Mitengo 20:4 - Bhibhiliya Nya Guage

⁴ Khu ginani u residego tshangano wa Pfhumu Nungungulu giwulani momu, gasi hi tafa umo, ethu ni sifuyo sathu?

Mitengo 20:4 Iomraidhean Croise

Dzindzimo 106:21

Avo va di divala Nungungulu, Muvbanyisi wawe, a nga va girela sisamadziso tigoni ga Egipito.

Ekisodha 16:3

Sanana sa Israyeli si di ganela, khiso: “Adiri tshukwana nari pwani hi di fede mandzani ga Pfhumu Nungungulu tigoni ga Egipito, iyo hi nga bani hi tshelega mabhota nya nyama, hi khala hi hodza wusa hi khura. Aholu enu mu hi dusideni mu hi resa giwulani momu, mu di fela gu ta songa khu ndzala rengo watshavbo wowu nya vathu!”

Ekisodha 17:3

Avbovbo, vathu va dipwa lidora nya mati, va bhongela Mosi, khavo: “Khu ginani u hi dusidego khu tigoni Egipito, u di fela gu ta hi songa khu lidora, ethu gumogo ni sanana sathu ni sifuyo sathu, gani?”

Ekisodha 5:21

va gu va embela, khavo: “Pfhumu Nungungulu a na mi khedzise a gu mi lamula. Mu hi giride vathu nya gunyenyeze mahoni ga Faro ni sithumi saye, mu vegideni litshari mandzani gwawe vafela gu hi songa.”

Mitengo 11:20

aholu mu na yi hodza ngima rumba, kala mu kodwa khiyo yi duga khu dzithonvuni, kholu enu mu yeyiside Pfhumu Nungungulu, Uye a guromo vbakari gwanu, gambe mu lide mbeli gwaye na mu gukhenu: Khu ginani hi dugidego khu tigoni ga Egipito?”

Mitengo 11:5

Ha gu alakanya dzindzandzi hi nga bani hi hodza mahala tigoni ga Egipito; marigiri ni madzwani ni dzisobola nya guhambanelane ni ayo.

Mitengo 14:2

Va na Israyeli vatshavbo gumogo ni tshangano watshavbo va di ngurangura va wugela Mosi ni Aroni, va ganela khu gyawe, khavo: “I tshukwana na hi fede tigoni ga Egipito mwendro giwulani momu!

Mitengo 16:41

Aholu, khu litshigu li landrelago, va di wugela gambe Mosi ni Aroni, khavo: “Enu mu songide vathu va Pfhumu Nungungulu.”

Mithumo 7:35

“Khuye Mosi va nga mu nyenyago khavo, khu mani a nga gu gira mufumeli ni mulamuli wathu. Khuye a nga rumedwa khu Nungungulu kha nga muthangeli ni mutshuli, khu lito la ngilozi ya Nungungulu yi nga dzi wonegisa gwaye vbagipopwanatunu.

Valamuli 11:16

kholu, gu dugani ga va na Israyeli khu Egipito, va di gwela khu giwulani va vboha ga Yiphwa nya Gufuvile, khu vbale va vboha kala Kadesi.