Mitengo 23:24 - Bhibhiliya Nya Guage

²⁴ Wonani vathu va khugago kha nga nghala nya ngadzi, va khuga va ema kha nga nghala nya matune, kha yi ruli na yi si gu hodzi pfimba waye, na yi si gu seli novba wa avo va songidwego!”

Mitengo 23:24 Iomraidhean Croise

Genesi 49:27

Bhejami lisolwa nya guhavbe; dzimindrudzile a gu khura khu gu songetela, kala gupfolani nya lidambo a kabanisela phango.

Genesi 49:9

Uwe u ginghalana, gikhati u wuyago, mwanangu ni pfimba wago! U khidzima u nama kha nga nghala nya matune ni eyi nya ngadzi. Khu mani nya gu mu wuse?

1 Dzipfhumu 10:20

Umo nya livbandre na gimwegyo sigandro, khu wubambe gakone, gu diri ni likhumi na dzimbili dzinghala, eno ni eno. Gima kha wu nga manega wumbe mufumo wu nga gira thumo nya gufanane ni owu.

2 Dzikoronika 9:18

Gikhalo gyogyo nya wufumu, gi diri ni livbandre na gimwegyo sigandro ni sigandredzelo nya migondro nya ndralama, na si tshanganisidwe vbagikhalotunu nya wufumu. Khu dzibambe gwa igyo, gi diri ni gikhighelo nya mawogo, eno ni eno gu manega sifananiso nya nghala.

Dzindzimo 17:12

Va gu fanana ni nghala yi gu na ni mahika khu pfimba waye; ni ginghalana gi varamidego phalani gwaye.

Mavingu 30:30

Nghala yi gu ni tshivba guvbindra sirengo satshavbo, yi si thavigo gilo;

Isaya 31:4

Kholu Pfhumu Nungungulu a nyi embede kharati, khuye: Kha nga nghala ni ginghalana gyaye, si ngurangurago khu pfimba wawe, si si thavi ligwaha nya vahavisi khu gutala nya avo, yi si tutumi, yi thava khu kotani nya wungi nya avo, kharato nuye Pfhumu Nungungulu nya Tshivba Yatshavbo a na tshiga, gasi guta dwanela gigomo gya Siyoni ni gigomwana gyaye.

Dhaniyeli 2:44

Khu matshiguni ya vafumeli vovo, Nungungulu wa ndzadzini a na emisa wumbe mufumo nya gu gima kha wu na khoziswa khu mambe mafumbu. A na pfhungumula ni gu mbembisa mifumo yatshavbo ya vafumeli vale, mufumo waye wu na tiya kala gupindruga.

Amosi 3:8

Ya gu bhonga ngala, khu mani a gumba ndrendremela? Pfhumu Nungungulu a gu ganela, khu mani a na gumba profeta?

Nahume 2:11

Olu momo hayi mavbala nya dzinghala numo dzi nga bani dzi hodzisela umo sanana sawe, khu hayi yi nga bani yi haganela avbo nghala nya gugumbe ni ngadzi waye, nyambana ni moyo nya gu yi thusedzele?

Nahume 2:12

Nghala yi di gu sota iso si ninganago sanana saye, gambe yi di gu mola girengo gasi guya ninga vagadzi vaye, yi di gu tadza mavbala ni dziphago dzaye khu nyama.

Zakariya 12:6

Khu litshigu lolo, nyi na gira vathangeli va Judha va khala kha nga magala nya gudzure vbakari nya dzikhuni, ni mwenge vbakari nya dzinyandra; va na mbembisa, nyamudye ni nyambade, mayigo yatshavbo ma va randredego. Jerusalema a na wuya a manega ni vathu va vbanyago umo, bwelo khavbo a khala gambe wulangani gwaye.

Mitengo 23:25

Bhalaki a di engedza a ganela ga Bhalahama, khuye: “Wa gumba vbweta gu va vala, u nga va kategisi!”

Mitengo 24:17

Eni nyi ngu mu wona, aholu khandri olu, nyi na mu khedza, aholu nasiri khu vbafuvbi; gu na duga nyeledzi khavbo ga Jakobe ni ndronga nya wufumu khavbo ga Israyeli. Yi na khungumula mihungo ya va na Mowabhi, yi mbembisa sanana satshavbo sa Seti.

Dhewuteronome 33:20

Khu va na Gadhi, a di ganela, khuye: “A na rungudzwe Wule a andrisidego litigo la na Gadhi; uye a lalago umo kha nga nghala nya ngadzi, a vbadzulela mawogo ni gu pfarelela mihungo.

Gutuledwa 5:5

Limwedo nya madhota yale li di nyi degudzela, khilo: “U nga lili; kholu Nghala nya lihundzu la Judha a gu Melego wa Dhavhidhe, yi pade, yi ngu kodza gu tula libhuku ni gu namula sifungo saye satshavbo nya livbandre na sivili.”