Mitengo 23:1 - Bhibhiliya Nya Guage

¹ Khavbo avbo, Bhalahama, a di embela Bhalaki, khuye: “Nyi vbahele avba livbandre na sivili siluvelo, u nyi dongisela livbandre na dzimbili dzihamba.”

Mitengo 23:1 Iomraidhean Croise

2 Dzipfhumu 18:22

Aholu, wa gu nyi embela gukhuwe: Ha gu tumba Pfhumu Nungungulu wathu: Ina khandruye Nungungulu wule a nga khungumuledwa malanga yaye nya gukhugege ni siluvelo saye khu Ezekhiya, a embela Judha ni Jerusalema, khuye: Mu na khozela vbagiluvelotunu vbavba gya Jerusalema, gani?

1 Dzikoronika 15:26

Avbo Nungungulu a nga phasedzela va na Levhi va nga bani va rwade Ngasa nya Gidzumeledzwano gya Pfhumu Nungungulu, avo va di paya livbandre na dzimbili dzimombe nya vamatune ni livbandre na dzimbili dzihamba.

2 Dzikoronika 29:21

A di rumela gu reswa livbandre na dzimbili dzikuzi nya simombyana, livbandre na dzimbili dzihamba, livbandre na dzimbili dzinvuta ni livbandre na vavili vanyamabhongwe, gasi guya gira miphaselo nya guduse sighoho nya mufumo, nya Wulanga nya Guage ni sa na Judha; mufumeli a di leletela vaphasi nya mhamba, nya linyumba la Aroni, gasi va si paya vbagiluvelotunu gya Pfhumu Nungungulu.

Joba 42:8

Khu guralo, dzegani livbandre na dzimbili dzikuzi nya dzimombe, ni livbandre na dzimbili dzihamba, mu hongola nadzo ga githumi gyangu Joba, mu ya gira khidzo phaselo nya guvbiswe. Githumi gyangu Joba gi na mi lombelelani eni nyi na hakha khavbo gwaye nombelo wanu. Gasi khu guralo, kha nyi na mi tsayisa ambari olu mu ngamba gira silo nya gululame avbo gwangu, mu si fanani ni githumi gyangu Joba.”

Ekisodha 20:24

U na nyi girela giluvelo khu mafu, u ningelago avbo miphaso yago nya guvbiswe, ni eyi nya gubonge, ni dzimhamba dzago nya dzinvuta ni dzimombe. Ni wevbini wulanga nyi wu hathidego gasi gu alakanya avbo Lina langu, nyi nata gwago nyi ta gu kategisa.

Mavingu 15:8

Phaso wa vathu nya guvivbedwe khu monyo, manyala ga Pfhumu Nungungulu, aholu nombelo wa vathu nya gululame, khuwo wu mu tsakisago.

Ezekiyeli 33:31

Avo va guta gwago kha nga giolovedzo gyawe, va gu khala mbeli gwago gasi gu yingisa magana yago, aholu kha va ma landrisi. Va gu ganela khu magana khavo va ngu nyi gola, narigu khu myonyoni gwawe va gu alakanyela bhindzu nyambana fanelo.

Ezekiyeli 45:23

Khu litshigu ni litshigu, gipimo nya livbandre na mavili matshigu nya buzo, uye a na dongisela livbandre na mavili marole ni livbandre na dzimbili dzihamba nyambana mabawa, gasi gu gira phaso waye nya guvbiswe ga Pfhumu Nungungulu, ni nyamabhongwe gasi gu gira phaso nya guhandze sighoho.

Mitengo 22:41

Na gu ngari dzimindru ngudzu, Bhalaki a di ya dzega Bhalahama a gwela naye Bhamoti-Bhahali, Bhalahama a di ya wona khu vbale mahegiso nya lizumbo nya vathu va na Israyeli.

Mitengo 23:2

Bhalaki a di gira kha nga guleletela ga Bhalahama. Khu hwane Bhalaki ni Bhalahama va di ningela phaselo ga giluvelo ni giluvelo khu mombe ni hamba.

Mitengo 23:29

Bhalahama a di embela Bhalaki, khuye: “Nyi emisele avba livbandre na sivili siluvelo, u nyi dongisela livbandre na dzimbili dzimombe ni livbandre na dzimbili dzihamba.”

Mitengo 23:30

Bhalaki a di gira kha nga idzo a nga embedwago khidzo khu Bhalahama, a di ningela mombe ni hamba mweyo khu giluvelo ni giluvelo.

Mitengo 29:32

Khu litshigu nya livbandre na mavili, mu na ningela livbandre na dzimbili dzimombe, dzihamba dzimbili ni likhumi na dzina dzinvutana nya mwaga moyo, nyamba hasa,

Matewu 23:13

Libango gwanu, enu vapfhadzi, vahevbudzi nya Nayo ni Vafarisi, kholu mu ngu segela vathu malimba nya Mufumo wa Ndzadzini; kha mu beli enu, gambe kha mu digi va bela avo va dzinago.

Judha 1:11

Libango lawe! Kholu va bede khu ndzila ya Kayimi. Khu kotani nya lidora ni dzitsapawu va dzi ningede gighohoni nya guvivbegya Bhalahama; va dzi mbembisa khu gu ganedza nya nga ogu ga Kora.

1 Samuweli 15:22

Khavbo avbo, Samuweli a di mu embela, khuye: “Ina Pfhumu Nungungulu a gu tsakiswa khu miphaso nya guvbiswe ni dzimhamba guvbindra gu yingisa magana yaye, gani? Gu yingisa i tshukwana guvbindra miphaso, ni gu sayisa lito la Pfhumu Nungungulu, guvbindra mafura nya dzinvuta.