Mitengo 25:6 - Bhibhiliya Nya Guage

⁶ Khu guralo, gu dita moyo nya sanana sa Israyeli, a resa ga vandriyaye nyamayi moyo nya Mumedhiyani, na gu wonwa khu Mosi gumogo ni tshangano watshavbo wa va na Israyeli, avbo tshangano watshavbo wu nga bani wu gu lila vbamwanyatunu nya Tshatsha nya Tshangano.

Mitengo 25:6 Iomraidhean Croise

Genesi 37:28

Vanyawugwewo nya gute khu tigoni ga Medhiyani, va di vbindra khu vbafuvbi ni vbale va nga bani varomo vandruye va Josefa. Va ndriyaye va di dusa Josefa khu namboni; va mu rengisa ga va na Ismayeli khu tengo nya magumavili singerengere nya parata. Vaismayeli va di dzega Josefa va gu hongola naye Egipito.

1 Dzipfhumu 11:18

Va di khuga khu Medhiyani vata Parani, va gu dzega vathu va Parani va hongola navo Egipito, ga Faro, mufumeli wa Egipito, a nga hakhago Hadhadhi ni vathu vaye, a va tumbisa gu va hodzisa ni gu va ninga wulanga.

Dzindzimo 94:16

Khu mani a na khugago a nyi emela ga va nya guvivba ni sighevenga? Ni gu nyi phasa mandzani ga sighohi?

Isaya 22:12

Ga litshigu lolo, Mune, Pfhumu Nungungulu nya Tshivba Yatshavbo, a ngu mi ramba gu muta lila, ni gutsikwila, mu vbalula ndzudzu hungoni ni gu ambala myendra nya silendra.

Jeremiya 3:3

Khu guralo, ndzadzi kha yiwi, ambari ni iyo nya nango kha yawa; aholu uwe u na ni khovbe nya wubhayi, u si khali dzitshoni.

Jeremiya 36:23

Gikhati ni gikhati Jewudhi a nga bani na gu vbedza gu hevbula malangalila mararu mwendro mana, mufumeli a di ma pila khu ngala wa mulovi a ma rinya gikhoni nya nilo, mavbya kala libhuku latshavbo li vbela khu guvbya.

Jeremiya 8:12

Va di yede gupwa dzitshoni khu mavbanyelo yawe nyambasi yadi; aholu ne ni vbadugwana kha va dzipwi dzitshoni; gambe kha va giti gilo muni gu khala dzitshoni. Khu guralo, va na thega gumogo ni vale va fudego; va na mbemba litshiguni nya gulamudwe; a ngu ganela Pfhumu Nungungulu.

Joyele 2:17

Va na lile vaphasi nya mhamba, va thumelago Pfhumu Nungungulu, va na lile vbakari nya mwanya nya Nyumba ya Nungungulu ni giluvelo, va lombelela khavo: Uwe Pfhumu Nungungulu tsetsa vathu vago, u nga ningeli thomba yago yi khala gihegiso, va nya mayigo va gira guhaladza khiyo; kholu mambe mafumbu ma nga ganela khayo: Womo hayini Nungungulu wawe?

Mitengo 16:47

Aroni a di gira ugo a nga embedwa khu Mosi, a tutuma aya vbakari nya tshangano nya vathu; tsayiso wu di phede vbakari nya gwawe. Khavbovbo, a di thela libani givbiseloni a gu girela vathu phaso nya gutsetseledwe sighoho.

Mitengo 22:4

Mowabhi a di embela madhota ya Madhiyani, khuye: “Khu githugedza gidzemo gegi gi na ta vbiyela tigoni gwathu kha nga idzo mombe yi vbiyelago khidzo mwasi wa khabini!” Khu hwane, Bhalaki, mwamana wa Kipori, a diri mufumeli wa Vamowabhi khu gikhati gyogyo.

Mitengo 31:2

“Phodzela va na Israyeli ga Vamedhiyani, hwane nya isoso u naya patana gumogo ni vavelegi vago.”

Judha 1:13

mavimbi nya guvbenye ya linene, ma gugumugago ma pupuma liguvi nya siguro sawe nya dzitshoni; nga dzinyeledzi dzi legalegago, dzi vegedwego wulanga gidemani nya guthise ngudzu, kala gupindruga.

Valamuli 2:4

Avbo Ngilozi ya Pfhumu Nungungulu yi nga ta ganela magana yaya ga vatshavbo va na Israyeli, vathu va di khusa malito va lila.