Mitengo 26:54 - Bhibhiliya Nya Guage

⁵⁴ Ga lihundzu li gu ni vathu nya vangi ngudzu u na va ninga gipandre nya gikhongolo nya thomba; gasi ga eli nya vathu nya vadugwana u na va ninga gipandre nya gidugwane nya thomba; lihundzu ni lihundzu li na ningwa thomba gukhedza khu tengo nya vathu vaye.

Mitengo 26:54 Iomraidhean Croise

Mitengo 26:53

Ava khavo va na kabanisedwa litigo gasi gu khala thomba yawe, gukhedza khu tengo nya malina yawe.

Mitengo 32:3

“Mayigo ya Ataroti, ya Dhibhoni, Jazeri, Nimera, Hesibhoni, Eleyali, Sebami, Nebhu ni Bheyoni

Mitengo 32:5

Va di engedza gambe, khavo: “Ha gu bani hi manide wuhigo mahoni gwago, litigo leli li ningele ga sithumi sago, li khala thomba yathu; u nga hi gurumedzi gu tshatuga tsongo wa Joridhani!”

Mitengo 33:54

Mu na kabanisela litigo khu gu lola dzisolo vbakari nya dzindranga dzanu; mu na ningela thomba nya yingi ga avo va gu vangi, mu ninga nya yidugwane ga avo va gu vadugwana, muthu ni muthu a na hakha esi si mu lumbago kha nga edzi solo yi lolago khidzo, gukhedza khu mahundzu ya vababe vanu.

Mitengo 35:8

Gasi ga madhoropa yoyo mu na gu ma hambanisago ni dzithomba dza na Israyeli, u na vbweta nya singi ga lihundzu nya likhongolo, u lomba nya sidugwana ga ilo nya lidugwana; lihundzu ni lihundzu li na ningela litigo nya madhoropa yawe ga va na Levhi, gukhedza khu gipandre va hakhidego.

Josuwa 17:14

Khavbo avbo, sanana sa Josefa si di embela Josuwa, khiso: “Khu ginani u nga hi ningago thomba mweyo, gipandre gimwegyo, olu ethu hi gu vathu nya vangi kharati, ava Pfhumu Nungungulu a va kategisidego kala olu?”

Josuwa 19:9

Thomba ya sanana sa Simiyoni yi dusidwe khumo ga sanana sa Judha, kholu thomba ya sanana sa Judha yi diri yingi ngudzu guvbindra; khu guralo, thomba ya sanana sa Simiyoni yi nga dugelago vbakari ga na Judha.