Mitengo 16:28 - Bhibhiliya Nya Guage

²⁸ Khavbo avbo, Mosi a di ganela, khuye: “Olu khavbo mu na dzitigo gukhenu Pfhumu Nungungulu khuye a nyi rumidego guta gira satshavbo silo sesi. Kha si dugeli monyoni gwangu.

Mitengo 16:28 Iomraidhean Croise

1 Dzipfhumu 18:36

Avbo gu nga vbohago gikhati nya guningele miphaselo nya silambo, muprofeti Eliya a di hidzimela vbagiluvelotunu a ganela, khuye: “Uwe Nungungulu wa Abrahama, wa Isaki ni wa Jakobe, dzi wonegise muhuno gukhuwe, uwe khuwe, Nungungulu wa Israyeli, ni gukhuwe eni kheni githumi gyago. Wonegisa gukhuwe eni nyi giride satshavbo sesi khu guruma gwago.

Ekisodha 3:12

Nungungulu a di mu hakha, khuye: “Khu lisine eni nyi na bani nyiri nago. Egi khu giwonegiso nya gupwani kheni nyi gu rumelago; hwane nya gu bani nu duside vathu vangu khu tigoni ga Egipito, mu nata khozela Nungungulu gigomoni momu.”

Ekisodha 4:12

Khu guralo, indra olu, Eni nyi na bani nyiri kanani gwago, nyi na gu hevbudza iso u yelago gu ganela.”

Ekisodha 4:15

Uwe u na ganela, u vega magana kanani gwaye. Eni nyi na bani nyiri kanani gwago ni gwaye, nyi na mi hevbudza iso mu fanelago gu gira.

Ekisodha 7:9

“Gikhati Faro a na mi embelago, khuye: Girani giliwugiso, uwe u na embela Aroni, khuwe: Dzega ndronga yago u yi rinya mbeli ga Faro, iyo yi na vbindrugedza yi khala nyoga.”

Jeremiya 23:16

Pfhumu Nungungulu nya Tshivba Yatshavbo a ngu ganela kharati, khuye: “Mu nga theli kota khu magana ya vaprofeti va mi embelago situmbiso nya malipha; va gu mi pwadzelani siwoniso nya myonyo yawe, yi si tigo khu ga Pfhumu Nungungulu.”

Ezekiyeli 13:17

Gasi olu, uwe mwamana wa muthu, thendregedza u khedza vanyamahegyane va vathu vago va profetago iso va si pimisago khu myonyoni gwawe. Profeta gwawe, u va embela, khuwe:

Zakariya 2:9

Wonani, eni nyi na khusa gyandza gyangu nyi va bayisa va fela gu khoziswa khu dzikhumbi dzawe. Khavbo enu mu na dzitigo gukhenu khu Pfhumu Nungungulu nya Tshivba Yatshavbo a nyi rumedego.

Zakariya 4:9

“Mandza ya Zorobhabheli ma tsitside khokhweni nya nyumba yeyi, mandza yaye gambe ma na vbedzisa gu yi vbaha. Gasi mu kodza gu dziti nya gukhenu Pfhumu Nungungulu nya Tshivba Yatshavbo a nyi rumede gwanu.

Mitengo 24:13

Ambari nari gupwani Bhalaki a gu nyi ninga nyumba yaye na yi tade khu parata ni ndralama, eni kha nyi dzi kodzi gu hambanisa guruma ga Pfhumu Nungungulu, gasi gu gira nya sadi mwendro gu gira nyamba sadi, khu gugola gwangu. Iso Pfhumu Nungungulu a nyi embelago khiso basi nyi na gu ganelago.

Johane 11:42

Nyi ngu dziti gukheni u ngu nyi yingisa gikhati gyatshavbo, aholu nyi di ganela esi khu kotani nya vathu va nyi randredego, gasi vatshavbo vakhodwe gukhavo khuwe u nyi rumedego.”

Johane 14:11

Khodwani gwangu; khodwani nya gukhenu nyi womo ga Babe, ni gukhenu Babe womo gwangu. Mwa gumba khodwa gwangu, khodwani khu mithumo yangu.

Johane 5:30

“Gimwalo nyi girago khu gu gi khugela. Eni nya gu lamula kha nga idzo nyi pwidego khidzo; gulamula gwangu khwa gululama. Kholu kha nyi giri gugola gwangu, gani olu, gugola ga wule a nyi rumidego.

Johane 5:36

Gasi eni nyi na ni wufakazi nya guvbindre wa Johane, kholu mithumo nyi ningidwego gu gira khu Babe, yi ngu fakaza gu khiyo Babe a nyi rumede.

Johane 6:38

Kholu nyi tshigide khu Ndzadzini, gasi guta gira guhaladza ga wule a nyi rumedego; kha nya tela guta gira guhaladza gwangu.

Dhewuteronome 18:22

Dziti gwadi nya gukhuwe muprofeti yoyu a gu ganela khu lina la Pfhumu Nungungulu, aholu magana yaye ma si landriswi, ni gumba dugelela kha nga idzo a nga profetago khidzo, gu yeyedza gupwani magana yoyo khandri ya Pfhumu Nungungulu; a ma ganede khu matshandza yaye muprofeti yoyu; u nga thedwi hwanga khuye.”