“Ganela ga sanana sa Israyeli u si embela, khuwe: Avbo mu na belago tigoni nyi mi ningago, gikhati mu vbwerago dzimbewu dzanu, edzi nya guphele, mu na dzega gitundru mu yisa ga muphasi nya mhamba;
“Ganela ga sanana sa Israyeli u si embela, khuwe: Avbo mu na belago tigoni nyi na mi ningago, mu na vegisa Sabhadho, mu ningani mafu gikhati nya guhefemule khu lina la Pfhumu Nungungulu.
Khiyo eyi milayo ni sileletelo mu yelago gu dzi garadza khu gu yi landrisa tigoni a mi ningidego Pfhumu Nungungulu wa vababe vanu, gasi mu li fuma, ga matshigu yatshavbo mu na vbanyago mafuni.