Mitengo 25:8 - Bhibhiliya Nya Guage

⁸ a di landra mwama yoyu tshatshani gwaye aya va paya va vavili gumogo khu vbagirumbutunu, Muisrayeli ni nyamayi wule. Khu guralo, wu di vbela tungu vbakari ga va na Israyeli.

Mitengo 25:8 Iomraidhean Croise

2 Samuweli 21:14

Marambo ya Sawule ni ya mwanaye Jonatane, va diya ma dzinga tigoni ga Bhejami, dhoropani ga Sela, thowoni ga babe waye Khisi. Va di gira satshavbo va nga leletedwa khu mufumeli. Khu hwane nya iso, Nungungulu a dipwa gulila nya vathu.

2 Samuweli 24:25

Dhavhidhe a di vbaha vbale, giluvelo gya Pfhumu Nungungulu, a ningela avbo miphaselo nya guvbiswe, ni miningelo nya gurule. Khavbo avbo, likhulo la Pfhumu Nungungulu li di bosa, tigoni gu vbela tungu wule a nga reselago va na Israyeli.

1 Dzikoronika 21:22

Dhavhidhe a di embela Orinani, khuye: “Nyi ninge wulanga wowu nya githala gyago nyi vbahela avbo giluvelo gya Pfhumu Nungungulu, gasi tungu wu vbindre ga vathu; u nyi embela gambe ni tengo nyi yelago gu livba.”

Malakiya 2:5

Gidzumeledzwano gyangu naye, a diri gya womi ni gurula, nyi di mu ninga gasi a nyi ninga githawo. Uye a di nyi ninga githawo a bwelo khavbo a ndrendremela khu kotani nya lina langu.

Mitengo 17:13

Watshavbo wule a na gu hidzimelago vbafuvbi nya Tshatsha wa Pfhumu Nungungulu a nafa; gu yeyedza gupwani hatshavbotu hi na vbela, gani?”

Mitengo 25:11

“Fineya mwamana wa Eleyazari, mwamana wa muphasi nya mhamba Aroni, ndreyiside hwindzo likhulo langu ga va na Israyeli, kholu a simamide gu yeyedza githawo avbo gwangu vbakari gwawe; khu guralo, kha nya mbembisa va na Israyeli khu likhulo langu.

Mitengo 25:5

Khavbo avbo, Mosi a di embela valamuli va Israyeli, khuye: Muthu ni muthu a na songe vathu vaye va nga dzi tshanganisago ni Bhahali-Peyori.

Josuwa 7:26

Va wungedzela vbatshani ga Akani gigomo nya gikhongolo nya siwindri gi nga guromo kala na muhuno. Khavbo avbo, Pfhumu Nungungulu a di bosa likhulo laye. Khu guralo, wulanga wule wa gu ranwa kala na muhuno gupwani Kova wa Akori.