Mitengo 16:40 - Bhibhiliya Nya Guage

⁴⁰ si gira gialakanyiso ga va na Israyeli gasi gu si manegi ni moyo wa vbavbandze nya lihundzu la Aroni a hidzimelago aya ningela libani mbeli ga Pfhumu Nungungulu, gu nga girega kha nga esi si dugeledego Kore gumogo ni tsawa waye, gukhwatshi khu edzi Pfhumu Nungungulu a leletedego khu ga Mosi.

Mitengo 16:40 Iomraidhean Croise

Ezira 2:62

Ava malina yawe ma di vbwetedzedwa umo nya mabhuku nya gilovela nya linyumba lawe ma si manwi, khu kharato, va di duswa thumoni nya wuphasi nya mhamba.

Dzindzimo 115:10

Enu va nyumbani ga Aroni, tumbani Pfhumu Nungungulu; kholu uye khuye muphasedzeli ni gitshangu gyanu.

Ezekiyeli 40:46

Aholu likhuvi li guromo khu phuvbo ga Wuronga la gu lumba vaphasi nya mhamba va thumelago vbagiluvelotunu; a gu avo sanana sa Sadhoki, vbakari nya sanana sa Levhi, va yelago gu hidzimela vbafuvbi ga Pfhumu Nungungulu gasi gu mu thumela.

Ezekiyeli 43:19

Vaphasi nya mhamba va na Levi, nya linyumba la Sadhoki, khavo va dzi kodzago gu hidzimela avbo gwangu, gasi gu nyi thumela, a ngu ganela Mune Pfhumu Nungungulu. U na ningela gwawe gimombyana gasi gu gira phaso nya guhandze sighoho.

Levhi 22:10

Oyu a si gu wa nyumbani nya wuphasi nya mhamba, a nga hodzi ningelo nya phaso nya guagiswe, ambari pfhumba wa muphasi nya mhamba mwendro githumi gyaye kha va dzumedziswi gu hodza miphaso yi agisidwego.

Mitengo 1:51

Avbo gu vbwetegago gu khuswa Tshatsha, va na Levhi khavo va na wu tshulago; wa gu vbweta gu tsitswa, khavo va na wu ghwimbago; uye a si lumbigo va na Levhi, a gu hidzimela vbafuvbi, a na songwa.

Mitengo 16:39

Khu guralo, Eleyazari, muphasi nya mhamba, a di dzega sombo soso nya sugu si ningedwego khu avo va vbisidwego, si girwa gifenengedzo nya sugu gasi gu handzegwa vbagiluvelotunu;

Mitengo 3:10

Aholu Aroni ni sanana saye, u na va leletela gukhuye va sayise wuphasi wawe, gani khu mani nyamayigo a na gu hidzimelago a na songwa.”

Mitengo 3:38

Ava va na ghwimba mitshatsha yawe mbeli ga Nungungulu, khu phuvbo ga Khugadambo nya Tshatsha nya Tshangano, gu khedza gugyatunu. Mosi ni Aroni gumogo ni sanana sawe khavo va na gu sayisago Wulanga nya Guage, ni gu sayisa sanana sa Israyeli; a gu hidzimela mumbe muthu wa walo, a na songwa.

Vahebheru 5:4

Mwalo a dzi hathelago abune thumo wowu nya wuphasi nya mhamba, vbavbandze nya gu ranwe khu Nungungulu, kha nga Aroni a nga ranwago.

Josuwa 4:7

mu na si hakhani, khenu: Avbo Ngasa nya Gidzumeledzwano gya Pfhumu Nungungulu yi nga tshatugago tsongo wa Joridhani, mati yaye ma di kabanega khu vbakari Ngasa ya Pfhumu Nungungulu yi tshatuga. Siwindri sesi si na khala gialakanyiso kala gupindruga ga va na Israyeli.”

Judha 1:11

Libango lawe! Kholu va bede khu ndzila ya Kayimi. Khu kotani nya lidora ni dzitsapawu va dzi ningede gighohoni nya guvivbegya Bhalahama; va dzi mbembisa khu gu ganedza nya nga ogu ga Kora.