Mitengo 18:8 - Bhibhiliya Nya Guage

⁸ Pfhumu Nungungulu a di engedza gambe a embela Aroni, khuye: Wona nya gukhuwe, Eni kamwe nyi gu ningide gu sayisa miningelo yangu, ni satshavbo silo nya guage sa na Israyeli, sa gu ningwa uwe ni sanana sago, kholu u todzidwego mafura, nyi si ningede gwago kha nga nayo kala gupindruga.

Mitengo 18:8 Iomraidhean Croise

2 Dzipfhumu 12:16

Aholu gyuma nya miphaselo nya milandru, ni gyuma nya miphaselo nya sighoho, gi di si reswi Nyumbani ga Pfhumu Nungungulu; kholu gi di lumba vaphasi nya mhamba.

2 Dzikoronika 31:4

A di leletela vathu va vbanyago Jerusalema, gasi va ningela fanelo ya vaphasi nya mhamba ni ya va na Levhi; gasi va kodza gu dzi agisa va landrisa Nayo wa Pfhumu Nungungulu.

2 Dzikoronika 31:5

Hwane nya gu bani gu wusidwe gileletelo gegi, va na Israyeli va di resa mihandro nya yingi nya guphele; nya mavbila, nya vhinya, nya mafura ni wulombe, ni mihandro yatshavbo ya mahangeni, va di resa gambe ni mihandro nya yingi nya nayo nya likhumi.

Ekisodha 28:43

Aroni ni sanana saye va na si ambala gasi va kodza gubela Tshatshani nya Tshangano, va kodza gu hidzimela vbagiluvelotunu va ta thuma Makhuvini nya Guage, gasi va si mani nandru vafa. Owu wu na bani wuri nayo nya gupindruge ga Aroni ni situgulwana saye.

Ekisodha 29:21

U na dzega novba wu na bani wuri vbatshani nya giluvelo ni mafura nya gutodze u mitedzela Aroni ni guambala gwaye, ni sanana saye ni guambala gwawe navo. Khu kharato, Aroni ni guambala gwaye a na agiswa; sanana saye ni guambala gwawe si na agiswa niso.

Ekisodha 29:28

Aroni ni sanana saye va na ningwa nyama yeyi khu nayo wu na hungago va na Israyeli kala gupindruga, kholu khigyo gipandre gi ningedwago ga vaphasi nya mhamba, egi sanana sa Israyeli si na kasago avbo nya miphaso yawe nya wuhengeli; khiyo mhamba yawe va duselago Pfhumu Nungungulu.

Ekisodha 29:29

Guambala ga Aroni ogu gu agisidwego, gu nata thumiswa khu sanana saye hwane gwaye, gasi va ta ambala litshigu va na wumbedwago ni gu todzwa.

Ekisodha 40:13

U na ambagisa Aroni dzingandzu nya miphaso; u mu todza, u mu agisa gasi gu mu wumbela thumoni nya wuphasi nya mhamba mbeli Gwangu.

Ekisodha 40:15

U na si todza nga idzo u nga todzago khidzo babe wawe, gasi va thuma thumo nya wuphasi nya mhamba mbeli gwangu. Gutodzwa gogu gu na va wumbela wuphasi nya mhamba kala gupindruga, ga situgulwana ni situgulwana.

Isaya 10:27

Khu litshigu lolo, wu na duswa rwalo wu lemelago magatani gwago, ni kanga wu lemelago thamoni gwago, kanga wu na fanyeledzedwago khu kotani nya olu nyi gu todzidego khu mafura.

Levhi 21:10

Wule a gu muphasi nya khongolo nya mhamba vbakari ga vandriyaye, a guhuledwego mafura nya gutodzwe hungoni gwaye, oyu a wumbedwego gasi guambala dzingandzu dzi agisidwego, a nga digi ndzudzu wa hungoni gwaye nyamba wu samula, mwendro gupferula dzingandzu dzaye.

Levhi 23:20

Muphasi nya mhamba a na si ndziwitela gumogo ni sibaba nya dzimbewu nya guphele mbeli ga Pfhumu Nungungulu, khu ningelo nya gu ndziwitele, a gira gambe kharato khu sinvutana sa sivili si phasedwa Pfhumu Nungungulu, si lumba muphasi nya mhamba.

Levhi 6:16

Esi si tshalago vbamiphasotunu sa gu lumba gu hodzwa khu Aroni ni sanana saye; va na hodza kha nga gibaba nyambana mela, vari wulangani wu agidego, likupakupani nya Tshatsha nya Tshangano.

Levhi 6:18

Sa gu lumba gu hodzwa basi khu sanana nya vama sa Aroni: Egi gilawulo gi ningedwago khu nayo ga sanana sanu avbo nya miningelo nya miphaso yi vbisedwago Pfhumu Nungungulu. Owu nayo wa gu hunga enu ni situgulwana sanu kala gupindruga. Muthu watshavbo a na khumbago guhodza gogu a na agiswa.

Levhi 6:20

“Litshigu Aroni ni sanana saye va wumbedwago khu gu thedwa mafura hungoni, moyo ni moyo fanede gu bikela ga Pfhumu Nungungulu dzimhamba nya silo sesi: Gipandre nya efa nya wuguvbi nya gudadatwe, va gira miphaso nya litshigu ni litshigu, va na kabanisa khu vbakari: Gipandre va na ningela vbadzimindrutunu, gimbe gipandre va na ningela gupfolani nya lidambo.

Levhi 6:26

Muphasi nya mhamba a na thangelago phaso yoyu khuye basi a na hodzago nyama yakone wulangani nya guage, likupakupani nya Tshatsha nya Tshangano.

Levhi 7:14

Gu na duswa gibaba gimwegyo avba nya ningelo ni ningelo gasi gu livba gikhaba ga Pfhumu Nungungulu, gi na lumba muphasi nya mhamba a na gu mitegedzelago novba nya girengo nya miphaso nya pwanano.

Levhi 7:28

Pfhumu Nungungulu a di engedza gambe a embela Mosi, khuye:

Levhi 7:6

Nyama nya miphaso yi na hodzwa basi khu vama va nyumbani nya wuphasi nya mhamba. Yi na hodzedwa wulangani nya guage, kholu gilo gi agidego ngudzu.

Levhi 8:30

Khavbo avbo, Mosi a di dzega gambe mafura nya gutodze ni novba wu nga bani wuri vbatshani nya giluvelo a gu mitegedzela khiso Aroni ni dzingandzu dzaye, a mitegedzela gambe sanana saye ni dzingandzu dzawe; a di agisa Aroni, ni dzingandzu dzaye, a agisa sanana saye gumogo ni dzingandzu dzawe.

Mitengo 18:9

Vbakari nya silo satshavbo si agiswago, vbavbandze nya sile si vbiswago khu nilo, iso si lumbago uwe khesi: Miningelo yawe yatshavbo, ni miningelo yawe nya guhodze, miphaselo yawe nya sighoho ni miphaselo yawe yatshavbo nya milandru va na gu yi girago gasi gu tsetseledwa khiyo sighoho avbo gwangu; isoso si na bani si agide, si na lumba uwe gumogo ni sanana sago.

Mitengo 5:9

Miningelo yatshavbo nya sombo nya guagiswa esi va na Israyeli va resago ga muphasi nya mhamba, si na lumba uye.

1 Vakorinto 9:13

Ina mwa gu hangwa khu gukhenu ava va thumelago Nyumbani ga Nungungulu va na ni fanelo nya guhodziswe khu Nyumba ya Nungungulu, gani? Vaningeli nya mhamba kha va ngu hakha gipandre nya miningelo ya vbagiluvelotunu, gani?

Dhewuteronome 12:11

Khu guralo, gu na manega wulanga wu na hathwago khu Pfhumu Nungungulu wanu, gasi guya vega avbo lina laye; ga wulanga wowo, mu na vbohisa satshavbo esi nyi mi leletelago a gu esi: Miphaso yanu nya guvbiswe, ni dzimhamba dzanu, ni miningelo yanu nya gipandre nya likhumi, ni eyi nya mandza yanu, ni miningelo yanu mu sambanyidego gu ninga Pfhumu Nungungulu.

Dhewuteronome 12:6

Mu na yisa wulanga wowo miphaso yanu nya guvbiswe, ni dzimhamba dzanu, ni miningelo yanu nya gipandre nya likhumi, ni eyi nya mandza yanu, ni miningelo nya gundziwitedwe ni eyi nya guningele khu gugola, ni matiwula nya dzimombe dzanu ni dzinvuta dzanu.

Dhewuteronome 18:1

Vaphasi nya mhamba nya Valevhi, gumogo ni lihundzu latshavbo la na levhi, kha va na mana gipandre mwendro thomba tigoni ga Israyeli; va na hodza miningelo nya guvbisedwe Pfhumu Nungungulu, ni sile si va lumbago.

Dhewuteronome 26:13

U na ganela mbeli ga Pfhumu Nungungulu wathu, khuwe: Ga silo sa ndrangani gwangu nyi kaside esi si agisedwego Pfhumu Nungungulu, nyi ninga nuye Mulevhi, muluveli, khulungu ni malile, gukhedza khu milayo u nyi ningidego; gimwalo nya nayo wago nyi hambanisidego, ambari gu gi divala.

Vahebheru 1:9

U ngu gola gululama, u nyenya guvivba. Khu guralo, Nungungulu, a gu Nungungulu wago, a gu todzide khu mafura nya gunengele, a gu khusedza vbatshani ga dzipari dzago.”

1 Johane 2:20

Aholu, enu mu todzidwe Liphuvbo la wule a Agidego. Khu guralo, mwatshavbo mu ngu siti satshavbo.

1 Johane 2:27

Aholu gutodzwa mu gu hakhidego khu gwaye, kha gu vbwetegi muthu nya gu mi hevbudzeni; kholu gu ngu mu hevbudza silo satshavbo. Sihevbudzo saye khandri sa malipha, aholu khya lisine. Khu guralo, yingelani sihevbudzo a mi hevbudzidego, mu pharisa guhengela naye.