Mitengo 19:13 - Bhibhiliya Nya Guage

¹³ Muthu watshavbo a na kuhago girumbi nya muthu nya gu bani na fude, a si dzi agisi, a gu nyenyezisa Tshatsha wa Pfhumu Nungungulu; khu kharato, a na fuviswa vbakari ga va na Israyeli, kholu kha mitegedzedwa mati nya guagise; nyenyezide, gunyenyeza gu ngari vbatshani gwaye.

Mitengo 19:13 Iomraidhean Croise

Ekisodha 30:33

Oyu vbakari gwanu a na girago mambe nya guyedzedzele aya, mwendro gu todza khayo oyu a si dzumedziswigo khu nayo, a na fuviswa vbakari nya vathu vaye.”

Mavingu 14:32

Muthu nya guvivbedwe khu monyo, a na theswa khu mithumo yaye, aholu muthu nya gululame ambari na gu fude a na ni gitumbo.

Ezekiyeli 44:26

Hwane nya gu na dzi agiside, a na lirela livbandre na mavili matshigu.

Levhi 15:31

Khidzo kharati va yelago gu gira va na Israyeli va hambana ni gunyenyeza gwawe, gasi va si dzi vangeli lufu khu guta nyenyezisa wulanga wangu nya guage wu guromo vbakari gwawe.

Levhi 20:3

Nyi na thendregedza nyi wugela muthu yoyo, nyi mu fuvisa vbakari ga na gyawe, kholu ningede gyanana gyaye gi gira mhamba nya guphasedwe Moloki, a nyenyezisa kharati wulanga wangu nya guage ni gu vivbisa lina langu nya guage.

Levhi 22:3

Va embele gukhuwe gukhugela olu, muthu watshavbo nya lifumbu lanu, nya situgulwana sanu satshavbo, a na tiyelago gu hidzimela ga silo si agidego, esi sanana sa Israyeli si dusago si phasela Pfhumu Nungungulu, na sa aga, muthu yoyo a na fuviswa mahoni gwangu. Eni kheni Pfhumu Nungungulu.

Levhi 22:4

Gani khu mani vbakari nya sanana sa Aroni, a na bani ari ni madwali nya sokono mwendro gu dugelela wusila khu milini gwaye, a nga hodzi miningelo nya guage kala a agiswa. Khidzosaye gambe ni oyu a kuhago muthu a nyenyezisidwego khu girumbi; ni oyu a nga dugago mbewu nya livelego;

Levhi 5:17

Muthu a gu ghoha khu guphazama, nasiri kha gwenye a gira gilo gimwegyo nya esi si himbedzedwago khu Pfhumu Nungungulu, uye nuye ghohide, gambe a na rwala nandru waye.

Levhi 5:3

Mwendro a gu phazama nyamba dziti a kuha muthu a nyenyezidego, mwendro ndzilo yi dzi kodzago gunyenyezisa muthu, gikhati a na dzitigo a na mana nandru.

Levhi 5:6

Khavbo avbo, a na ningela ga Pfhumu Nungungulu mhamba khu gighoho a giridego, nvuta nya ngadzi mwendro phongo nya ngadzi, gasi gu tsetseledwa sighoho saye; khu guralo, muphasi nya mhamba, a na mu girela mhamba nya guhandze giwono gyaye.

Levhi 7:20

Aholu muthu moyo a nyenyezidego, a gu hodza nyama nya miphaso nya pwanano, a na fuviswa vbakari ga vathu vaye.

Levhi 7:21

Muthu a gu kuha gilo nya gunyenyeze, mwendro ndzilo nya muthu, mwendro girengo nya gunyenyeze, mwendro ni gevbini gilo gi nyenyezidego, a khuga khavbo aya hodza nyama nya phaso nya pwanano, wu bikedwego ga Pfhumu Nungungulu, muthu yoyo a na fuviswa vbakari ga vathu vaye.

Mitengo 15:30

Aholu wule a na gu ghohago kha gwenye, nari givelegwa gya tigoni mwendro muluveli, a gu ghoha khu gu kanyisa Pfhumu Nungungulu, uyoyo a na songwa vbakari ga va na gyawe,

Mitengo 19:14

Owu khuwo nayo, a gu tshuka muthu afa tshatshani nya gukari, vatshavbo va belago tshatshani momo ni vatshavbo va guromo umo, va na bani va nyenyezide livbandre na mavili matshigu.

Mitengo 19:18

Khu guralo, muthu moyo a agidego, a na dzega sase nya nyagiluve a wu nega matini momo, a mitegedzela tshatsha ni sombo satshavbo, ni vatshavbo vathu va guromo tshatshani mule. A na mitegedzela gambe ni muthu yoyo a khuhidego marambo, ambari nari muthu a songidwego, mwendro lithowo.

Mitengo 19:19

Oyu a agidego, a na mitegedzela muthu yoyo nya gunyenyeze khu litshigu nya wuraru ni litshigu nya livbandre na mavili, a mu agisa; a na handza dzingandzu dzaye, bwelo khavbo a hamba givili gyaye, gupfolani nya lidambo a na bani na agide.

Mitengo 19:20

Aholu uye a nyenyezidego a gumba dzi agisa, muthu yoyo a na fuviswa vbakari nya tshangano; kholu a na bani na nyenyeziside Wulanga nya Guage wa Pfhumu Nungungulu, ni mati nya guagise kha ma mitegedzela vbatshani gwaye; khu guralo nyenyezide.

Mitengo 19:9

Mwama moyo a agidego a na wola nguma nya gimombyana, aya wu thela wulangani nya guage, vbavbandze nya lizumbo. Nguma wowu wu na sayiswa gwadi khu tshangano wa va na Israyeli gasi gu gira khuwo mati nya gutsetseledwe sighoho; wu khala phaselo nya sighoho.

Mitengo 8:7

Gasi gu va agisa, u na gira, kharati: U na va mitegedzela khu mati nya guditshedze sighoho; va ya dzi vbalula ndzudzu ni mafefeleti nya givili gyawe gyatshavbo, va handza guambala gwawe, va hamba, va dzi agisa kharato.

Mitengo 9:13

Aholu muthu a gu bani a dzi agiside, na sa endra, a diga gu gira buzo nya Phasika, muthu yoyo a na fuviswa vbakari ga va na gyawe, kholu kha dusa ningelo ga Pfhumu Nungungulu khu gikhati gi vegisidwego; muthu yoyo a na rwala nandru waye abune.

Johane 8:24

Khu kharato nyi nga mi embelago nya gukheni mu na fela giwononi gwanu, kholu mwa gumba khodwa nya gukhenu eni kheni kamwe, mu na fela giwononi gwanu.”

Vahebheru 10:29

A gu bani ari guralo, ginani gi na gu dugelelago ga vale va nyenyago Mwamana wa Nungungulu, va gira gilo nya nyalidede, Novba nya gidzumeledzwano gya Nungungulu va handzidwego khuwo? Ginani gi na gu dugelelago ga vale va valago Liphuvbo nya Guage a gu gifefe nya wuhigo?

Vahebheru 9:10

Miningelo ni dzimhamba dzodzo, a diri guhodza ni gusela ni yimbe mikhuwo nya gu dzi agise, yi nga bani yiri ni giphaso basi gikhati Nungungulu a nga bani a si gu vbindrugedzi silo satshavbo si gu khala siphya.

Gutuledwa 21:8

Gasi va nya wugara, ni mahedheni, ni sighohi, ni sighevenga, ni sibhayi, ni dzindroyi, ni va nya malipha, va nya wunyanga, vatshavbo va dongisedwe wulanga wawe tsivani nya nilo ni solufa, a gu gufa nya wuvili.”

Gutuledwa 22:11

Muthu nyambana ndruda a na simame ni mithumo yaye nya guwegele, muthu nya gunyenyeze a na simame ni gu dzi nyenyezisa gwaye, muthu nya gululame a na simame ni mithumo nya gululame gwaye. Ni uye a agidego a na simame gu dzi agisa.

Gutuledwa 22:15

Va na tshala vbavbandze dzimbwa, dzindroyi, va nya wubhayi, va nya gu khozela sikwembu ni vanungungulu nya malipha, sighevenga ni vatshavbo vale va golago ni gu thuma mithumo ya malipha.