Mitengo 24:10 - Bhibhiliya Nya Guage

¹⁰ Khavbo avbo, Bhalaki a di khondra khu likhulo a wugela Bhalahama, a phuphuta mandza; Bhalaki a di embela Bhalahama, khuye: “Eni nyi gu ranede guta vala valala vangu; aholu olu uwe u va kategiside guraru!

Mitengo 24:10 Iomraidhean Croise

Nehemiya 13:2

kholu kha va khinga va na Israyeli va va yisela guhodza ni mati; aholu va di renga Bhalahama gasi a va tshanisa; gambe Nungungulu wathu a di vbindrugedza tshanisa yi khala litsako.

Joba 27:23

Litshigu a na thegago, vathu va na khwakhwatela mandza khu gutsaka va mu poyila khu gu womba dzindrodzi.”

Ezekiyeli 21:14

Khu guralo, uwe gyanana gya muthu, profeta u khwakhwata mandza; kholu litshari li na pila guvili mwendro guraru, litshari li vangago lufu, gu songa nya gusasele nya guthise, eli li songago vathu khu maphuvbo yatshavbo.

Ezekiyeli 21:17

Eni neni nyi na khwakhwata mandza yangu, gasi nyi hefemudza likhulo langu; eni Pfhumu Nungungulu, nyi ganede.”

Ezekiyeli 22:13

“Wonani gukhenu nyi na tsayisa khu mandza yangu wuvafa wanu, ni wughevenga wanu, mu wu giridego vbakari gwanu.

Mitengo 22:11

Wona nya gukhuwe lomo lifumbu li dugelago khu tigoni ga Egipito, olu va phorodzide litigo leli. Khu guralo, delu, u ta va yuyutela. A gudzina saye eni nyi na kodza gu va dwanisa ni gu va tutumisa.”

Mitengo 22:17

kholu nyi na gu fenengedza khu wudhumo nya wukhongolo ngudzu ni gu gira satshavbo esi u na nyi rumago. Khu guralo, nyi ngu gu lomba, delu u ta nyi yuyutelela vathu vava.”

Mitengo 22:6

Gasi olu, hi ngu gu lomba gukhethu u ta khu guvbiredza u ta yuyutela vathu vava, kholu va na ni tshivba gu nyi vbindra. Khu guralo, eni kha nyi na dzi kodza gu va pala, ni gu va tutumisa tigoni momu, kholu nyi ngu dziti gukheni uwe, uye u mu kategisago, kategide, ni oyu u mu valago a vadwe.”

Mitengo 23:11

Khavbo avbo, Bhalaki a di embela Bhalahama, khuye: “Gasi khu ginani u nyi girelago esi? Eni nyi gu raniside gasi guta vala nala wangu, aholu uwe wa guta mu kategisa!”

Mitengo 24:11

Gasi olu, bwelela gaya gwago. Eni nyi di gu tumbiside gukheni nyi na gu ninga wuzundzo nya wukhongolo; aholu Pfhumu Nungungulu a gu himbedzede gu mana wuzundzo wowo.”

Mitengo 24:9

Uye varamide a vandramela kha nga nghala nya matune, a godza nghala nya ngadzi. Khu mani a na gu mu tiyelago? Va na kategiswe avo va gu kategisago, va vadwa avo va gu valago.

Mithumo 11:10

Silo sesi si wonegide nyondro tharu kala mwendra wu gu khusedzwa wu bwelela Ndzadzini.

Dhewuteronome 23:6

Khu kotani nya isoso, u nga va ningi gurula ambari wuwadi ga matshigu yatshavbo nya guvbanye gwago kala gupindruga.