Mitengo 22:31 - Bhibhiliya Nya Guage

³¹ Khavbo avbo, Pfhumu Nungungulu a di tula maho ya Bhalahama, uye a di wona Ngilozi ya Pfhumu Nungungulu na yi emide ndzilani, na yi homode litshari yi phara mandzani; uye a di khidzima a yi khozela na tsitside khu khovbe mafuni.

Mitengo 22:31 Iomraidhean Croise

Genesi 21:19

Nungungulu a di tula maho Agari, uye a di wona nambo. A diya tadza kanvu khu mati a ninga gyanana gi sela.

1 Dzikoronika 21:16

Dhavhidhe na khuside maho, a di wona Ngilozi ya Pfhumu Nungungulu na yi emide vbakari ni vbakari ga mafuni ni ndzadzini, na yiri ni litshari mandzani, na yi khusedzide gasi gu sasela Jerusalema; khavbo avbo, Dhavhidhe gumogo ni madhota, na va ambade silendra, va di thega khu khovbe mafuni.

Dzindzimo 9:20

Va thele hwanga, Pfhumu Nungungulu; va nya mayigo va na dziti gukhavo vathu basi.

Ekisodha 34:8

Mosi a di dzegela gu noga ngudzu kala vbavbatshi a gu khidzima a khozela;

Mitengo 22:30

Buru yi di hakha, khiyo: “Gasi khandri nyi buru yago, u nyi khilelago matshigu yatshavbo kala muhuno, gani? Ina nyi ngu tshuka nyi gira nya nga esi, gani?” Uye a di hakha, khuye: “Ahihi.”

Mitengo 24:16

magana ya muthu a yingisago mahungu ya Nungungulu, oyu a gu pimago guti gwa Uye a Khusegidego Ngudzu, uye a wonago Nungungulu nya Tshivba Yatshavbo, uye a dzi nogisago aholu na ma tulegide maho yaye.

Mitengo 24:4

magana ya uye a yingisago mahungu ya Nungungulu, ya oyu a wonago Nungungulu nya Tshivba Yatshavbo, uye a dzi nogisago, aholu na ma tulegide maho yaye.

Luka 24:16

Aholu maho yawe ma di segegide va si mu tuguli.

Luka 24:31

Khavbo avbo, maho yawe ma di tulega, va mu tugula; aholu uye a di mwalalega mahoni gwawe.

Johane 18:6

Gikhati Jesu a nga khuye: “Kheni kamwe,” va di bwelela nya gihwane, va gu thega vbavbatshi.

Mithumo 26:18

Eni nyi ngu gu rumela guya va tula maho yawe gasi va duga gidemani, va ta guwonegelani; va duga wugumbini wa Sathane, va ta ga Nungungulu, va khodwa gwangu va fela gu divaledwa sighoho sawe, va hakha thomba yi lulamisedwego vbakari nya sihathwa, khu gukhodwa Gwangu.’

Josuwa 5:13

Josuwa nari vbafuvbi ni Jeriko, na khuside maho a di wona mwama moyo na emide mbeli gwaye, na pharide litshari mandzani. Josuwa a di hidzimela gwaye aya mu wudzisa, khuye: “U moyo wathu, mwendro moyo ya valala vathu, gani?”

Josuwa 5:14

Uye a di hakha, khuye: “Ahihi, eni nyi muthangeli nya nyimbi ya Pfhumu Nungungulu, olu nyi womo avba.” Josuwa a di noga a thega vbavbatshi khu khovbe, a mu wudzisa, khuye: “Ginani u gu nagyo pfhumu yangu gasi gu embela githumi gyago?”