Mitengo 22:18 - Bhibhiliya Nya Guage

¹⁸ Bhalahama a di embela sithumi sa Bhalaki, khuye: “Ambari nari pwani Bhalaki a di nyi ninga nyumba yaye na yi tade khu ndralama ni parata, gima kha nyi na hambanisa sileletelo sa Pfhumu Nungungulu wangu, khu gu gira gilo nya gikhongolo ambari nya gidugwana.

Mitengo 22:18 Iomraidhean Croise

1 Dzipfhumu 13:8

Aholu muthu wa Nungungulu a di phindrula mufumeli, khuye: Ambari nari gupwani u di nyi ninga gipandre nya ndranga yago, gima nya sa dzumela gu hongola nago, ambari gu hodza guhodza ni gu sela mati wulanga wowu.

1 Dzipfhumu 22:14

Aholu Mikeya a di ganela, khuye: “Nyi ngu sambanya khu Pfhumu Nungungulu a vbanyago, eni nyi na ganela basi iso Pfhumu Nungungulu, a na nyi embelago.”

2 Dzikoronika 18:13

Mikeya a di mu phindrula, khuye: “Nyi ngu sambanya khu Pfhumu Nungungulu a vbanyago kheni, iso Nungungulu wangu a na gu nyi embelago, khiso nyi na ganelago.”

Joba 3:15

ni vathangeli nya sitetema va nga bani na vari ni ndralama nya yingi, ni gu tadza dzinyumba dzawe khu parata.

Dhaniyeli 5:17

Khavbo avbo, Dhaniyeli a di mu phindrula, khuye: Siningwa sago khala naso, ni tshatshazelo yago ningela ga vambe. Aholu nyi na hevbulela mufumeli milowo nyi bwelo khavbo nyi mu pwadzela tshamuselo yaye.

Mitengo 22:19

Gasi olu, nyi ngu mu lomba khalani avba gambe wutshigu wowu, nya gu vbweta gu ya ganela ni Pfhumu Nungungulu, kala nyiti iso a vbwetago gu nyi embela gambe.”

Mitengo 22:38

Bhalahama a di hakha Bhalaki, khuye: “Kheni oyu, nyi womo avba, nago! Olu, nyi ngu dzi kodza gu gu embela nya gukari, gani? Nyi na gu embela esi Nungungulu a si vegidego kanani gwangu; khiso basi nyi na gu embelago!”

Mitengo 22:8

Aholu uye a di va embela, khuye: “Khalani avba wutshigu wowu nyi na ta mi ningani phindrulo nya idzo Pfhumu Nungungulu a na gu nyi embelago khidzo.” Khavbo avbo, vasingalagadzi va Mowabhi va di khala ni Bhalahama.

Mitengo 23:26

Khu guralo, Bhalahama a di mu hakha, khuye: “Ina kha nya gu embela gukheni satshavbo esi Pfhumu Nungungulu, a na si ganelago nyi na si gira, gani?”

Mitengo 24:12

Bhalahama a di phindrula Bhalaki, khuye: “Ina kha nya embela myango yago u nga yi rumelago gwangu, kheni:”

Mitengo 24:13

Ambari nari gupwani Bhalaki a gu nyi ninga nyumba yaye na yi tade khu parata ni ndralama, eni kha nyi dzi kodzi gu hambanisa guruma ga Pfhumu Nungungulu, gasi gu gira nya sadi mwendro gu gira nyamba sadi, khu gugola gwangu. Iso Pfhumu Nungungulu a nyi embelago khiso basi nyi na gu ganelago.

Mithumo 8:20

Aholu, Pedro a di mu kawuka khuye; “Indra ni dzitsapawu dzago gumbembani kholu u alakanyide gurenga khu dzitsapawu giningwa gya Nungungulu.

Tito 1:16

Vari khavo va ngu muti Nungungulu, aholu mithumo yawe yi ngu va ganedza, kholu va tade khu livengo ni gumba yingisa. Kha va kodzi gu gira ni gimwegyo nya gyadi.

Josuwa 24:10

Aholu Eni kha nya dzina gu yingisa Bhalahama; khavbo avbo, uye a di mi kategisa, eni nyi mi vbulugisa mandzani gwaye.