Mitengo 15:30 - Bhibhiliya Nya Guage

³⁰ Aholu wule a na gu ghohago kha gwenye, nari givelegwa gya tigoni mwendro muluveli, a gu ghoha khu gu kanyisa Pfhumu Nungungulu, uyoyo a na songwa vbakari ga va na gyawe,

Mitengo 15:30 Iomraidhean Croise

Genesi 17:14

Oyu nyamba hana wugwera, mwama a na gumba pidwa lidowo nya wama waye, a na fuviswa vbakari nya valongo vaye, kholu ndragide milayo nya gidzumeledzwano gyangu.”

Joba 38:15

gu ndreyiswa guwonegela gwa va nya guvivbedwa khu myonyo, ma fanywa mawogo yawe nya gulaphe.

Dzindzimo 19:13

Tshula matshandza githumi gyago, gasi nyi si fumedwi khayo, khavbo nyi na khalago muthu nya gululame, nyi vbuluga nandru nya wukhongolo ngudzu.

Dzindzimo 69:9

Khu lihaladzo nyi gu nalo khu nyumba yago, ndrani gwangu gu ngu vbya khu nilo, avo va gu valago va gu vala eni.

Dzindzimo 74:18

Pfhumu Nungungulu, dziti gukhuwe valala vago va ngu gu vala, vathu nya sipumbu va ngu ganela guvivba khu lina lago.

Dzindzimo 74:22

Wuga, uwe Nungungulu, u dwanela fanelo yago, dundruga idzo gipumbu gi gu valago khidzo gikhati gyatshavbo!

Dzindzimo 79:12

Pfhumu, tsayisa vaakelane vathu khu guwuyelela guvbindra livbandre na guvili, khu kotani nya sighoho va gu giredego.

Dzindzimo 89:51

Uwe Pfhumu Nungungulu, valala vago va ngu vala mufumeli wago, u mu todzidego mafura yago nya guage, ni evbini a hongolago va gu mu vala.

Ekisodha 21:14

Aholu muthu a gu wugela muthu kwawe khu khorosa a gira gikungo nya gu mu songe, muthu yoyo ambari na sihade vbagiluvelotunu gwangu, mu dzege aya songwa.

Ekisodha 30:33

Oyu vbakari gwanu a na girago mambe nya guyedzedzele aya, mwendro gu todza khayo oyu a si dzumedziswigo khu nayo, a na fuviswa vbakari nya vathu vaye.”

Mavingu 14:31

Uye a tshanisago gisiwana, a gu vala Muvangi waye, aholu uye a sayisago gwadi gisiwana a gu zundza Nungungulu.

Ezekiyeli 20:27

Khu guralo, uwe mwamana wa muthu, ganela u embela va na Israyeli, khuwe: Mune Pfhumu Nungungulu a ngu ganela kharati, khuye: Kha nga vababe vanu navo va nyi vadego, va nga hambana ni eni.

Levhi 20:10

Mwama a gu bhaya ni mwangadzi wa mwama kwawe, mwama ni nyamayi vale va nga bhayana, khu wuvili wawe va na songwe.

Levhi 20:3

Nyi na thendregedza nyi wugela muthu yoyo, nyi mu fuvisa vbakari ga na gyawe, kholu ningede gyanana gyaye gi gira mhamba nya guphasedwe Moloki, a nyenyezisa kharati wulanga wangu nya guage ni gu vivbisa lina langu nya guage.

Levhi 20:6

Muthu ayago ga vanyasikwembu, ni va nya gulola dzisolo, a dzi ningedzela gukhodwa ga silo soso, Eni nyi na mu wugela nyi mu fuvisa vbakari ga va na gyawe.

Mitengo 15:29

Ambari nari givelegwa gya va na Israyeli mwendro muluveli a vbanyago vbakari gwanu, a gu gira gighoho khu wuhangi, mu na bani muri ni nayo moyo basi.

Mitengo 9:13

Aholu muthu a gu bani a dzi agiside, na sa endra, a diga gu gira buzo nya Phasika, muthu yoyo a na fuviswa vbakari ga va na gyawe, kholu kha dusa ningelo ga Pfhumu Nungungulu khu gikhati gi vegisidwego; muthu yoyo a na rwala nandru waye abune.

Matewu 12:32

Uye a valago Mwamana wa Muthu a na tsetseledwa; gasi uye a valago Liphuvbo nya Guage kha na tsetseledwa, ga gikhati gegi ambari ni ga igyo gi nga gutago.

Dhewuteronome 1:43

Eni Mosi nyi mi embedeni, aholu enu kha mwa dzina gu nyi yingisa, mu kanyisa sileletelo sa Pfhumu Nungungulu, mu gwela na mu tiyide mu thonona musigomoni.

Dhewuteronome 32:27

Nasiri ga olu nyi thavago matshandza ya valala vawe, va nga hadza gu dzi zundza, va ghiya, va ganela, khavo: Mandza yathu ma khusegide, ma va pade, khandri Pfhumu Nungungulu a giridego satshavbo sesi.

Vahebheru 10:26

Kholu, ha gu simama hi ghoha nya gigwenye, olu hi li tidego lisine, gu mwalo gambe yimbe mhamba nya gu dzi kodze gu dusa sighoho sathu.

Vahebheru 10:29

A gu bani ari guralo, ginani gi na gu dugelelago ga vale va nyenyago Mwamana wa Nungungulu, va gira gilo nya nyalidede, Novba nya gidzumeledzwano gya Nungungulu va handzidwego khuwo? Ginani gi na gu dugelelago ga vale va valago Liphuvbo nya Guage a gu gifefe nya wuhigo?

2 Pedro 2:10

Ngudzungudzu avo va landrelago gunavela nya silo nya guvivbe, va nyenya mufumo wa ndzadzini. Vahevbudzi vovo nya malipha va gu dzi girisa ni gu dzi gugumugisa, aholu, kha va khali hwanga gu vala sivangwa nya gwage sa Ndzadzini.

1 Johane 5:16

Muthu a gu wona ndriyaye na gu gira gighoho gi si mu yisigo gufani, a na mu lombelele, Nungungulu a na mu vbanyisa. Nombelo yoyu wa gu phasa basi a gu bani ari gighoho nyamba yisa gufani. Gyomo gighoho gi yisago gufani. Kha nyiri kheni lombelelani khigyo.

1 Samuweli 2:25

Muthu a gu ghohela muthu kwawe, Nungungulu a ngu mu emela; aholu uye a gu ghohela Pfhumu Nungungulu, khu mani a na gu mu lombelelago? Aholu kha va ngapwa lito la babe wawe, kholu Pfhumu Nungungulu a di fungide gu va songa.

1 Samuweli 3:14

Khu guralo, nyi ngu sambanyela ndranga ya Eli gukheni, gighoho gyaye gima kha gi na ditshedzwa, ambari khu miphaso mwendro miningelo nya guhodze.”