Mitengo 26:55 - Bhibhiliya Nya Guage

⁵⁵ Khu guralo, gukabaniswa nya thomba nya litigo gu na nonedzwa khu solo; vatshavbo va na hakha gukhedza khu mahundzu ya vababe vawe.

Mitengo 26:55 Iomraidhean Croise

Mavingu 16:33

Vathu va ngu kodza gu wudzisa khu gulola dzisolo, aholu uye a ningago phindrulo khu Pfhumu Nungungulu ekha.

Mavingu 18:18

Gulolwa dzisolo gu ngu vbedza mayunga, gu lamula mahungu ya va nya dzitshivba.

Ezekiyeli 47:22

Enu mu na kabana kha nga thomba yanu kamwe gumogo ni valuveli va vbanyago vbakari gwanu, na vari ni sanana. Enu va vegeni kha nga sivelegwa sa Israyeli; gumogo nanu va na bela thombani, vbakari nya mahundzu ya Israyeli.

Mitengo 26:56

Thomba yi na kabanisedwa khu gulola dzisolo vbakari nya lihundzu nya likhongolo ambari ni eli nya lidugwana.”

Mitengo 33:54

Mu na kabanisela litigo khu gu lola dzisolo vbakari nya dzindranga dzanu; mu na ningela thomba nya yingi ga avo va gu vangi, mu ninga nya yidugwane ga avo va gu vadugwana, muthu ni muthu a na hakha esi si mu lumbago kha nga edzi solo yi lolago khidzo, gukhedza khu mahundzu ya vababe vanu.

Mitengo 34:13

Mosi a di leletela va na Israyeli, khuye: “Eli khu litigo mu yelago gu li kabanisela khu gu lola dzisolo, Pfhumu Nungungulu a rumedego gu ningela ga livbandre na mana mahundzu ni gipandre.

Mitengo 36:2

“Pfhumu Nungungulu rumide uwe, mune wangu, gukhuye u kabanisele litigo khu gu lola dzisolo li khala thomba ya sanana sa na Israyeli; gambe Pfhumu Nungungulu a gu leletede uwe, mune wangu, khuye u ningele thomba ya Selofeyadi, ndriyathu, ga sanana saye nya vanyamahegyane.

Mithumo 1:26

Khavbo avbo, va di gira tumbatumbane; gi gu thegela Matiya. Gukhugela avbovbo a di vegwa tengoni nya vale nya likhumi na vavili vapostoli.

Vakolosi 1:12

Bongani Nungungulu Babe a dzinidego gukhuye mu mane nenu fanelo nya guya hengela guhodza thomba a yi vegisedego libandla laye mufumoni nya wenengedzo.

Josuwa 11:23

Khu guralo, Josuwa a di khozisa tigoni gwatshavbo, kha nga idzo Pfhumu Nungungulu a nga leletelago khidzo Mosi; khu guralo, Josuwa a di li ningela li khala thomba ya na Israyeli, va kabaniswa mayelano khu lihundzu lawe. Khavbo avbo, tigoni gu di manega gurula.

Josuwa 14:2

Gukavedzedwa nya thomba, gu giridwe khu gulola dzisolo kha nga idzo Pfhumu Nungungulu a nga leletelago khidzo Mosi, gasi gu kavedzedwa livbandre na mana mahundzu ni gipandre;

Josuwa 17:14

Khavbo avbo, sanana sa Josefa si di embela Josuwa, khiso: “Khu ginani u nga hi ningago thomba mweyo, gipandre gimwegyo, olu ethu hi gu vathu nya vangi kharati, ava Pfhumu Nungungulu a va kategisidego kala olu?”

Josuwa 18:6

Mu na pimela litigo, mu li kabanisa khu livbandre na sivili sipandre; mu na nyi reselani malangalila yakone, gasi nyi kodze gu sasuledza mbeli ga Pfhumu Nungungulu wathu.

Josuwa 19:1

Solo nya wuvili yi di thegela Simiyoni, Lihundzu la sanana sa Simiyoni, gukhedza khu dzindranga dzawe, thomba yawe, yi di manega vbakari nya thomba ya sanana sa Judha.

Josuwa 19:10

Solo nya wuraru yi di thegela ga sanana sa Zebhuloni, gukhedza khu dzindranga dzawe. Vbingano wawe wu diya kala Saridi.

Josuwa 19:17

Solo nya wu na yi di thegela ga Isakari; avbo ga sanana sa Isakari, gukhedza khu dzindranga dzawe.

Josuwa 19:24

Solo nya livbandre yi di thegela ga lihundzu nya sanana sa Aseri, gukhedza khu dzindranga dzawe.

Josuwa 19:32

Solo nya livbandre na mweyo, yi di thegela ga sanana sa Nafitali, gukhedza khu dzindranga dzawe.

Josuwa 19:40

Solo nya livbandre na wuvili yi di thegela lihundzu nya sanana sa Dhani, gukhedza khu dzindranga dzawe.