Mitengo 16:26 - Bhibhiliya Nya Guage

²⁶ A di embela tshangano, khuye: “Ndreyani mitshatshani nya vathu vava nya guvivbedwe khu myonyo, mu nga khumbi ni gimwegyo gi va lumbago, mu nga mbembiswa khu kotani nya sighoho sawe.”

Mitengo 16:26 Iomraidhean Croise

Genesi 19:17

Na dzi gu mu dusa vbavbandze, dzi di mu embela, khidzo: “Vbanyisa womi wago! U nga khedzisi hwane gwago, gambe u nga emi wulanga panini, thavela gigomoni gasi u si mbembi!”

Isaya 52:11

Dugani, dugani, khugani umomo! Mu nga kuhi ni gimwegyo gilo nya gunyenyeze. Dzi agiseni, mu duga vbakari gwaye, enu mu rwadego sombo sa Pfhumu Nungungulu.

Jeremiya 51:6

Thavani khu dhoropani ga Bhabhiloni! Moyo ni moyo, a na vbulugise womi waye! Mu nga songwa khu kotani nya sighoho sawe, Kholu, egi khu gikhati Pfhumu Nungungulu a dzi phodzelago; a va bweledzela gukhedza khu mithumo yawe.

Mitengo 16:25

Khavbo avbo, Mosi a di khuga a hongola ga Dhatani ni Abhiramo na gu landrwa khu madhota ya Israyeli.

Matewu 10:14

Gasi avbo va na gumba mi hakha, mwendro gumba hakhwa mahungu yanu, mwa gu duga khu ndrangani momo, mwendro dhoropani momo, phuphuthani kudzudzwane wa migondroni gwanu.

Mithumo 13:51

Aholu, vapostoli va di phuphutha kudzudzwane migondroni gwawe, gu yeyedza guhambana navo, va phara ndzila va hongola dhoropani ga Ikoniya.

Mithumo 8:20

Aholu, Pedro a di mu kawuka khuye; “Indra ni dzitsapawu dzago gumbembani kholu u alakanyide gurenga khu dzitsapawu giningwa gya Nungungulu.

2 Vakorinto 6:17

Khu kharato Pfhumu yi ngu ganela gambe, khiyo: “Dugani khu vbakari gwawe mu hambana navo mu nga khuhini gilo nya gunyenyeze.

Dhewuteronome 13:17

Gambe ni gimwegyo nya esi si nyenyezidego gi nga khali mandzani gwago, gasi gu, Pfhumu Nungungulu a hambanisa likhulo laye, a gu girela wuhindzi, a gu pwela gisiro, a gu andrise kha nga a sambanyidego ga vababe vago.

1 Thimoti 5:22

U nga vbiredzeli gu handzega mandza muthu thumoni nya libandla, u nga rwali nandru nya sighoho sa mumbe muthu, gimbila khu mavbanyelo nya yadi.

Gutuledwa 18:4

Nyi dipwa gambe lito khu ndzadzini, na li gu ganela, khilo: “Dugani enu vathu vangu khu dhoropani momo, gasi mu si hengeli naye sighoho saye, mu patwa nenu sitsayisoni gwaye.