Mitengo 16:29 - Bhibhiliya Nya Guage

²⁹ Vathu vava va guromo avba va gufa kha nga idzo vafago khidzo vathu vatshavbo, ni gu vathu vava vafa khu gu dugeledwa khesi si dugelelago vambe vathu, gu yeyedza gupwani khandri Pfhumu Nungungulu a nyi rumidego.

Mitengo 16:29 Iomraidhean Croise

1 Dzipfhumu 18:36

Avbo gu nga vbohago gikhati nya guningele miphaselo nya silambo, muprofeti Eliya a di hidzimela vbagiluvelotunu a ganela, khuye: “Uwe Nungungulu wa Abrahama, wa Isaki ni wa Jakobe, dzi wonegise muhuno gukhuwe, uwe khuwe, Nungungulu wa Israyeli, ni gukhuwe eni kheni githumi gyago. Wonegisa gukhuwe eni nyi giride satshavbo sesi khu guruma gwago.

1 Dzipfhumu 22:28

Aholu Mikeya di hakha, khuye: “Wa gu wuya khu gurula, gu yeyedza gupwani Pfhumu Nungungulu kha ganela khavbo gwangu. A engedza gambe, khuye: Mayigo yatshavbo guvbweta ma yingisa esi nyi ganelago!”

2 Dzikoronika 18:27

Mikeya a di mu embela, khuye: “Wa gu wuya khu gurula, khu lisine Pfhumu Nungungulu kha ganela khu ga eni.” A simama a ganela, khuye: “Yingisani enu mayigo yatshavbo!”

Joba 35:15

Gasi olu, kha nga likhulo laye li si gu khondrigo, ambari gumba khathala ngudzu khu gu dzi khusedza ga vathu,

Ekisodha 20:5

Khu na nga khidzima mbeli nya silo soso, gambe gima khu na nga si khozela, kholu eni kheni Pfhumu Nungungulu wago, nyi Nungungulu nya wufu, nyi ngu tsayisa sanana khu kotani nya gighoho gya vavelegi vawe kala gitugulwana nya wuraru negi nya wu na ga vale va nyi vengago.

Ekisodha 32:34

Olu, khuga u thangela vathu vangu, u va yisa iyo nyi nga gu leletelago iyo. Ngilozi yangu yi na thanga mbeli gwago. Aholu, litshigu nya guthethise, nyi na va tsayisa khu kotani nya sighoho sawe.”

Muhevbudzi 3:19

Kholu mahegiso nya tshatshazelo nya vathu wu ngu fanana ni mahegiso nya tshatshazelo nya sirengo, kholu vatshavbo va ngufa gambe vatshavbo va na ni liphuvbo nya guvbanye, muthu kha pali girengo, khu guralo, satshavbo gu dzi pfhadza basi.

Isaya 10:3

Mu na khenu ginani khu litshigu nya tsayiso, gingulu gi ngu guta khu hwindzo? Mu na thavela ga mani gasi guya lomba guphaswa? Dzithomba dzanu mu na dzi vega hayi?

Jeremiya 5:9

Pfhumu Nungungulu a ngu wudzisa kharati, khuye: “Ina nyi ngu dzi kodza gumba tsayisa silo sesi, gani?” Ina kha nyi yeli gu dzi phodzela ga litigo nya nga eli, gani?

Gililo 4:22

Tsayiso wago uwe nyamahegyane wa Siyoni, wu vbohide mahegiso. Pfhumu Nungungulu kha na gu vbagela gambe uya wugumbitunu. Gasi uwe nyamahegyane wa Edhomi, Pfhumu a na gu tsayisa khu kotani nya sighoho sago, Uye a na funungula sighoho sago si wonwa khu vathu.

Gutuledwa 11:5

Uye a na gu vbwetago gu dzi ghohetela, a na khale na gu dziti gukhuye gu na duga nilo khu kanani gwawe, wu na gu vbedzago valala vawe. Vale va na lingago gu dzi ghohetela va na fisa guralo.