Mitengo 19:20 - Bhibhiliya Nya Guage

²⁰ Aholu uye a nyenyezidego a gumba dzi agisa, muthu yoyo a na fuviswa vbakari nya tshangano; kholu a na bani na nyenyeziside Wulanga nya Guage wa Pfhumu Nungungulu, ni mati nya guagise kha ma mitegedzela vbatshani gwaye; khu guralo nyenyezide.

Mitengo 19:20 Iomraidhean Croise

Genesi 17:14

Oyu nyamba hana wugwera, mwama a na gumba pidwa lidowo nya wama waye, a na fuviswa vbakari nya valongo vaye, kholu ndragide milayo nya gidzumeledzwano gyangu.”

Ekisodha 30:33

Oyu vbakari gwanu a na girago mambe nya guyedzedzele aya, mwendro gu todza khayo oyu a si dzumedziswigo khu nayo, a na fuviswa vbakari nya vathu vaye.”

Levhi 15:31

Khidzo kharati va yelago gu gira va na Israyeli va hambana ni gunyenyeza gwawe, gasi va si dzi vangeli lufu khu guta nyenyezisa wulanga wangu nya guage wu guromo vbakari gwawe.

Levhi 17:16

Aholu, a gumba handza guambala gwaye ni gumba hamba mili waye, a na rwala gulemela nya nandru waye.”

Levhi 22:4

Gani khu mani vbakari nya sanana sa Aroni, a na bani ari ni madwali nya sokono mwendro gu dugelela wusila khu milini gwaye, a nga hodzi miningelo nya guage kala a agiswa. Khidzosaye gambe ni oyu a kuhago muthu a nyenyezisidwego khu girumbi; ni oyu a nga dugago mbewu nya livelego;

Mitengo 15:30

Aholu wule a na gu ghohago kha gwenye, nari givelegwa gya tigoni mwendro muluveli, a gu ghoha khu gu kanyisa Pfhumu Nungungulu, uyoyo a na songwa vbakari ga va na gyawe,

Mitengo 19:13

Muthu watshavbo a na kuhago girumbi nya muthu nya gu bani na fude, a si dzi agisi, a gu nyenyezisa Tshatsha wa Pfhumu Nungungulu; khu kharato, a na fuviswa vbakari ga va na Israyeli, kholu kha mitegedzedwa mati nya guagise; nyenyezide, gunyenyeza gu ngari vbatshani gwaye.

Mitengo 9:13

Aholu muthu a gu bani a dzi agiside, na sa endra, a diga gu gira buzo nya Phasika, muthu yoyo a na fuviswa vbakari ga va na gyawe, kholu kha dusa ningelo ga Pfhumu Nungungulu khu gikhati gi vegisidwego; muthu yoyo a na rwala nandru waye abune.

Marko 16:16

Oyu a khodwago a bhapatiswa, a na vbanyiswa; gasi oyu a si khodwigo a na mbemba.

2 Pedro 3:14

Sigodwa sangu, nga olu mu lindrelago litshigu lolo, girani tshivba mu khale ga Nungungulu, nyambana gisolo, ambari gighoho mbeli gwaye.

Gutuledwa 22:11

Muthu nyambana ndruda a na simame ni mithumo yaye nya guwegele, muthu nya gunyenyeze a na simame ni gu dzi nyenyezisa gwaye, muthu nya gululame a na simame ni mithumo nya gululame gwaye. Ni uye a agidego a na simame gu dzi agisa.