Mitengo 27:20 - Bhibhiliya Nya Guage

²⁰ Mu ninge gipandre nya thumo wago, gasi tshangano watshavbo wa na Israyeli wu kodze gu mu yingisa.

Mitengo 27:20 Iomraidhean Croise

2 Dzipfhumu 2:15

Vapizane va vaprofeti va nga bani va khade thonono ni Jeriko, na va mu wone, va di khavo: “Liphuvbo la Eliya li mbakide vbatshani ga Elizewu.” Va di mu khinga va ya mu khidzimela va thega khu dzikhovbe mbeli gwaye.

1 Dzikoronika 29:23

Solomoni a di khala vbagikhalotunu nya wufumu gya Pfhumu Nungungulu, a khala mufumeli wulangani wa babe waye Dhavhidhe; a di khusega, vatshavbo va na Israyeli va mu ninga githawo ni gu mu yingisa.

1 Dzikoronika 29:25

Pfhumu Nungungulu a di khusedza ngudzu Solomoni vbakari ga va na Israyeli vatshavbo, a dandrisa wufumu waye guvbindra vafumeli vatshavbo va fumedego Israyeli na si gu fumi uye.

Mitengo 11:17

Khavbo avbo, nyi na relela vbale nyi ta ganela nago, nyi na vbungula Liphuvbo li guromo gwago, nyi li thela gwawe, avo navo va na rwala gumogo nago, rwalo nya vathu, gasi u si lemedwi khuwo wenga.

Mitengo 27:19

Khu guralo, u na mu emisa mbeli ga muphasi nya mhamba Eleyazari ni ga tshangano watshavbo, gambe u na mu wumbela na va gu mu wona.

Mitengo 27:21

Uye a na ya ema mbeli ga muphasi nya mhamba, Eleyazari; muphasi nya mhamba a na wudzisa khu uye ga Pfhumu Nungungulu khu gulola solo nya guage, khu guleleta nya Urimi; khuye a na ningago lito nya gu va duga, khuye gambe a na ningago lito gukhuye va bele, uye gumogo ni va na Israyeli ni tshangano watshavbo.”

1 Samuweli 10:6

Uwe u na tala khu liphuvbo la Pfhumu Nungungulu, u na profeta gumogo navo, uwe u na vbindrugedzwa u khala mumbe muthu.

1 Samuweli 10:9

Avbo Sawule a nga hambana ni Samuweli, Nungungulu a di vbindrugedza monyo waye, satshavbo siwoniso si di girega gwaye khu litshigu lolo.