Mitengo 20:13 - Bhibhiliya Nya Guage

¹³ Aya khayo mati ya Meribha, avbo va na Israyeli va nga ganedzisanago ni Pfhumu Nungungulu, Uye a va yeyedzide wuwadi waye khu ayo.

Mitengo 20:13 Iomraidhean Croise

Dzindzimo 81:7

Na muri sigaradzoni mu di nyi rana, eni nyi di mu vbanyisa; Eni nyi di mi hakha khu vbakari nya phuvbo nya gingulu nyi nga sihalago umo. Nyi mi lingide vbafuvbi ni wulanga nya gibuga nya mati ya Meribha.

Dzindzimo 81:8

Vathu vangu, yingisani milayo yangu, nyi di hadza gu tsaka nari gupwani wa gu nyi yingisa uwe Israyeli.

Dzindzimo 95:8

mu nga bangisi myonyo yanu, kha nga edzi va nga gira vababe vanu tigoni gwa Meribha litshigu lile nya masaha giwulani.

Ekisodha 17:7

Mosi a di rana wulanga wule khuye Masaha ni Meribha, khu kotani nya gu ganedze ga sanana sa Israyeli, ni olu va nga lingago Pfhumu Nungungulu, khavo: “Ina Pfhumu Nungungulu womo mwendro mwalo vbakari gwathu?”

Isaya 5:16

Aholu Pfhumu Nungungulu nya Tshivba Yatshavbo a na khusedzwa, kholu a ngu lamula khu nayo. Khuye Nungungulu a Agidego, Uye a yeyedzago guaga gwaye khu gu gira ugo gu lulamidego.

Ezekiyeli 20:41

Khu hwane nya gu na nyi mi wuyiside khu mayigoni mu nga bani mu phalalegede umo, nyi mi tombanisa nyaluphye, nyi na hakha khu gutsaka miphaso yanu nya guvbiswe, mahoni ga mayigo yatshavbo, mu na nyiti gukhenu eni nyi agide.

Ezekiyeli 36:23

Avbo nyi na gu yeyedzago mayigo guaga nya lina langu nya likhongolo, mu li nyenyezisidego vbakari nya mayigo, khavbo avbo, mayigo ma na dziti gukhayo eni kheni Pfhumu Nungungulu, a ngu ganela Mune Pfhumu Nungungulu.

Ezekiyeli 38:16

U na hongola u ya sasela vathu vangu va na Israyeli, kha nga lipfhi li fenengedzago litigo. Khu matshigu nya guhegise nyi na gu rumela guya dhumela litigo langu, gasi mayigo ma nyiti, gikhati nyi na gu dzi agisago khavbo gwago, uwe Gogi.

Dhewuteronome 32:51

kholu enu mwa vavili mu nyi ghohede vbakari ga sanana sa na Israyeli, vbafuvbi ni mati ya Meribha ni ya Kadesi, giwulani ga Zimi, kholu kha mwa nyi agisani vbakari ga sanana sa na Israyeli.

Dhewuteronome 33:8

Ga Levhi, a di khuye: Uwe Nungungulu, ningela Tumimi yago ni Hurimi yago, ga muthu nya gutumbege, U mu lingidego wulangani wa Masaha u nga ganedzisana naye matini ya Meribha;