Mitengo 18:20 - Bhibhiliya Nya Guage

²⁰ Pfhumu Nungungulu a di embela Aroni, khuye: “Uwe khu na mana thomba tigoni gwawe, ambari gu mana giavelo vbakari gwawe. Eni nyi na bani Nyiri thomba ni giavelo gyago vbakari ga va na Israyeli.

Mitengo 18:20 Iomraidhean Croise

Genesi 15:1

Hwane nya satshavbo sesi, Pfhumu Nungungulu a di wonega ga Abrama a mu embela, khuye: “U nga thavi Abrama. Eni kheni Muvhikeli wago; u na hakha tshatshazelo nya yikhongolo ngudzu.”

Dzindzimo 142:5

Nyi di rana uwe Pfhumu Nungungulu, kheni: “Uwe khuwe wuthavelo wangu; khuwe thomba yangu tigoni nya vathu va vbanyago.

Dzindzimo 16:5

Pfhumu Nungungulu, uwe u thomba ni gikombe gyangu, khuwe u pharidego guvbanya gwangu.

Dzindzimo 73:26

Ambari mili ni hefemulo wangu sa gu vbela tshivba, Nungungulu likhokhola nya monyo wangu khuye thomba yangu nyamba vbela.

Gililo 3:24

Hefemulo wangu, wu di khuwo: “Thomba yangu khu Pfhumu Nungungulu, khu guralo, nyi ngu vega iyo gwaye gutumba gwangu.” Tet

Ezekiyeli 44:28

“Vaphasi nya mhamba va na bani vari ni thomba; Eni kheni thomba yawe. Enu kha mu na nga va ninga thomba tigoni ga Israyeli; Eni kheni thomba yawe.

Mitengo 18:7

Aholu uwe gumogo ni sanana sago mu na thuma thumo wanu nya wuphasi nya mhamba, ga satshavbo sa vbagiluvelotunu, niso si na gu bani na siri makhuvini; uwowo a na bani ari thumo wanu. Nyi mi ningide thumo nya wuphasi nya mhamba kha nga giningwa nya thumo wanu; muthu wa vbavbandze a na hidzimelago avbovbo, a nafa.

Mitengo 26:62

Tengo wawe va diri magumavili na mararu magumi mazana (23.000) va na Levhi, nya ngima moyo guya mbeli vatshavbo va diri vama, aholu kha va nga lovedwa vbakari ga va na Israyeli, kholu kha va nga hakha gipandre nya thomba vbakari ga va na Israyeli.

Dhewuteronome 10:9

Khidzo kharato va na Levhi va ngamba kavedwa thomba ni vandriyawe, kholu thomba yawe khu Pfhumu Nungungulu, kha nga idzo Pfhumu Nungungulu wago, a gu tumbisidego khidzo.

Dhewuteronome 12:12

Gambe mu na nengela mbeli ga Pfhumu Nungungulu wanu, enu gumogo ni sanana sanu nya vama ni esi nya vanyamayi, ni sithumi sanu nya vama, ni esi nya vanyamayi, gumogo ni mulevhi a vbanyago ndrani nya madhoropa yanu, a gu mwalo gipandre mwendro thomba gumogo nanu.

Dhewuteronome 14:27

Khu guralo, u nga digi gu sayisa mulevhi a vbanyago dhoropani gwago, kholu mwalo gipandre mwendro thomba vbakari gwanu.

Dhewuteronome 14:29

Khavbo avbo, a nata mulevhi (a gu mwalo gipandre ambari thomba vbakari gwago), muluveli, khulungu ni noni; va guromo dhoropani gwago, va na hodza va khura, gasi Pfhumu Nungungulu wago, a gu kategise ga yatshavbo mithumo ya mandza yago.

Josuwa 13:14

Lihundzu la na Levhi khilo basi li ngamba kabaniswa thomba; kholu thomba yawe a diri miphaselo yile nya guvbisedwe Pfhumu Nungungulu wa Israyeli, kha nga edzi a va leletedego khidzo.

Josuwa 13:33

Aholu Mosi kha nga ninga thomba lihundzu la Levhi; Pfhumu Nungungulu wa Israyeli, khuye thomba yawe, kha nga idzo va nga leletedwago khidzo khu Mosi.

Josuwa 14:3

Kholu Mosi a di kabaniside khu gale ga mahundzu mavili ni gipandre thomba yawe, khu khisikheyi nya tsongo wa Joridhani; aholu va na Levhi, kha va mana giavelo vbakari ga vandriyawe.

Josuwa 18:7

Gimwalo gipandre gi na gu lumbago va na Levhi, vbakari gwanu, kholu thomba yawe khu gu phasa mhamba ya Pfhumu Nungungulu. Gadhi, Rubheni ni gipandre nya lihundzu la Manasi, va hakhide gipandre gyawe Tshatugo ga Joridhani khu Khugadambo, va nga ningwago khu Mosi, githumi gya Pfhumu Nungungulu.”

Gutuledwa 21:3

Khavbo avbo, nyi di pwa lito nya tshivba na li guta khu gikhalotunu nya wufumu, khilo: “Wonani Nyumba ya Nungungulu vbakari nya vathu. Nungungulu a na vbanya vbakari nya vathu, avo va na khala vathu vaye, uye vbakari gwawe, a na bani ari Nungungulu wawe.