Mitengo 15:29 - Bhibhiliya Nya Guage

²⁹ Ambari nari givelegwa gya va na Israyeli mwendro muluveli a vbanyago vbakari gwanu, a gu gira gighoho khu wuhangi, mu na bani muri ni nayo moyo basi.

Mitengo 15:29 Iomraidhean Croise

1 Dzipfhumu 8:41

U na yingisa gambe muluveli a si lumbigo vathu vago va na Israyeli, aholu na guta khu mayigoni ya hwindzo, khu kotani nya lihaladzo nya lina lago,

Ekisodha 12:49

“Gu na bani guri nayo moyo basi wu vegidwego ga givelegwa gya tigoni ni ga valuveli va vbanyago vbakari gwanu.”

Levhi 16:29

Owu, wu na bani wuri nayo nya gupindruge vbakari gwanu; khu litshigu nya likhumi nya ngima nya livbandre na wuvili, mu na hala, mwatshavbo mu si thumi gilo, vamune tigo ni va nya guta va vbanyago vbakari gwanu.

Levhi 17:15

Muthu watshavbo, gani givelegwa mwendro muluveli, a gu hodza girengo nya gufe gyabune, mwendro nya gusongwe khu sirengo nya likhabi, a na handza guambala gwaye, aya hamba matini, ambari ulo a na nyenyeza kala gupfolani nya lidambo; hwane nya ugo, a na aga.

Levhi 4:2

Ganela ga sanana sa Israyeli, u si embela, khuwe: “Muthu a gu dzipwa na ghohide, nasiri kha gwenye, aholu na giride esi Pfhumu Nungungulu a si himbedzedego gukhuye si nga girwi khu muthu, fanede gu gira, kharati:

Mitengo 15:15

Wu na manega nayo moyo basi ga enu ni ga muluveli a vbanyago vbakari gwanu; uwowo wu na bani ari Nayo nya kala gupindruga ni ga situgulwana sanu; kha nga enu, gu na girega gambe kharato ga muluveli mbeli ga Pfhumu Nungungulu.

Mitengo 15:28

Muphasi nya mhamba a na girela muthu yoyo a ghohedego Pfhumu Nungungulu khu wuhangi, phaso nya gulivbe sighoho, uye a na tsetseledwa.

Mitengo 15:30

Aholu wule a na gu ghohago kha gwenye, nari givelegwa gya tigoni mwendro muluveli, a gu ghoha khu gu kanyisa Pfhumu Nungungulu, uyoyo a na songwa vbakari ga va na gyawe,

Mitengo 9:14

Muwuyi, a vbanyago kha nga muluveli vbakari gwanu, a gu gola gu gira nuye buzo nya Phasika ya Pfhumu Nungungulu, a na landrise milayo ni sileletelo satshavbo nya Phasika. Mu na ni nayo moyo basi nya idzosaye ga vatshavbo, muluveli ni givelegwa gya tigoni.”

Luka 12:48

Gasi gile gi na girago, khu wuhangi, silo si fanelago dzimboma, gi na kwapwa vbadugwanana. Kholu, ga wule a nga ningwa nya singi a na hengudwa ngudzu; wule a nga thembwago ngudzu a na lombwa ngudzu.”

Josuwa 8:33

Israyeli watshavbo, madhota yaye, vathangeli vaye gumogo ni valamuli vaye va di khala na va emide va randrela Ngasa, mbeli ga vaphasi nya mhamba va na Levhi va nga bani va rwade Ngasa nya Gidzumeledzwano gya Pfhumu Nungungulu. Vbale va diromo valuveli gumogo ni sivelegwa sa Israyeli; gipandre nya avo va di emide khu mbeli nya gigomo gya Garizimi, gimbe gipandre gi ema khu mbeli nya gigomo gya Ebhali; kha nga idzo va nga leletedwago khidzo khu gale khu Mosi, githumi gya Nungungulu, gukhuye gu kategiswe vathu va na Israyeli.