Mitengo 25:11 - Bhibhiliya Nya Guage

¹¹ “Fineya mwamana wa Eleyazari, mwamana wa muphasi nya mhamba Aroni, ndreyiside hwindzo likhulo langu ga va na Israyeli, kholu a simamide gu yeyedza githawo avbo gwangu vbakari gwawe; khu guralo, kha nya mbembisa va na Israyeli khu likhulo langu.

Mitengo 25:11 Iomraidhean Croise

2 Samuweli 21:14

Marambo ya Sawule ni ya mwanaye Jonatane, va diya ma dzinga tigoni ga Bhejami, dhoropani ga Sela, thowoni ga babe waye Khisi. Va di gira satshavbo va nga leletedwa khu mufumeli. Khu hwane nya iso, Nungungulu a dipwa gulila nya vathu.

1 Dzipfhumu 14:22

Va na Judha va di gira ugo gu vivbidego mahoni ga Pfhumu Nungungulu; va di mu gorosa ngudzu guvbindra iso si nga girwago khu vavelegi wawe, khu gu ghoha va ghohidego.

Dzindzimo 106:23

Nungungulu a di khuye a na mbembisa va na Israyeli; Mosi, githumi gyaye nya gigodwa, a di ema mbeli ga Nungungulu a lombelela gasi gu bosisa likhulo laye.

Dzindzimo 106:30

Aholu Fineya a di khuga a tsayisa avo va nga ghoha, tungu wu di vbela.

Dzindzimo 106:31

Khu kharato uye khade muthu nya gululame, a na ranwa kharato uye ni situgulwana saye kala gupindruga.

Dzindzimo 78:58

Va di mu gorosa khu gu gira siluvelo nya wuhedheni, va mu girisa wufu khu kotani nya gukhozele vanungungulu nya malipha.

Ekisodha 20:5

Khu na nga khidzima mbeli nya silo soso, gambe gima khu na nga si khozela, kholu eni kheni Pfhumu Nungungulu wago, nyi Nungungulu nya wufu, nyi ngu tsayisa sanana khu kotani nya gighoho gya vavelegi vawe kala gitugulwana nya wuraru negi nya wu na ga vale va nyi vengago.

Ekisodha 22:5

Muthu a gu havisa sifuyo saye thembweni nya sivbila mwendro nya miwuvha, aholu a diga sirengo si ya hodza thembweni ga vane, a na hatha esi nya sadi a fanyidego thembweni gwaye aya livba khiso.

Ekisodha 34:14

U nga khozeli mumbe nungungulu, kholu Pfhumu Nungungulu, lina laye khuye Nyawufu; Nungungulu nya wufu.

Ezekiyeli 16:38

Nyi na gu lamula kha nga idzo va lamudwago khidzo vanyamayi nya maphuphulu, ni vale va songago vathu; nyi na vbaladza novba wago khu likhulo langu li wusago wufu.

Nahume 1:2

Pfhumu Nungungulu nya wufu ni gu dzi phodzela! Pfhumu Nungungulu a ngu dzi phodzela na tade khu likhulo! Pfhumu Nungungulu a ngu dzi phodzela ga avo va mu wugelago, na gu yeyedza likhulo laye ga valala vaye.

Sofoniya 1:18

Ambari parata ni ndralama yawe, kha si na kodza gu va vbulugisa, litshiguni nya likhulo la Pfhumu Nungungulu. Litigo latshavbo li na dagarela khu nilo nya likhulo laye. Ina, kholu a na mbembisa muphelo vatshavbo va vbanyago mafuni, mwalo a na vbulugago.

Sofoniya 3:8

Khu kharato, Pfhumu Nungungulu wari, khuye: “Nyi lindreleni, kala litshigu nyi na wugago nyita mi phanga. Kholu gikungo gyangu khegi nya gute tombanisa mayigo, nyi tshanganisa mifumo; gasi nyi kodza guta guhula giviti gyangu, ni guvbisega nya likhulo langu latshavbo vbatshani gwawe. Kholu litigo leli latshavbo li na dagarela khu nilo nya guvbenye gwangu.”

Mitengo 25:10

Khu guralo, Pfhumu Nungungulu a di ganela ga Mosi, khuye:

Johane 3:36

Uye a khodwago ga Mwanaye a na ni guvbanya nya gupindruge. Gasi uye a si mu yingisigo kha na mana guvbanya, gambe a na tsayiswa khu likhulo la Nungungulu.

1 Vakorinto 10:22

Mwendro ha gu vbweta gukhethu Pfhumu a goroga? Mwa gu alakanya gukhenu hi na ni tshivba guvbindra uye, gani?

2 Vakorinto 11:2

Gu khathala gu ngu nyi girisa wufu, linani ga Nungungulu. Kholu enu mu khade nga sagadzyana nya makendzi, nyi mi ningedego ga mwama moyo basi, a gu Kristo.

Dhewuteronome 29:20

Pfhumu Nungungulu a na mu phawusa a mu vega phuvbo, ga mahundzu yatshavbo ya na Israyeli, gasi a thegedwa khu mabango ni sivalo nya gidzumeledzwano gegi si lovidwego Libhukuni momu nya Nayo.

Dhewuteronome 32:16

Va Mu giride a khala wufu khu vanungungulu nya valombo. Va Mu wusede likhulo khu silo nya gunyenyeze.

Dhewuteronome 32:21

Khu sifaniso sawe va nyi giriside wufu khu egi gi si gu Nungungulu, va nyi wusela likhulo khu sikono nya vanungungulu vawe nya malipha. Eni neni nyi na va wusela wufu khu kotani nya silo si si phasigo gilo, khu gu hatha mayigo ma sirigo mayigo, nyi na va gorosa khu gu hatha litigo nya sipumbu, nyambana mapimo.

Dhewuteronome 4:24

Kholu Pfhumu Nungungulu wago, nilo wu dagaredzisago, Nungungulu nya wufu.

Josuwa 22:13

Khavbo avbo, va di rumela ga va na Rubheni, va na Gadhi, ni ga gipandre nya lihundzu la na Manasi, tigoni ga Gileyadhi, Fineya, mwamana wa muphasi nya mhamba Eliyazari,

Josuwa 24:19

Khavbo avbo, Josuwa a di embela vathu, khuye: “Enu kha mu dzi kodzi gu thumela Pfhumu Nungungulu, kholu Uye Nungungulu a agidego, ni Nungungulu a khozedwago gikhati gyatshavbo, a si timiseligo sihoso ni sighoho sanu.