Mitengo 15:9 - Bhibhiliya Nya Guage

⁹ gumogo ni gimombyana, u na resa ningelo nya guhodzwe nya sipandre siraru nya likhumi nya wuguvbi nya wadi wu sugidwego khu gipandre nya deva nya mafura,

Mitengo 15:9 Iomraidhean Croise

1 Dzikoronika 21:23

Khavbo avbo, Orinani a di embela Dhavhidhe, khuye: “Mufumeli ni mune wangu, dzega wulanga wowu wu khale wago, gira avbo iso u si wonago nari sadi; nyi na gu ninga ni dzimombe gasi u gira khidzo phaselo nya guvbiswe, ni dzikareta u gira khidzo dzikhuni, ni tirigu nya gugire khiyo ningelo nya guhodze; nyi ngu gu ninga satshavbo.”

Nehemiya 10:33

Hi dzi vegede gambe nayo nya gukhethu, khu mwaga ni mwaga, muthu ni muthu a ngu yela gu dusa gipandre nya wuraru nya sikulu, gasi gu gimbidzisa gwadi thumo wa Nyumbani ga Nungungulu wathu,

Ezekiyeli 42:13

Khavbo avbo, mwama a di nyi embela, khuye: “Makhuvi ya Wuronga ni ayo ya Marandzi, ma guromo mbeli nya mihubhe nya Nyumba ya Nungungulu, makhuvi nya guage, umo vaphasi nya mhamba va thumelago Pfhumu Nungungulu nyumbani nya miphaso, va na hodzago ni gu vega umo sombo nya guage ngudzu, a gu miningelo nya dzimbewu niyo nya ditshedzo nya sighoho ni gutsetselela milandru; kholu wulanga wu agidego.

Ezekiyeli 46:11

“Matshigu nya mibuzo nya yikhongolo, gupata ni mibuzo yi vegisidwego, ningelo nya wuguvbi a na bani ari dhomu khu gimombyana ni gimombyana ni dhomu moyo khu hamba ni hamba; aholu khu sinvutana, muthu a na ningela khidzo a na gu dzi kodzago khidzo; ningelo nya mafura, deva moyo khu dhomu ni dhomu.

Ezekiyeli 46:15

Gu na dongisedwa kharati nvutana ni ningelo nya wuguvbi, gumogo ni mafura, si na reswa gugya ni gugya, gasi gu gira phaso nya guvbiswe wu na ningedwago gikhati gyatshavbo.”

Ezekiyeli 46:5

Ningelo nya guhodze a na bani ari dhomu moyo khu hamba ni hamba; ga nvutana ni nvutana, ningelo nya guhodze a na bani ari idzo a kodzago khidzo gu ningela; uwo nya mafura, deva moyo khu dhomu ni dhomu.

Ezekiyeli 46:7

Uye a na dongisela kha nga ningelo nya guhodze dhomu moyo, khu gimombyana ni gimombyana ni efa moyo khu hamba ni hamba, aholu, khu sinvutana, a na ningela gukhedza khidzo a dzi kodzago khidzo; deva moyo nya mafura khu dhomu ni dhomu.

Joyele 1:9

Miningelo nya dzimbewu, niyo nya wadwa, yi mwalo gambe Nyumbani ga Pfhumu Nungungulu; vaphasi nya mhamba a gu sithumi sa Pfhumu Nungungulu, va swihade.

Joyele 2:14

A gu dzina saye a na bwelela hwane a dzi laya, a mu ninga makategwa, a mu ninga wuguvbi ni miningelo nya vhinya nya guphasele khiso Pfhumu Nungungulu wanu.

Levhi 14:10

Khu litshigu nya livbandre na mararu a na dzega dzinvutana dzimbili nyamba hasa ni nvuta nya ngadzi nya mwaga moyo nyamba hasa, ni sipandre siraru nya likhumi avba nya efa nya wuguvbi nya gupfangwe ni mafura, a ta gira ningelo, ni ndrengo nya mafura.

Levhi 6:14

Eyi khu milayo nya miningelo nya phaso nya dzimbewu; sanana sa Aroni si na ya bikela mbeli ga Pfhumu Nungungulu na va emide mbeli nya giluvelo.

Levhi 7:37

Eyi khu milayo yi ganelago khu miphaso nya guvbiswe, khu miphaso nya gubonge, khu miphaso nya ditshedzo, khu miphaso nya guwumbele vaphasi nya mhamba ni miphaso nya pwanano,

Mitengo 15:10

ni gipandre nya deva nya wadwa gasi wu khala ningelo nya guhodze; phaselo yoyu nya guvbiswe, mahema nya gunungele gwadi ga Pfhumu Nungungulu.

Mitengo 15:8

Wa gu ningela gimombyana gasi gu gira phaso nya guvbiswe, mwendro phaso nya gu tadzise gifungo ni phaso nya gurule ga Pfhumu Nungungulu,

Mitengo 28:12

ni sipandre siraru nya likhumi nya wuguvbi nya wadi, na wu sugidwe khu mafura, khu mombe ni mombe; sipandre sivili nya likhumi nya wuguvbi nya wadi, na wu sugidwe khu mafura, khu nvutana ni nvutana;

Mitengo 28:14

Ningelo wakone nya vbinyu wu na bani wuri wa gipandre nya deva khu mombe ni mombe, gipandre nya wuraru nya deva khu nvutana ni nvutana ni gipandre nya wu na nya deva khu gihambana ni gihambana. Owu khu phaso nya guvbiswe nya litshigu nya guhegule nya ngima ni ngima nya mwaga watshavbo.

Mitengo 29:6

Vbavbandze nya miphaselo yi girwago khu ngima ni ngima ni miningelo yaye nya guhodze ni wadwa, a na bani nari phaselo nya gusimamise kala gupindruga gukhedza khu sileletelo saye; wu na bani wuri phaso nya guvbisedwe Pfhumu Nungungulu, wu dusa mahema nya gunungele nya gu Mu salalegise.”

1 Samuweli 1:24

Hwane nya gu na lumude gyanana, a di gi dzega gumogo ni gimombyana nya myaga miraru, ni ndrengo nya wuguvbi ni liboteri nya vbinyu, aya si bikela Nyumbani ga Pfhumu Nungungulu, dhoropani ga Silo. Aholu gyanana gi di bani gi ngari gidugwana ngudzu.