Mitengo 16:9 - Bhibhiliya Nya Guage

⁹ Ina enu mwa gu wona nari gilo nya gidugwane olu Nungungulu wa Israyeli a mi hathidego vbakari nya tshangano wa na Israyeli, a mi hidzimisa vbafuvbi gwaye gasi mu ta thuma thumo wa Walangani nya Guage wa Pfhumu Nungungulu, ni gu ema mbeli nya tshangano kha nga vathangeli vaye, gani?

Mitengo 16:9 Iomraidhean Croise

Genesi 30:15

Liya a di hakha, khuye: “Khwa eneledwa khu gu nyi bela mwama wangu, wa gu vbweta gambe gu nyi bela mihandro nya lihaladzo ya gyanana gyangu, gani?” Rakeli a di hakha, khuye: “Ina ka, uwe nyi ninge mihandro nya lihaladzo ya mwanago, wutshigu wa muhuno, mwama a nata lala iyo gwago.”

2 Samuweli 7:19

Ambari khu kharato, uwe Pfhumu Nungungulu, mahungu yaya u ma wone na mari ma dugwana mahoni gwago; u ganede gambe khu ndranga ya githumi gyago khu matshigu ma nga gutago. Uwe Pfhumu Nungungulu, igyogyo gihevbudzo ga vathu vatshavbo.

2 Dzikoronika 35:3

A di embela va na Levhi va nga bani va dzi ningede ga Pfhumu Nungungulu, thumoni nya guhevbudze vatshavbo va na Israyeli, khuye: “Vegani Ngasa nya Gidzumeledzwano nya guage nyumbani yi vbahidwego khu Solomoni, mwamana wa Dhavhidhe, mufumeli wa Israyeli. Gukhugela olu, kha mu na lemedwa gambe magatani gwanu khu rwalo yoyo. Olu khozelani Pfhumu Nungungulu wanu, ni gu thumela vathu vaye vatshavbo va Israyeli.

Nehemiya 12:44

Khu litshigu lolo, va hathidwe vama nya guthumele musisangalani nya guvegedzele mihengo, nya miningelo, dzimbewu nya guhegule ni iso nya gipandre nya likhumi, gasi va si vegedzela umo, mayelano ni marembwe nya vathu ni sipandre si vegisidwego khu nayo, gasi si lumba vaphasi nya mhamba ni va na Levhi; iso si nga gira vathu va Judha va tsaka, kholu vaphasi nya mhamba ni va na Levhi va di guthumela mule.

Isaya 7:13

Khavbo avbo, muprofeti Isaya, a di ganela, khuye: Olu yingisani gwadi, enu lihundzu la Dhavhidhe; Ina kha mu garali khu gu hodzisa mbukuta vathu, gani? Mwa guvbweta gambe gu hodzisa mbukuta Nungungulu wangu, gani?

Ezekiyeli 34:18

Ina gilo gi dugwana gu hodzani wuhaviseloni nya wadi, mu bwelo mu gandredzelani khu migondro esi si tshadego nya mahawo, gani? Ina kha si mi tsakisi gu selani mati nya guage, gani? Gu ngu lombega gu ayo ma tshadego mu ma vhilusa khu migondro, gani?

Ezekiyeli 44:16

Avo basi khavo va na belago nyumbani gwangu nya guage, va hidzimela vbamezatunu gwangu, gasi gu nyi thumela, va landrisa sileletelo sangu.

Mitengo 1:53

Aholu, va na Levhi, va na ghova khu vbavbandze nya Tshatsha nya Gidzumeledzwano va wu randrela, kha nga vawoneleli, gasi likhulo la Nungungulu li si wugeli va na Israyeli.”

Mitengo 16:13

Ina sidugwana olu, u hi dusidego khu ga litigo li gogago mahwe ni wulombe gasi hi tafa mugiwulani momu, gani? Olu u nga gu vbweta gambe gu hi khozisa, gani?

Mitengo 16:8

Mosi a di embela gambe Kore, khuye: “Yingisani enu va na Levhi!

Mitengo 3:6

“Resa lihundzu la na Levhi, u li vega mbeli ga muphasi nya mhamba Aroni, gasi va mu thumela.

Mitengo 3:9

Khu guralo, u na ningela va na Levhi, ga Aroni ni sanana saye, va na fumedwa khu Aroni va khala nari sihathwa vbakari ga va na Israyeli.

Mithumo 13:2

Vari vbakari nya nombelo wa Pfhumu ni guhala, Liphuvbo nya Guage li di ganela, khilo: “Nyi kaseleni Bharinabha ni Sawule gasi va phara thumo nyi va ranedego uwo.”

1 Vakorinto 4:3

Gasi eni kha nyi theli kota gu lamudwa khu enu mwendro gulamudwa khu mufumo nya vathu va tigoni; ni eni mune kha nyi dzi lamuli nyabune.

Dhewuteronome 10:8

Khu gikhati gyogyo gya gimwegyo, Pfhumu Nungungulu, a di hatha lihundzu la na Levhi gasi li rwala Ngasa nya Gidzumeledzwano gya Pfhumu Nungungulu, gasi va manega mbeli ga Pfhumu Nungungulu, va mu thumela ni gu kategisa vathu khu lina laye kala na muhuno.

1 Samuweli 18:23

Avbo vathumegeli va Sawule va nga ganela mahungu yaya ga Dhavhidhe, uye a di va hakha, khuye: “Ina mwa gu pimisa gukhenu gu dzega gyanana gya mufumeli gilo nya guvbevbuge, gani? Avbo mu nyi wonago gukhenu eni nyi gisiwana nyambana gilo!”