Mitengo 22:38 - Bhibhiliya Nya Guage

³⁸ Bhalahama a di hakha Bhalaki, khuye: “Kheni oyu, nyi womo avba, nago! Olu, nyi ngu dzi kodza gu gu embela nya gukari, gani? Nyi na gu embela esi Nungungulu a si vegidego kanani gwangu; khiso basi nyi na gu embelago!”

Mitengo 22:38 Iomraidhean Croise

1 Dzipfhumu 22:14

Aholu Mikeya a di ganela, khuye: “Nyi ngu sambanya khu Pfhumu Nungungulu a vbanyago, eni nyi na ganela basi iso Pfhumu Nungungulu, a na nyi embelago.”

1 Dzipfhumu 22:16

Mufumeli a di mu embela, khuye: “Kala lini na nyi gu gu sambanyisa gukheni, u nga ganeli simbe silo vbavbandze nya lisine khu lina la Pfhumu Nungungulu, na?”

2 Dzikoronika 18:13

Mikeya a di mu phindrula, khuye: “Nyi ngu sambanya khu Pfhumu Nungungulu a vbanyago kheni, iso Nungungulu wangu a na gu nyi embelago, khiso nyi na ganelago.”

Dzindzimo 33:10

Pfhumu Nungungulu a ngu pfhungumula gikungo gya va nya mayigo ni gu thesa vbavbatshi mipimiso nya mayigo.

Dzindzimo 76:10

Ambari likhulo nya muthu li na gu rungudza; ni mitshaledwa yi nga vbulugago yi na gu girela buzo.

Mavingu 19:21

Monyoni ga muthu momo makungo nya mangi, aholu iso si tiyidego, khiso Pfhumu Nungungulu a fungidego.

Isaya 44:25

Nyi ngu ganedza vaprofeti nya malipha, nyi handrugisa va nya gulola dzisolo; va nya guti nyi va bweledza hwane, nyi vbindrugedza wugengeli wawe wu khala wupumbu.

Isaya 46:10

Eni nya gu tivisa esi si giregidego gukhugela guhegulani, gukhugela dzinango dzi vbindridego nidzo dzi nga gutago. Nyi ngu ganela, kheni: Makungo yangu ma na tiya, gambe nyi na gira satshavbo nyi si golago.

Isaya 47:12

Ema kharato ni wunyanga wago ni gutala nya mirendre yago, ni wuloyi wago u wu thumisidego gukhugela wumbirini wago, mwendro si na gu phasa gu dzi tshula mhangoni.

Mitengo 22:18

Bhalahama a di embela sithumi sa Bhalaki, khuye: “Ambari nari pwani Bhalaki a di nyi ninga nyumba yaye na yi tade khu ndralama ni parata, gima kha nyi na hambanisa sileletelo sa Pfhumu Nungungulu wangu, khu gu gira gilo nya gikhongolo ambari nya gidugwana.

Mitengo 22:37

Bhalaki a di wudzisa Bhalahama, khuye: “Ina khwa nga pwa olu nyi nga bani nyi rumede vathu gu ta gu rana, khu ginani u nga mbata? Ina eni kha nyi dzi kodzi gu gu girela wudhumo nya wukhongolo, gani?”

Mitengo 22:39

Bhalahama a di longoloka ni Bhalaki va vboha Kiriyati-Huzoti.

Mitengo 22:8

Aholu uye a di va embela, khuye: “Khalani avba wutshigu wowu nyi na ta mi ningani phindrulo nya idzo Pfhumu Nungungulu a na gu nyi embelago khidzo.” Khavbo avbo, vasingalagadzi va Mowabhi va di khala ni Bhalahama.

Mitengo 23:16

Pfhumu Nungungulu a dita wonega ga Bhalahama, a mu thela magana yaye kanani gwaye, a mu embela, khuye: “Indra ga Bhalaki, u na ya mu embela esi ni esi.”

Mitengo 23:26

Khu guralo, Bhalahama a di mu hakha, khuye: “Ina kha nya gu embela gukheni satshavbo esi Pfhumu Nungungulu, a na si ganelago nyi na si gira, gani?”

Mitengo 24:13

Ambari nari gupwani Bhalaki a gu nyi ninga nyumba yaye na yi tade khu parata ni ndralama, eni kha nyi dzi kodzi gu hambanisa guruma ga Pfhumu Nungungulu, gasi gu gira nya sadi mwendro gu gira nyamba sadi, khu gugola gwangu. Iso Pfhumu Nungungulu a nyi embelago khiso basi nyi na gu ganelago.