Mitengo 24:13 - Bhibhiliya Nya Guage

¹³ Ambari nari gupwani Bhalaki a gu nyi ninga nyumba yaye na yi tade khu parata ni ndralama, eni kha nyi dzi kodzi gu hambanisa guruma ga Pfhumu Nungungulu, gasi gu gira nya sadi mwendro gu gira nyamba sadi, khu gugola gwangu. Iso Pfhumu Nungungulu a nyi embelago khiso basi nyi na gu ganelago.

Mitengo 24:13 Iomraidhean Croise

1 Dzipfhumu 13:8

Aholu muthu wa Nungungulu a di phindrula mufumeli, khuye: Ambari nari gupwani u di nyi ninga gipandre nya ndranga yago, gima nya sa dzumela gu hongola nago, ambari gu hodza guhodza ni gu sela mati wulanga wowu.

1 Dzipfhumu 22:14

Aholu Mikeya a di ganela, khuye: “Nyi ngu sambanya khu Pfhumu Nungungulu a vbanyago, eni nyi na ganela basi iso Pfhumu Nungungulu, a na nyi embelago.”

Mitengo 16:28

Khavbo avbo, Mosi a di ganela, khuye: “Olu khavbo mu na dzitigo gukhenu Pfhumu Nungungulu khuye a nyi rumidego guta gira satshavbo silo sesi. Kha si dugeli monyoni gwangu.

Mitengo 22:18

Bhalahama a di embela sithumi sa Bhalaki, khuye: “Ambari nari pwani Bhalaki a di nyi ninga nyumba yaye na yi tade khu ndralama ni parata, gima kha nyi na hambanisa sileletelo sa Pfhumu Nungungulu wangu, khu gu gira gilo nya gikhongolo ambari nya gidugwana.

Mitengo 22:20

Pfhumu Nungungulu a dita ga Bhalahama ni wutshigu a ta mu embela, khuye: “Kha nga vama vovo va dzudego gu ta gu rana, khuga u hongole navo; aholu u na ya gira basi igyo nyi na gu rumago.”

Mitengo 22:8

Aholu uye a di va embela, khuye: “Khalani avba wutshigu wowu nyi na ta mi ningani phindrulo nya idzo Pfhumu Nungungulu a na gu nyi embelago khidzo.” Khavbo avbo, vasingalagadzi va Mowabhi va di khala ni Bhalahama.