Mitengo 15:20 - Bhibhiliya Nya Guage

²⁰ Kha nga handro nya guhegule nya wuguvbi wanu nya wadi, mu na girani gibaba gimwegyo; gibaba gegi, mu na nyi ningani gukhwatshi mwa gu dusani esi mu si vbudego vbagithalatunu.

Mitengo 15:20 Iomraidhean Croise

Nehemiya 10:37

ni matiwula nya sanana sathu nya sikhwathana, ni ya Tshambini gwathu, kha nga idzo gu lovidwego khidzo umo nya nayo; gupwani matiwula nya dzimombe dzathu, ni aya nya dzinvuta dzathu, hi na resa ga vaphasi nya mhamba va thumelago Nyumbani ga Nungungulu wathu.

Ekisodha 23:19

U na resa Nyumbani ga Pfhumu Nungungulu wago matiwula nya mihandro nya guhegule nya litigo lago. U nga phuli phongo ndrani nya mahwe ya mayi waye.

Ekisodha 34:26

Mihandro nya guphele ya thembweni gwago u na resa Nyumbani ga Pfhumu Nungungulu wago. U nga phuli giphongwana khu mahwe ya mayi wakone.

Ezekiyeli 44:30

Gilo nya gyadi nya miningelo yatshavbo nya guhegule nya mihandro nya mafumbo yatshavbo, mu na ningelago, si na lumba vaphasi nya mhamba; enu mu na va ninga gipandre nya guphele nya dzimbewu nya gutshindrwe, gasi gi kodze gu manega gikategiso dzindrangani gwanu.

Levhi 2:12

Silo sesi mu ngu dzi kodza gu si bikela kha nga ningelo nya mihandro nya guphele ya thembweni gasi gu bonga Pfhumu Nungungulu, aholu yi nga vegwi vbatshani nya giluvelo gukhwatshi khu phaso nya gunungele gwadi wu salalegisa.

Levhi 2:14

Wa gu bikela ga Pfhumu Nungungulu mihandro nya guphele ya thembweni, u nata ningela sivbila nya siphya nya guvawudwe niloni si hindzwa, kha nga ningelo nya mihandro yago nya guphele.

Levhi 23:10

“Ganela ga sanana sa Israyeli u si embela, khuwe: Avbo mu na belago tigoni nyi mi ningago, gikhati mu vbwerago dzimbewu dzanu, edzi nya guphele, mu na dzega gitundru mu yisa ga muphasi nya mhamba;

Levhi 23:20

Muphasi nya mhamba a na si ndziwitela gumogo ni sibaba nya dzimbewu nya guphele mbeli ga Pfhumu Nungungulu, khu ningelo nya gu ndziwitele, a gira gambe kharato khu sinvutana sa sivili si phasedwa Pfhumu Nungungulu, si lumba muphasi nya mhamba.

Mitengo 15:21

Khu mihandro nya guphele nya wuguvbi wanu nya wadi mu na ningela ga Pfhumu Nungungulu, enu gumogo ni situgulwana sanu kala gupindruga.”

Mitengo 18:12

Satshavbo iso nya mihandro nya guhegule nya mafura niso nya wadwa ni wuguvbi nya tirigu nya wadi, va na ningelago ga Pfhumu Nungungulu, nyi ngu gu ninga si lumba uwe.

Matewu 6:33

Aholu, guphela dwanelani Mufumo wa Nungungulu ni gugola gwaye; gasi simbe mu na ningwa khu gu engedzedwa.

Varoma 11:16

Kholu gipandre nya guhegule nya gibaba gya bani gi phasedwe Ningungulu, gu yeyedza gupwani gibaba gyatshavbo gi agisedwe Nungungulu. Mikhamba nya simbo ya gu bani yi kategide, ni matamo yakone gambe, ma kategide!

1 Vakorinto 15:20

Aholu, Kristo wugide, khu lisine, khuye matiwula nya guwuge ga vafudego.

Dhewuteronome 14:22

Guvbwetega u ningela gipandre nya likhumi nya mihandro yatshavbo nya dzimbewu dzago, eyi u vbwerago thembweni gwago khu mwaga ni mwaga.

Dhewuteronome 14:23

Mbeli ga Pfhumu Nungungulu wago, ga wulanga a wu hathidego gasi gu vega avbo Lina laye, u na hodza gipandre nya likhumi nya tirigu yago, nya vbinyu yago, mafura yago ni matiwula nya dzimombe dzago ni dzinvuta dzago; gasi u hevbule gu ninga githawo matshigu yatshavbo Pfhumu Nungungulu wago.

Dhewuteronome 16:13

U na gira buzo nya Mitshatsha ndrani nya livbandre na mavili matshigu, hwane nya gu bani na wu hengeledzede dzimbewu dzago githalani ni gikhwatini gwago.

Jakobe 1:18

Khu gudzina gwaye, a hi velegide khu tshivba nya lito nya lisine, gasi hi khala nga matiwula nya sivangwa saye satshavbo.

Gutuledwa 14:4

Ava khu vale va ngamba dzi nyenyezisa khu vanyamayi, vale va nga khala na va dzi vegiside; khavo va landrelago Nvutana malangani yatshavbo. Va di dzegiswa vbakari nya vathu nga matiwula ga Nungungulu ni ga Nvutana.