Mitengo 20:12 - Bhibhiliya Nya Guage

¹² Pfhumu Nungungulu a di embela Mosi ni Aroni, khuye: “Kholu mu ngamba khodwa gwangu, gasi mu nyi agisa mbeli ga va na Israyeli, kha mu na bedza tshangano yoyu ga litigo nyi na gu va ninga.”

Mitengo 20:12 Iomraidhean Croise

2 Dzikoronika 20:20

Khu litshigu li landrelago, na gu ngari dzimindru, va di khuga va bela khu giwulani gya Tekowa. Na va nga gu khuga, Josafati a di ema, khuye: Nyi yingiseni enu va na Judha ni enu mu vbahidego Jerusalema! Khodwani ga Pfhumu Nungungulu wanu, mu na bani mu tiyide; khodwani ga vaprofeti vaye, mu na dugelela.

Dzindzimo 106:32

Va di gorosa gambe Nungungulu matini ya Meribha, Mosi a di mana libango khu kotani yawe.

Dzindzimo 99:8

Pfhumu Nungungulu wathu, uwe u di va hakha! U va yeyedzide gukhuwe u Nungungulu nya gutsetselele, ambari khu kharato, u di tsayisa mithumo yawe.

Isaya 7:9

Samariya tsindza wa Efrayimi, mufumeli wa Samariya, khu mwamana wa Remaliya, aholu mwa gumba khodwa, khu lisine, kha mu na simama mu vbanya, gima kha mu na tiya.”

Isaya 8:13

Pfhumu Nungungulu nya Tshivba Yatshavbo, khuye basi mu yelago gu mu rana gukhenu agide; khuye basi mu yelago gu mu khidzimela ni gu mu ninga githawo.

Ezekiyeli 20:41

Khu hwane nya gu na nyi mi wuyiside khu mayigoni mu nga bani mu phalalegede umo, nyi mi tombanisa nyaluphye, nyi na hakha khu gutsaka miphaso yanu nya guvbiswe, mahoni ga mayigo yatshavbo, mu na nyiti gukhenu eni nyi agide.

Ezekiyeli 36:23

Avbo nyi na gu yeyedzago mayigo guaga nya lina langu nya likhongolo, mu li nyenyezisidego vbakari nya mayigo, khavbo avbo, mayigo ma na dziti gukhayo eni kheni Pfhumu Nungungulu, a ngu ganela Mune Pfhumu Nungungulu.

Ezekiyeli 38:10

Mune Pfhumu Nungungulu, a ngu ganela kharati, khuye: Ga litshigu lolo, u na pimisa silo nya gutale monyoni gwago, bwelo khavbo u luga makungo nya guvivbe.

Levhi 10:3

Mosi a di embela Aroni, khuye: “Khiso esi a nga tivisago Pfhumu Nungungulu, gikhati a nga khuye: Nyi ngu wonegisa guaga gwangu ga vale va guromo vbafuvbi gwangu, ga vathu vatshavbo nyi ngu nonedza wudhumo wangu.” Aroni a di degula.

Mitengo 11:15

A gu bani nari kharato, nyi ngu gu lomba u nyi songe, gasi nya gu bani na nyi manide wuhigo mahoni gwago, nyi nga woni tshanisa yeyi.”

Mitengo 20:24

“Aroni a na ya lala gumogo ni vakokwe vaye, kholu kha na bela tigoni eli nyi ningidego sanana sa Israyeli, kholu mu ngamba yingisa lito langu matini ya Meribha.

Mitengo 27:14

Kholu, enu mwa vavili mu hambaniside sileletelo sangu giwulani ga Zimi, gikhati tshangano wu nyi wugedego tigoni ga Meribha, enu kha mwa nyi agisa mbeli gwawe khu gu va nonedza tshivba yangu nya yikhongolo. Ayoyo khu mati ya Meribha, tigoni ga Kadesi giwulani gya Zimi.”

Matewu 17:17

Jesu a di khuye: “Mela nya vathu nyamba khodwa, mu si gitigo nigyo mu girago! Nyi na khala nanu kala lini? Nyi na mi timiselani kala lini? Mu reseni eno gwangu.”

Matewu 17:20

Jesu a di va hakha, khuye: “Khu kotani nya gukhodwe gwanu a gu gudugwanana. Khu lisine nyi ngu mi embelani, kheni: Gukhodwa gwanu gwa gu fanana ni mbewu nya ginapi, mu na rumani gigomo gegi, khenu: ‘Siguga khavba uya khala vbale’; gi na mi yingisani. Khu kharato, gimwalo gi na mi tandrago.

Luka 1:20

U na khala gidudu; nyamba ganela, kala si gu girega satshavbo sesi, kholu khwa khodwa khu magana yangu, ayo ma na giregago khu gikhati gyakone.”

Luka 1:45

Kategide uye saye a na khodwago kholu ma na tadzisega magana a nga embedwago na ma guta khiyo ga Pfhumu.”

Johane 1:17

Kholu, Nayo wu vegidwe khu Mosi, gasi wuhigo ni lisine, hi si hakhide khu tshivba ya Jesu Kristo.

Varoma 4:20

Wulangani nya gukanakane ni gumba tumba ga gisambanyo gya Nungungulu, gukhodwa ga Abrahama gu di engedzelana gu tiya khu tshivba a gu rungudza Nungungulu.

Dhewuteronome 1:37

Khu kotani yanu, Pfhumu Nungungulu a gorogede gambe ni eni, khuye: Uwe nuwe khu na gubela.

Dhewuteronome 34:4

Pfhumu Nungungulu a di mu embela, khuye: “Eli khilo litigo nyi sambanyidego gu ninga Abrahama, ni Jakobe. Nyi na li ningela ga livelego laye. Uwe u li wone khu maho yago, aholu khu na nga ya bela umo.”

Dhewuteronome 4:21

A nuye Pfhumu Nungungulu a di nyi gorogela, khu kotani yanu, a sambanyide gukhuye kha nyi na tshatuga tsongo wa Joridhani, gambe kha nyi na bela ga litigo nya ladi eli Pfhumu Nungungulu wago, a na gu ningago gu khala thomba yago.

Josuwa 1:2

“Githumi gyangu Mosi gi fude; khu guralo, khuga uwe u tshatuga tsongo wa Joridhani, uwe gumogo ni vathu vatshavbo vava, mu ya bela tigoni nyi ningidego sanana sa Israyeli.

1 Pedro 3:15

Aholu rungudzani Kristo kha nga Pfhumu myonyoni gwanu, khalani na mu dongide gasi gu ningani phindrulo ni wevbini a na gu mi wudzisago khu mahungu nya gitumbo nya gukhodwe mu gu nago.