Mitengo 20:16 - Bhibhiliya Nya Guage

¹⁶ Ethu hi lide ga Pfhumu Nungungulu; Uye pwide lito lathu, a hi rumela Ngilozi mweyo, gasi gu ta hi dusa khu Egipito. Olu, ethu hi womo Kadesi, ga lidhoropa li guromo vbafuvbi ni vbinganoni nya litigo lago.

Mitengo 20:16 Iomraidhean Croise

Ekisodha 14:10

Avbo Faro a nga hidzimelago, va na Israyeli va di khusa maho va khedzisa, va wona Vagipiti na va gu va landra. Khavbo avbo, va na Israyeli va di tedwa khu hwanga nya wukhongolo ngudzu. Va womba huwa ga Pfhumu Nungungulu.

Ekisodha 14:19

Khavbo avbo, Ngilozi ya Nungungulu yi nga bani yi thangide mbeli nya mabutho ya Israyeli, yi di vbindrugedza yita va landra khu hwane gwawe. Lipfhi li di khuga khu mbeli gwawe lita khu hwane gwawe.

Ekisodha 23:20

Wona, nyi na rumela Ngilozi yangu yi gu thangela mbeli gasi yi gu sayisa ndzilani ni gu gu bedza wulangani nyi gu dongisedego.

Ekisodha 33:2

Eni nyi na rumela Ngilozi yangu yi thanga mbeli gwago, nyi na tutumisa Vakhanani, Vaamori, Vahiti, Vaperezi, Vahevhi ni Vajebhuzi.

Ekisodha 6:5

Gambe nyi pwide gulila ga sanana sa Israyeli, esi Vagipiti va nga si khozisago va si gira dzikhumbi. Nyi alakanyide gidzumeledzwano gyangu.

Dhaniyeli 6:22

Nungungulu wangu rumede ngilozi yaye yita sega likana nya dzinghala. Idzo kha dza nyi gira gilo, kholu nyi wonidwe na nyiri mwalo nandru mbeli ga Nungungulu. Ambari avbo gwago gimwalo nyi ghohidego.”

Mitengo 20:15

Vababe vathu va relede tigoni ga Egipito, umo va nga ya vbanyago gikhati nya gulaphe ngudzu, aholu Vagipiti va hi tshaniside ethu gumogo ni vababe vathu.

Mitengo 21:22

“Hi dzumedzise hi vbindra khu tigoni gwago; kha hi na ndreya hi bela khu marembweni gwago ni dzivhinyani gwago, ambari gu sela mati nya milambo. Hi na landra likondro kala hi vbindra tigoni gwago.”

Mitengo 33:37

va khuga khu Kadesi, vaya zumba gigomoni gya Hori, mahegiso nya litigo la Edhomi.

Dhewuteronome 4:34

mwendro womo mumbe nungungulu a lingidego guya dzi dzegela litigo vbakari nya limbe litigo, khu silingo ni siyeyedzo, khu siliwugiso ni gu dwana, khu gyandza nya tshivba, ni libogo li khusedzidwego, ni mithumo ya yikhongolo nya guthise, gukhedza khu satshavbo esi Pfhumu Nungungulu wanu, a giridego mahoni gwanu tigoni ga Egipito, gani?

Dhewuteronome 4:37

Khu guralo, khu kotani nya lihaladzo ga vababe vago, hathide uwe livelego lawe, a gu dusa khu tigoni ga Egipito, uye mune wurumba khu tshivba yaye nya yikhongolo,

Josuwa 15:1

Va na Judha gumogo ni dzindranga dzawe, va di thegedwa khu solo yawe ga mayigo ya phuvbo ga Marandzi, ma anamidego gukhugela vbinganoni nya litigo la Edhomi, kala gu vboha giwulani ga Zimi, gu hongola kala mahegiso ga Marandzi.