Mitengo 15:39 - Bhibhiliya Nya Guage

³⁹ Matshakafula yaya, momo avbovbo gasi gikhati mu ma wonago, mu na alakanya milayo ya Pfhumu Nungungulu. Mu na yi landrisa; gambe kha mu na dzumela gu ndreyiswa khu gudogorela nya myonyo ni maho yanu, yi mi yisa muguvivbani.

Mitengo 15:39 Iomraidhean Croise

1 Dzipfhumu 12:33

Khu litshigu nya likhumi na livbandre nya ngima nya livbandre na wuraru, litshigu li nga hathwago khuye, a di ningela miphaso vbagiluvelotunu gi nga bani na giri Bheteli. Khu kharati, uye a di emisa buzo wa na Israyeli a hongola vbagiluvelotunu gasi guya vbisa libani.

Joba 31:7

migondro yangu ya gu bani yi ndreyide ndzilani, monyo wangu wa gu bani wu sengidwe khu gu navela nya maho yangu, ni gu bani nyi nyenyeziside mandza yangu khu gilo nya gukari,

Dzindzimo 106:39

Khu isoso avo navo va dzi nyenyeziside wurumba wawe, khu mithumo yawe yatshavbo nya guvivbe.

Dzindzimo 73:27

Avo va dzi pambulago gwago, va nafa; uwe u ngu fuvisa vatshavbo avo va si khodwigo gwago.

Ekisodha 13:9

Gi na khala kha nga giwoniso mandzani gwago, kha nga gialakanyiso mahoni gwago, gasi nayo wa Pfhumu Nungungulu wu manege wuri kanani gwago, kholu Pfhumu Nungungulu a gu duside khu tigoni ga Egipito khu gyandza nya tshivba.

Mavingu 28:26

Muthu a dzi tumbago uye mune wurumba, gipumbu; gasi uye a gimbilago khu wugengeli, a na vbanya.

Mavingu 3:1

Mwanangu, u nga divali nayo wangu, aholu vega monyoni gwago sirumo sangu,

Muhevbudzi 11:9

Lidzaha, dzi tsakise khu wudzaha wago, u tsakisa monyo wago matshigu nya wudzaha wago; gimbila khu ndzila yi godwago khu monyo wago, ni gu gola nya maho yago; aholu dziti nya gukhuwe Nungungulu a na gu lamula khu satshavbo soso.

Jeremiya 9:14

Va di landra gulemela nya myonyo yawe, va landrisela sifananiso sa Bhahali, gukhedza khedzi va hevbudzidwego khidzo khu vavelegi vawe.”

Ezekiyeli 6:9

Mayigoni momo mu na vbagedwago mu ya umo, vale va na vbulugago gu songwa va na nyi alakanya mayigoni mule va na yiswago umo guya girwa dzikhumbi; kholu va nyi swihadzide khu kota nya myonyo yawe nya wuphuphulu va hambana ni eni, maho yawe ma dogorela sifananiso sa vanungungulu vawe nya malipha; khu guhegisani, va na dzi laya vabune kamwe khu kotani nya mithumo yawe yatshavbo nya guvivbe va giridego.

Hoseya 2:2

Va na Israyeli ni va na Judha, va na tshangana gumogo, va dzi hathela muthangeli moyo basi, va na duga tigoni, kholu litshigu la Jezireyeli li na bani na liri likhongolo ngudzu.

Dhewuteronome 29:19

Pfhumu Nungungulu kha na nga dzumela gu mu tsetselela; gambe li na engedzelana gu khondra likhulo la Pfhumu Nungungulu ga muthu yoyu, sitsayiso satshavbo si lovidwego libhukuni momu, si na thegela vbatshani gwaye. Pfhumu Nungungulu a na futa lina laye mafuni.

Dhewuteronome 4:23

Dzi vegedzeni mu nga divali gidzumeledzwano gya Pfhumu Nungungulu wanu, a giridego nanu, mu nga tshuki mu dzi girela gifananiso nya guwumbwe, gi fananago ni gilo gile Pfhumu Nungungulu wanu, a mu himbedzedego.

Dhewuteronome 6:12

dzi wonele gu tshukha u divala Pfhumu Nungungulu, a gu dusidego khu tigoni ga Egipito, nyumbani nya wugumbi.

Dhewuteronome 8:11

Dzi wonele, u nga divali Pfhumu Nungungulu wago, khu gumba landrisa milayo, sirumo ni sileletelo saye, esi nyi gu ningago muhuno;

Dhewuteronome 8:14

monyo wago wu dzi khusedza khu matshandza, u divaledwa khu Pfhumu Nungungulu wago, a gu dusidego khu Tigoni ga Egipito, nyumbani nya wugumbi.

Jakobe 4:4

Vathu nyamba khodwa! Ina kha mu dziti nya gukhenu wa gu khala pari nya mafu, wa gu dzigira nala wa Nungungulu, gani? Oyu a vbwetago gu khala pari nya litigo, a gu khala nala wa Nungungulu.