbweta miphaso ni miningelo, aholu u nyi tude dzindzeve; khwa lomba miphaso nya sirengo nya guvbiswe, gasi gu handza sighoho sathu.

Dzindzimo 40:8

Nyi ngu tsaka khu gu gira guhaladza gwago, Nungungulu wangu; ndrani nya monyo wangu womo nayo wago.

Dzindzimo 81:3

Wombani pundru nya buzo nya gumege nya ngima ni gudandra gwaye, a gu litshigu nya buzo wathu.

Dzindzimo 81:4

Kholu oyu nayo ga va na Israyeli, guruma ga Nungungulu wa Jakobe.

Isaya 66:23

Khu guralo, gumegani nya ngima ni ngima, ni Sabhadho ni Sabhadho, vathu vatshavbo va nata va ta nyi khozela, a ngu ganela Pfhumu Nungungulu.

Ezekiyeli 46:1

Mune Pfhumu Nungungulu, a ngu ganela kharati, khuye: “Lidimba nya likupakupa nya mwanya wa ndrani, wu khedzidego phuvbo ga Khugadambo, li na segwa gipimo nya livbandre na limwedo matshigu, a gu matshigu nya thumo; aholu khu litshigu nya Sabhadho ni litshigu nya Buzo nya Gumege Ngima, li na tudwe.

Ezekiyeli 46:6

Aholu, khu litshigu nya Buzo nya Gumege Ngima, uye a na ningela lirole limwedo, ni livbandre na gimwegyo sinvutana ni hamba mweyo; satshavbo nyambana libawa.

Ezekiyeli 46:7

Uye a na dongisela kha nga ningelo nya guhodze dhomu moyo, khu gimombyana ni gimombyana ni efa moyo khu hamba ni hamba, aholu, khu sinvutana, a na ningela gukhedza khidzo a dzi kodzago khidzo; deva moyo nya mafura khu dhomu ni dhomu.

Hoseya 2:11

Khu guralo, khu gikhati nya guvbwere, nyi na mu dzegela tirigu yangu, ni vhinya yangu khu gikhati nyi gi emisedego, Nyi na mu wandrela myendra nya gufurumele neyi nya seda, a nga bani na gufenengedza khiso wumbwiri waye.

Levhi 1:13

Aholu muphasi nya mhamba a na phela khu gu handza mahembe ni dzizondzo matini, a vbedza a vbisa satshavbo vbagiluvelotunu; khuwo phaso nya guvbiswe, ningelo nya guvbiswe nya gunungele gwadi wu salalegisago Pfhumu Nungungulu.

Levhi 1:3

A gu vbweta gu gira ningelo nya phaso nya guvbiswe nari wa mombe, a na dusa matune nyamba hasa, a ta wu bikela nyangwatunu nya Tshatsha nya Tshangano, gasi aya mana gu hakhwa gwadi mbeli ga Pfhumu Nungungulu.

Levhi 1:9

Aholu mahembe ni dzizondzo, si na hegula khu gu handzwa khu mati, khavbovbo, muphasi nya mhamba, a na vbisa satshavbo vbatshani nya giluvelo, khiyo mhamba nya gunungele gwadi yi salalegisago Pfhumu Nungungulu.

Amosi 3:5

Ina ginyoni gi ngu modwa khu naphwi, wa sa dembwago, gani? Ina naphwi wu ngu kodza gu tshaphuga, nyamba mola gilo nya gukari, gani?

Amosi 8:5

mu ganela, khenu: Li na vbela lini litshigu nya gumege ngima, gasi hi fela gu rengisa sivbila? Li na vbindra lini litshigu nya Sabhadho gasi hi tule sisangala nya tirigu hi rengisa, hi vbungula mipimo, hi engedzela mitengo nya gurengise, hi thumisa sikalo nya wudambane,

Mitengo 10:10

Gutsakani gwanu gambe, matshigu nya mibuzo nya yikhongolo ni litshigu nya guphele nya ngima, avbo mu girago miphaso nya guvbiswe numo nya miphaso nya gubonge, mu na womba mipundru. Isoso si na bani siri gialakanyiso, gasi Nungungulu wanu a mi dundrugani. Eni kheni Pfhumu Nungungulu wanu.”

Mitengo 28:19

Khu guralo, mu na ningelani dzimombe dzimbili, nvutana mweyo ni livbandre na dzimbili dzihambana nyamba hasa, nya mwaga moyo, gasi gu girwa phaso nya guvbiswe wu vbisedwa Pfhumu Nungungulu.

Vagalatiya 4:10

Mu nga gu kho sanu mu sayisa matshigu ni migima, dzinango ni myaga nya nayo wa gale.

Vakolosi 2:16

A nga manegi wa gu mi kawuka khu kotani nya esi mu hodzago ni esi mu selago, mwendro khu kotani nya matshigu nya buzo, nya guwonege nya ngima mwendro nya dzisabhadho.

Vakolosi 2:6

Kha nga olu mu hakhidego Pfhumu Jesu Kristo, gu vbwetega mu vbanya khu gupwanana naye,

1 Samuweli 20:5

Khavbo avbo, Dhavhidhe a di hakha, khuye: “Mindru, litshigu nya buzo nya gumege nya Ngima, nyi fanede guya lalela ni mufumeli; aholu nyi dige nyi ya sihala khabini kala li pfola lidambo nya litshigu nya wuraru.”

1 Samuweli 9:12

Avo va di va hakha, khavo: Ina kha mu mu woni wule mbeli gwanu; vbiredzani, muhuno dzude dhoropani; kholu a gu litshigu vathu vayago va ya ningela miphaso wulangani nya gigomo.