Mitengo 25:13 - Bhibhiliya Nya Guage

¹³ Gi na khala avbo gwaye; ni ga situgulwana saye, gidzumeledzwano nya wuphasi nya mhamba kala gupindruga, kholu simamide gu yeyedza githawo ga Nungungulu waye, a girela gutsetseledwa nya sighoho sa na Israyeli.”

Mitengo 25:13 Iomraidhean Croise

2 Samuweli 21:3

Dhavhidhe a di embela va na Gibheyoni, khuye: “Mwa gu vbweta gukhenu nyi mi girela ginani? Nyi mi tsakisa khu ginani gasi mu kategisani thomba ya Pfhumu Nungungulu.”

1 Dzipfhumu 19:10

Uye a di hakha, khuye: “Nya guvbisega khu gu khathalela ngudzu Pfhumu Nungungulu nya Tshivba Yatshavbo, kholu sanana sa Israyeli, si digide gidzumeledzwano gyago, si khungumude siluvelo sago, va songetede vaprofeti vago khu litshari; kheni nyenga basi nyi vbulugidego, aholu eni neni va ngu nyi piga, va vbweta gu nyi songa.”

1 Dzipfhumu 19:14

Uye a di hakha, khuye: “Eni nya gu vbisega khu ligolo ga Pfhumu Nungungulu nya Tshivba Yatshavbo, kholu sanana sa Israyeli, si digide gidzumeledzwano gyago, si khungumulede siluvelo sago, gambe si songetede vaprofeti vago, kheni basi nyi vbulugidego; aholu eni neni si ngu nyi piga, si vbweta gu nyi songa.

1 Dzipfhumu 2:27

Khu guralo, Solomoni a di dusa Abhiyatari, thumoni nya wuphasi nya mhamba ya Pfhumu Nungungulu, gasi gu tadzisega kharati magana ya Pfhumu Nungungulu a ganedego khu mahungu nya ndranga ya Eli, tigoni ga Silo.

Nehemiya 13:29

Pfhumu Nungungulu wangu, U nga va divaleli, kholu va nyenyeziside thumo wa vaphasi nya mhamba, gumogo ni gidzumeledzwano nya wuphasi wa na Levhi.

Dzindzimo 106:31

Khu kharato uye khade muthu nya gululame, a na ranwa kharato uye ni situgulwana saye kala gupindruga.

Dzindzimo 119:139

Nyi ngupwa wuvi ngudzu, kholu valala vangu kha va theli kota khu mahungu yago.

Dzindzimo 69:9

Khu lihaladzo nyi gu nalo khu nyumba yago, ndrani gwangu gu ngu vbya khu nilo, avo va gu valago va gu vala eni.

Ekisodha 29:9

U na hunga Aroni ni sanana saye khu mikeka u va ambagisa sihugu. Thumo nya wuphasi nya mhamba wu na lumba avo khu nayo kala gupindruga. Khidzo kharati u na wumbelago Aroni ni sanana saye.”

Ekisodha 32:30

Khu mindru gakone, Mosi a di ganela ga vathu, khuye: “Mu giride gighoho nya gikhongolo. Aholu, muhuno, nyi na gwela ga Pfhumu Nungungulu, gufela gukheni mwendro a gu dzina saye nyi naya dzi kodza gu hakha ditshedzo nya sighoho sanu.”

Ekisodha 40:15

U na si todza nga idzo u nga todzago khidzo babe wawe, gasi va thuma thumo nya wuphasi nya mhamba mbeli gwangu. Gutodzwa gogu gu na va wumbela wuphasi nya mhamba kala gupindruga, ga situgulwana ni situgulwana.

Isaya 61:6

Aholu enu mu na ranwa vaphasi nya mhamba ya Pfhumu Nungungulu, va na mi rana sithumi sa Nungungulu wathu. Mu na hodza dzithomba dza va nya mayigo, ni dzithomba dzawe, dzi na khala dzanu.

Jeremiya 33:18

ambari gu hamugega muphasi nya mhamba nya lidzaha nya gudugele nyumbani ga Levhi, gasi gu ema mbeli gwangu a simama gu ningela miphaso nya guvbiswe, ni guvbisa miningelo nya dzimbewu, a gira dzimhamba matshigu yatshavbo.”

Jeremiya 33:22

Livelego la githumi gyangu Dhavhidhe, ni la va na Levhi va nyi thumelago, nyi na va gira va tala kha nga dzinyeledzi dza ndzadzini, ni fungo wa phwani nyamba pimwa.

Levhi 15:15

Muphasi nya mhamba a na ningela gimwegyo a gira phaso nya gulivbe nandru, ni gimbe nya phaso nya guvbiswe, a gira nayo nya guagiswe wusila waye, mbeli ga Pfhumu Nungungulu.

Malakiya 2:8

Aholu enu mu di ndreya ndzilani, mu tshunganisa va nya gutala khu sihevbudzo sanu; mu tshungunula gidzumeledzwano nyi giridego ni Levhi, a ngu ganela Pfhumu Nungungulu nya Tshivba Yatshavbo.

Mitengo 16:46

Mosi a di embela Aroni, khuye: Dzega givbiselo gyago nya libani u thela umo magala ya vbagiluvelotunu, u thela libani. Indra khu gu vbiredza vbakari nya tshangano u ya gira phaso nya ditshedzo, kholu Pfhumu Nungungulu gorogide ngudzu; wu ngu phela tungu.”

Mitengo 16:47

Aroni a di gira ugo a nga embedwa khu Mosi, a tutuma aya vbakari nya tshangano nya vathu; tsayiso wu di phede vbakari nya gwawe. Khavbovbo, a di thela libani givbiseloni a gu girela vathu phaso nya gutsetseledwe sighoho.

Mitengo 17:12

Khavbo avbo, va na Israyeli va di ganela ga Mosi va mu embela, khavo: “A gu bani nari kharato hi vbede, hi fude! Hi na bani hi fude ethu hatshavbo!

Mitengo 25:14

Lina la Muisrayeli yoyu a nga songwago ni nyamayi nya Mumedhiyani a diri uye Zimiri, mwamana wa Salu, muthangeli nya lihundzu la na Simiyoni.

Johane 2:17

Vapizane va di dundruga milowo yi gukhiyo: “Gukhathala nyi gu nago khu nyumba yago gu ngu nyi pwisa wuvi.”

Vahebheru 2:17

A di fanela gu khala idzosaye ni vandriyaye siloni satshavbo, gasi a khale Muphasi nya Khongolo nya mhamba, a gu na ni wuhindzi ni gutumbega thumoni nya gu va tshanganise ni Nungungulu, gasi gu tsetseledwa sighoho nya vathu.

Vahebheru 7:11

Nayo va hakhidego va na Israyeli wa gukhugela omu nya wuphasi wa na Levhi, wu pharidwego khu sanana sa Aroni. Aholu, nari gupwani thumo nya wuphasi wa na Levhi wu di vbelede, kha ga nga vbwetega gambe gu manega mumbe muphasi nya nayo wa Melikisedheki a si gu wa nayo wa Aroni.

Josuwa 7:12

Khu guralo, khiso si nga gira va na Israyeli va si tiyi mbeli ga valala vawe, va ningedzela mihwambo yawe, kholu va dzi nyenyeziside. Mwa gumba dusani silo si nyenyezidego vbakari gwanu, gima kha nyi na khala gambe nanu.

1 Pedro 2:5

Hidzimelani nenu mu dzi ningedzela ga Nungungulu, gasi a mi thumise kha nga siwindri nya guvbanye, guvbahani nya nyumba nya Liphuvbo ya Nungungulu. Nyumbani momo, enu mu womo kha nga tsawa nya vaphasi nya mhamba va agisidwego, va hathidwego gasi gu ningela miphaso yi tsakisago Nungungulu khu ga Jesu Kristo.

1 Pedro 2:9

Aholu, enu mu lifumbu li hathidwego, mu vaphasi va Pfhumu, mu lihundzu li agisedwego Nungungulu, mu vathu mu lumbago uye. Enu mu hathidwe gasi mu huwelela tshivba ya Nungungulu, a mi ranidego mu duga gidemani, muta wenengedzoni gwaye nya gusamadzise.

1 Johane 2:2

Kholu, Jesu Kristo a dzi ningede a songwa a gu khala mhamba gasi sighoho sathu si gu tsetseledwa, nasiri esi sathu basi, aholu ni sa vathu vatshavbo.

Gutuledwa 1:6

a gu hi gira vafumeli ni vaphasi nya mhamba ya Nungungulu Babe waye. Khyaye gidhumo ni tshivba kala gupindruga. Amen.

1 Samuweli 2:30

Khu kotani nya isoso, upwani esi a ganelago Pfhumu Nungungulu wa Israyeli, wari, khuye: Eni nyi di ganede ga ndranga ya babe wago ni ndranga yago, gukheni va na nyi thumela kha nga vaphasi nya mhamba kala gupindruga. Olu Pfhumu Nungungulu a ngu ganela, khuye: Kha si na simama. Kholu avo va nyi zundzago, nyi na va zundza neni, aholu avo va nyi kanyisago va na thedwa dzitshoni.