Mitengo 22:20 - Bhibhiliya Nya Guage

²⁰ Pfhumu Nungungulu a dita ga Bhalahama ni wutshigu a ta mu embela, khuye: “Kha nga vama vovo va dzudego gu ta gu rana, khuga u hongole navo; aholu u na ya gira basi igyo nyi na gu rumago.”

Mitengo 22:20 Iomraidhean Croise

Dzindzimo 81:12

Khu guralo, nyi di va diga va gira guhaladza gwawe, va landrisela gugola nya myonyo yawe.

Isaya 37:29

Khu kotani nya likhulo u gu nalo ni Eni, ni matshandza yago ma litide kala dzindzeveni Gwangu, wona nya gukhuwe nyi na gu pola thonvu nyi gu thela khalo, nyi gu thela matomu kanani nyi gu bweledza khu ndzila u dzudego khiyo.

Jeremiya 1:7

Aholu Pfhumu Nungungulu a di nyi embela, khuye: “U nga ganeli gukhuwe nyi ngari gyanana; kholu umo nyi na gu rumago, u na hongola, u ya ganela satshavbo nyi gu rumelago.”

Hoseya 13:11

Nyi gu ningide mufumeli khu likhulo, nyi bwelo khavbo nyi gu wandrela khu giviti.

Mitengo 22:19

Gasi olu, nyi ngu mu lomba khalani avba gambe wutshigu wowu, nya gu vbweta gu ya ganela ni Pfhumu Nungungulu, kala nyiti iso a vbwetago gu nyi embela gambe.”

Mitengo 22:35

Aholu Ngilozi ya Pfhumu Nungungulu yi di hakha Bhalahama, khiyo: “Indra ni vama vava aholu indra u ya ganela basi igyo nyi na gu rumago gu ya ganela.” Bhalahama a di simama a hongola ni vasingalagadzi va Bhalaki.

Mitengo 23:12

Bhalahama a di mu hakha, khuye: “Gasi kha nyi yeli gu ganela basi lisine nya esi Pfhumu Nungungulu a vegago kanani gwangu, gani?”

Mitengo 23:16

Pfhumu Nungungulu a dita wonega ga Bhalahama, a mu thela magana yaye kanani gwaye, a mu embela, khuye: “Indra ga Bhalaki, u na ya mu embela esi ni esi.”

Mitengo 23:26

Khu guralo, Bhalahama a di mu hakha, khuye: “Ina kha nya gu embela gukheni satshavbo esi Pfhumu Nungungulu, a na si ganelago nyi na si gira, gani?”

Mitengo 23:5

Khavbo avbo, Pfhumu Nungungulu a di vega kanani ga Bhalahama magana yaye, a mu embela, khuye: “Indra ga Bhalaki u ya mu embela kharati.”

Mitengo 24:13

Ambari nari gupwani Bhalaki a gu nyi ninga nyumba yaye na yi tade khu parata ni ndralama, eni kha nyi dzi kodzi gu hambanisa guruma ga Pfhumu Nungungulu, gasi gu gira nya sadi mwendro gu gira nyamba sadi, khu gugola gwangu. Iso Pfhumu Nungungulu a nyi embelago khiso basi nyi na gu ganelago.

Mitengo 24:4

magana ya uye a yingisago mahungu ya Nungungulu, ya oyu a wonago Nungungulu nya Tshivba Yatshavbo, uye a dzi nogisago, aholu na ma tulegide maho yaye.