8 Gyanana gya Palu, khu Eliyabhi;
sanana sa Rubheni, khesi: Enoki, Palu, Hezironi ni Karimi;
Aya khu mapango ya va na Rubheni ma nga lovedwago, yatshavbo ma diri magumana na mararu magumi ni livbandre na mavili mazana ni magumararu (43.730).
sanana sa Eliyabhi khu Nemuweli, Dhatani ni Abhiramo. Dhatani yoyu ni Abhiramo khavo va nga hathwago khu tshangano gasi gu wugela Mosi ni Aroni na vari gumogo ni tsawa wa Kore gikhati va nga wugelago Pfhumu Nungungulu.
