Mitengo 21:34 - Bhibhiliya Nya Guage

³⁴ Khavbo avbo, Pfhumu Nungungulu a di embela Mosi, khuye: “U nga mu thavi, kholu nyi na mu ningela mandzani gwago uye gumogo ni vathu vaye vatshavbo va tigoni gwaye. U na mu gira kha nga idzo u giridego Seyoni, mufumeli wa Vaamori, uye a nga bani a vbahide tigoni ga Hesibhoni.”

Mitengo 21:34 Iomraidhean Croise

2 Samuweli 5:19

Khavbo avbo, Dhavhidhe a di wudzisa Pfhumu Nungungulu, khuye: “Ina nyi ngu yela gu dwana ni Vafilistiya, gani? U na va ningela mandzani gwangu, gani?” Pfhumu Nungungulu a di mu hakha, khuye: “Indra, khu lisine Eni nyi na va ningela mandzani gwago.”

1 Dzipfhumu 20:13

Khu gikhati gyogyo, muprofeti moyo a di vboha ga Akabi, mufumeli wa Israyeli, a mu tivisa, khuye: Pfhumu Nungungulu a ngu ganela kharati, khuye: “U gi wone gidzemo gegi nya gingi ngudzu, gani? Muhuno eni nyi na gi ningela mandzani gwago, u va pala gasi u dziti nya gukhuwe eni kheni Pfhumu Nungungulu.”

1 Dzipfhumu 20:28

Muthu wa Nungungulu, a di hongola ga mufumeli wa Israyeli, aya mu embela, khuye: “Pfhumu Nungungulu a ngu ganela kharati, khuye: Olu Vaasiriya va ganelago, khavo: Pfhumu Nungungulu khwa sigomoni, nasiri Nungungulu wa panini, eni nyi na ningela mandzani gwago, gyatshavbo gidzemo gegi nya gikhongolo, khavbo mu na dzitigo nya gukhenu, Eni kheni Pfhumu Nungungulu.”

2 Dzipfhumu 3:18

Aholu khandri iso basi mahoni ga Pfhumu Nungungulu, a na mi ningani gambe mandzani gwanu Mowabhi.

Isaya 41:13

Kholu eni, Pfhumu Nungungulu wago, nyi ngu gu phara khu libogo lago la nyamudye, nyi gu embela, kheni: U nga thavi, eni nyi ngu gu phasa.

Mitengo 14:9

Mu nga wugelini Pfhumu Nungungulu, gambe mu nga thavi vathu va tigoni mule, kholu, avo va na khala guhodza gwanu. Va mwalo wuthavelo kholu Pfhumu Nungungulu a na ni ethu. Mu nga va thavi!”

Mitengo 32:4

mayigo yale Pfhumu Nungungulu a ma sasedego mbeli ga tshangano wa na Israyeli, mayigo nya yadi gasi gu havisa umo mitshambi. Ethu sithumi sago hi na ni mitshambi.”

Dhewuteronome 2:30

Aholu Seyoni, mufumeli wa Hesibhoni, kha hi diga hi vbindra khu tigoni gwaye, kholu Pfhumu Nungungulu wanu, a di bangisa hefemulo wawe, a bangisa myonyo yawe, gasi a kodza gu mu ningela mandzani gwanu, kha nga si wonegago kala na muhuno.

Dhewuteronome 20:3

Yingisa uwe Israyeli, muhuno mu nguta dwana ni valala vanu; myonyo yanu yi nga vbeli tshivba; mu nga khali hwanga gambe mu nga ndrendremeli ambari guthusedzedwa khavo,

Dhewuteronome 3:1

Hwane ga avbovbo, hi di thendregedza hi gwela khu ndzila nya guye Bhasani; hi di khingwa khu Ogi, mufumeli wa Bhasani, uye a diri ni vathu vaye nya nyimbi gasi guta hi dwanisa tigoni ga Edhireyi.

Dhewuteronome 3:11

Kholu Ogi, mufumeli wa Bhasani, khuye enga a nga bani na tshade nya lihundzu nya sidandrangulu, Varefayini; lidawu laye a diri la simbi li nga bani liri ni pimo nya livbandre na mina mikono gulapha, guanama li diri ni mikono mina, mayelano khu pimo wu nga bani wu thumiswa gikhati gyogyo. Li nga romo kala na muhuno.

Dhewuteronome 31:6

Khalani vathu nya gutiye ni gutimisela, mu nga thavi ambari gu thuruga mbeli gwawe, kholu Pfhumu Nungungulu wanu, khuye a na gimbilago nanu; kha na mi diga ambari gu hambana nanu.”

Dhewuteronome 7:17

Wa gu ganela khu monyoni gwago, khuwe: Vathu nya mayigo yaya vangi ngudzu gu nyi vbindra; nyi na dzi kodza kharini gu va pala, nyi va tutumisa?

Dhewuteronome 7:18

U nga va thavi. Dundruga esi Pfhumu Nungungulu wago, a giridego ga Faro gumogo ni Vagipiti vatshavbo:

Dhewuteronome 7:21

U nga khali hwanga mbeli gwawe, kholu Pfhumu Nungungulu wago, a gu Nungungulu nya khongolo ni guthavisega, womo vbakari gwago.

Dhewuteronome 7:24

A na ningela gambe mandzani gwago vafumeli vawe, gasi uwe u fuvise malina yawe mafuni; mwalo ni moyo a na tiyago gu ema mbeli gwago, kala u va mbembisa.

Josuwa 10:25

Khavbo avbo, Josuwa a di va embela, khuye: “Mu nga thavi, ambari gu khala hwanga; tiyani longo mu khale dzindrena. Khidzo kharati Pfhumu Nungungulu a na girago ga valala vatshavbo mu na dwanago navo.”

Josuwa 10:8

Pfhumu Nungungulu a di embela Josuwa, khuye: “U nga khali hwanga kholu vatshavbo nyi na va ningela mandzani gwago; mwalo na moyo wawe a na tiyago guta mbeli gwago.”

Josuwa 8:7

Khavbo avbo, enu mu na dugani mu va dhumela mu phanga lidhoropa. Pfhumu Nungungulu wanu, a na va ningela mandzani gwanu.

Valamuli 11:30

Jefiti a di gira gisambanyo ga Pfhumu Nungungulu, khuye: “Wa gu ningela mandzani gwangu va na Amoni,

1 Samuweli 23:4

Khavbo avbo, Dhavhidhe a di engedza a wudzisa ga Pfhumu Nungungulu; Pfhumu Nungungulu a di mu phindrula, khuye: “Dzi emisele u relela Keyila, kholu nyi na ningela Vafilisitiya mandzani gwago.”