Mitengo 27:18 - Bhibhiliya Nya Guage

¹⁸ Pfhumu Nungungulu a di hakha Mosi, khuye: “Rana Josuwa, mwamana wa Nuni, a hidzimela avbo gwago, mwama a gu ni Liphuvbo, u ta mu handzega mandza.

Mitengo 27:18 Iomraidhean Croise

Genesi 41:38

Faro a di embela madhota yaye, khuye: “Ina hi na mu mana mumbe mwama nya nga oyu nya gutale khu liphuvbo la Nungungulu, gani?”

1 Dzikoronika 7:27

uye nuye a velega Nuni, uye nuye a velega Josuwa.

Ekisodha 17:9

Mosi a di embela Josuwa, khuye: “Hi hathele vama nya gukari, u duga u ya dwana ni Amaleki. Eni mindru nyi na ya ema vbatshani nya gigomo na nyi pharide ndronga ya Nungungulu.”

Dhaniyeli 5:14

Va ngu nyi embela gupwani liphuvbo la vanungungulu lomo vbakari gwago, gumogo ni wenengedzo ni mapimo, ni guti nya gusamadzise.

Mitengo 11:17

Khavbo avbo, nyi na relela vbale nyi ta ganela nago, nyi na vbungula Liphuvbo li guromo gwago, nyi li thela gwawe, avo navo va na rwala gumogo nago, rwalo nya vathu, gasi u si lemedwi khuwo wenga.

Mitengo 13:16

Aya khu malina nya vama va rumedwego khu Mosi gasi gu ya holelela litigo la Khanani, Mosi a di riya Hoseya, mwamana wa Nuni lina nya gukhuye khu Josuwa.

Mitengo 13:8

ga lihundzu la Efrayimi, Hoseya, mwamana wa Nuni;

Mitengo 27:23

A di mu handzega mandza, a mu wumbela gu khala muthangeli kha nga edzi Pfhumu Nungungulu a nga rumago khidzo khu ga Mosi.

Johane 3:34

Kholu wule a nga rumedwa khu Nungungulu a gu ganela mahungu ya Nungungulu, Nungungulu kha mu ningi Liphuvbo khu gu mu pimela.

Mithumo 13:3

Khavbo avbo, va di hala, va gira milombelo, va gu va handzega mandza, va va vbangana va hongola.

Mithumo 19:6

Gikhati Pawulo a nga va handzega mandza, Liphuvbo nya Guage li di tshiga vbatshani gwawe, avo va gu ganela malimi ni gu profeta.

Mithumo 6:3

Khu kharato, vandruye, hathani vbakari gwanu livbandre na vavili vama nya ndruda nya gutale khu Liphuvbo ni guti, hi na va ninga avo thumo yoyo,

Mithumo 6:6

Na va va reside ga Vapostoli, avo, na va giride nombelo, va di va handzega mandza.

Dhewuteronome 1:37

Khu kotani yanu, Pfhumu Nungungulu a gorogede gambe ni eni, khuye: Uwe nuwe khu na gubela.

Dhewuteronome 3:21

Ga gikhati gyogyo gambe, nyi leletede Josuwa nyi mu embela, kheni: Maho yago ma wone satshavbo esi Pfhumu Nungungulu wanu, a giridego ga vafumeli vava va vavili; Pfhumu Nungungulu a na gira idzosaye ga mifumo yatshavbo u na gu yi tsemakanyago.

Dhewuteronome 3:28

Leletela Josuwa, u mu ninga tshivba ni gu mu tiyisa hwambo; kholu khuye a na thangago mbeli ga vathu vava a gu va bedza ga litigo lile uwe u na gu li wonago khu maho basi.

Dhewuteronome 31:14

Pfhumu Nungungulu a di embela Mosi, khuye: Nyi ngu wona nya gukheni matshigu yago nya gufe ma ngu hidzimela; khu guralo, rana Josuwa mu ta dzi bikela umo nya Tshatsha nya Tshangano, gasi nyi ta mu ninga milayo yangu. Khavbo avbo, Mosi ni Josuwa va di ya dzi wonegisa umo nya Tshatsha nya Tshangano.

Dhewuteronome 31:23

Khavbo avbo, Pfhumu Nungungulu a di leletela Josuwa, mwamana wa Nuni, a mu embela, khuye: Tiya longo u si vbeli tshivba; kholu khuwe u na vbohisago sanana sa Israyeli ga litigo nyi sambanyidego gu va ninga; gasi eni nyi na bani nyiri nago.

Dhewuteronome 31:3

Pfhumu Nungungulu wago, a na gu thangela; Uye a na mbembisa mayigo yaya mbeli gwago, uwe u na ma fumela. Josuwa a na thanga mbeli gwago kha nga idzo a gu embedego khidzo Pfhumu Nungungulu.

Dhewuteronome 34:9

Josuwa, mwamana wa Nuni, a di tala khu liphuvbo nya guti, kholu Mosi a di mu handzegide mandza; va na Israyeli va di mu yingela va landrisa kha nga idzo Pfhumu Nungungulu a nga bani a leletede khidzo Mosi.

1 Thimoti 4:14

U nga divaledwi khu giningwa u gi hakhidego, egi u nga ningwago khu litshigu lile vaprofeti nya libandla va nga ganela, u gu handzegwa mandza khu madhota.

1 Thimoti 5:22

U nga vbiredzeli gu handzega mandza muthu thumoni nya libandla, u nga rwali nandru nya sighoho sa mumbe muthu, gimbila khu mavbanyelo nya yadi.

Vahebheru 6:2

sihevbulo si ganelago khu mahungu nya gubhapatiswe; guhandzega mandza vakristo; ni gu tivisa guwuga ga vafudego, ni gulamudwa nya guhegise.

Josuwa 1:17

Hi na gu yingisa ga silo satshavbo, kha nga idzo hi giridego khidzo ga Mosi. Igyo hi gi vbwetago basi khu gukhethu Pfhumu Nungungulu wago a na khale ni uwe, kha nga idzo a khadego khidzo ni Mosi.

Valamuli 11:29

Khavbo avbo, Liphuvbo la Pfhumu Nungungulu li dita ga Jefiti, a di tsemakanya khu Gileyadhi ni Manasi; kholu a di tsemakanya khu Misipa wa Gileyadhi a hongola kala ga va na Amoni.

Valamuli 3:10

Gu dita gwaye Liphuvbo la Pfhumu Nungungulu, a ta khala mulamuleli wa Israyeli; aya dwana nyimbi; Kusani-Risatayimi, mufumeli wa Mesopotamiya, a di ningedwa mandzani gwaye khu Pfhumu Nungungulu.

1 Samuweli 16:18

Moyo nya dzindruna a di hakha, khuye: “Nyi nguti gyanana gimwegyo gya Jese wa Bhetlehema, gi kodzago gu womba gitendre. Uye mudwani ni ndrena nya nyimbi, a ngu kodza gu ganela gwadi, a na ni giyemo nya gukhalege gambe Pfhumu Nungungulu a na ni uye.”