Mitengo 28:1 - Bhibhiliya Nya Guage

¹ Pfhumu Nungungulu a di embela gambe, Mosi, khuye:

Mitengo 28:1 Iomraidhean Croise

1 Dzikoronika 23:31

Va diri ni fanelo nya guningele miphaselo nya guvbiswe ga Pfhumu Nungungulu, khu dzisabhadho ni gumegani nya ngima, ni mitshangano yi tadego, kha nga giolovedzo gyawe, gasi va simama gu manega mbeli ga Pfhumu Nungungulu.

2 Dzikoronika 2:4

Wona, nyi ngu vbweta guvbaha nyumba yi lumbago lina la Pfhumu Nungungulu wangu. Yi na khala nyumba nya miphaso, nyi vbisela umo libani mbeli Gwa Pfhumu, ni gu vega umo sibaba nya miphaso matshigu yatshavbo, ni miphaselo nya guvbiswe dzimindrudzile ni silambosile, khu dzisabhadho ni gumega nya ngima, ni mibuzo ya Pfhumu Nungungulu wathu; a gu fanelo nyamba vbela ya Israyeli.

2 Dzikoronika 23:18

Joyadha a di emisa vaphasi va na Levhi gu khala vasayisi va Nyumbani ga Nungungulu avo va nga bani va emisidwe khu Dhavhidhe, Nyumbani ga Pfhumu Nungungulu, gasi va gira miphaselo nya guvbiswe ga Pfhumu Nungungulu, kha nga idzo gu lovidwego khidzo umo nya Nayo wa Mosi, khu gutsaka ni dzindzimo, kha nga guleletela ga Dhavhidhe.

2 Dzikoronika 31:3

Mufumeli a di dusa gambe gipandre nya thomba yaye, gasi gu gira miphaselo nya guvbiswe vbadzimindrutunu, vbasilambotunu, dzisabhadho, ni gumega nya ngima, ni matshigu nya mibuzo, kha nga idzo gu lovidwego khidzo nayoni wa Pfhumu Nungungulu.

2 Dzikoronika 8:13

A ningela miphaso nya litshigu ni litshigu kha nga idzo Mosi a leletedego khidzo: Miphaso nya Dzisabhadho, nya mibuzo nya Gumege Ngima, nya Mibuzo yi emisidwego guraru khu mwaga, nya Sibaba nyambana Mela, mibuzo nya Dzisemana ni Mibuzo nya Mitshatsha.

Ezira 6:9

Iso si na gu vbwetegago, nya nga dzimombe, dzinvuta, dzihamba nya gugire khidzo miphaselo nya guvbiswe ga Nungungulu wa ndzadzini, ambari nari tirigu, munyu, vbinyu ni mafura, mayelano nidzo vaphasi nya mhamba va Jerusalema va na gu si lombago, va na ningwe khu litshigu ni litshigu, gasi si si hamugegi;

Nehemiya 10:33

Hi dzi vegede gambe nayo nya gukhethu, khu mwaga ni mwaga, muthu ni muthu a ngu yela gu dusa gipandre nya wuraru nya sikulu, gasi gu gimbidzisa gwadi thumo wa Nyumbani ga Nungungulu wathu,

Isaya 1:13

Mu nga simami gu nyi reselani gambe miningelo yanu nyamba phasa gilo; kholu libani lanu, li ngu nyi nyenyeza, ni Mibuzo nya Gumege Ngima gambe, ni dzisabhadho, ni mitshangano nya yikhongolo; nyi garade khu guvivba gwanu, ambari khu mimbe mitshangano mu girago.

Ezekiyeli 44:24

Gikhati gu manegago guganedzisana, avo va na khala kha nga valamuli; va na lamula gukhedza khu gululama gwangu; avo va na landrisa milayo ni sileletelo sangu mayelano khu mibuzo yangu yatshavbo ni gu agisa dzisabhadho dzangu.

Ezekiyeli 45:17

Miphaso nya guvbiswe yi na duswa khu mufumeli, ni miningelo nya guhodze, ni miphaso nya Mibuzo nya gumege nya Ngima ni dzisabhadho, ni mibuzo yatshavbo ya va na Israyeli; uye kamwe a na ningela miningelo nya guhandze sighoho, ni miningelo nya dzimbewu, ni phaso nya guvbiswe, gumogo ni miphaso nya pwanano, gasi gu gira ditshedzo ya va na Israyeli.”

Ezekiyeli 46:11

“Matshigu nya mibuzo nya yikhongolo, gupata ni mibuzo yi vegisidwego, ningelo nya wuguvbi a na bani ari dhomu khu gimombyana ni gimombyana ni dhomu moyo khu hamba ni hamba; aholu khu sinvutana, muthu a na ningela khidzo a na gu dzi kodzago khidzo; ningelo nya mafura, deva moyo khu dhomu ni dhomu.

Levhi 9:15

Khu gulandrela, a di bikela ningelo wa vathu vatshavbo; a di dzega nyamabhongwe wu nga bikedwago khu vathu kha nga phaso nya ditshedzo, a wu paya, a ningela gasi gu handza sighoho kha nga idzo a nga girago girengo nya guhegule.

Mitengo 27:23

A di mu handzega mandza, a mu wumbela gu khala muthangeli kha nga edzi Pfhumu Nungungulu a nga rumago khidzo khu ga Mosi.

Mitengo 28:2

“Ruma va na Israyeli, u va embela, khuwe: Mu na nyi girela miningelo nya guvbiswe khu gikhati gi vbwetegago, guhodza gwangu, nya mahema nya gunungele gwadi gwangu.

Mitengo 7:15

ni gimombyana gimwegyo, ginvutana gimwegyo ni gihambana gimwegyo nya mwaga moyo, gasi gu gira phaso nya guvbiswe;

Vagalatiya 4:10

Mu nga gu kho sanu mu sayisa matshigu ni migima, dzinango ni myaga nya nayo wa gale.

Vakolosi 2:16

A nga manegi wa gu mi kawuka khu kotani nya esi mu hodzago ni esi mu selago, mwendro khu kotani nya matshigu nya buzo, nya guwonege nya ngima mwendro nya dzisabhadho.