Mitengo 14:44 - Bhibhiliya Nya Guage

⁴⁴ Aholu, avo va di dzi gurumedza va gwela tshokhatunu nya gigomo, ambarulo, Ngasa nya Gidzumeledzwano ya Pfhumu Nungungulu, gumogo ni Mosi, kha va nga khuga khu vbakari nya lizumbo.

Mitengo 14:44 Iomraidhean Croise

Mitengo 10:33

Khu guralo, va di khuga khu gigomoni gya Pfhumu Nungungulu, va dzega pfhuka nya matshigu mararu; Ngasa nya Gidzumeledzwano gya Pfhumu Nungungulu, yi di thanga mbeli gwawe, pfhuka nya matshigu mararu gasi gu vbweta wulanga nya guhefemule avbo.

Mitengo 14:43

Kholu Vaamaleki ni Vakhanani, vomo vbale mbeli gwanu, mu naya sasedwa khu matshari, kholu mu nga hambana ni Pfhumu Nungungulu; Pfhumu Nungungulu kha na mi dwanela.

Mitengo 15:30

Aholu wule a na gu ghohago kha gwenye, nari givelegwa gya tigoni mwendro muluveli, a gu ghoha khu gu kanyisa Pfhumu Nungungulu, uyoyo a na songwa vbakari ga va na gyawe,

Mitengo 31:6

Mosi a di va rumela gudwanatunu, lihundzu ni lihundzu na liri ni likhumi mazana vama, na vari ni Fineya, mwamana wa muphasi nya mhamba Eleyazari, nari ni sombo nya miphaso, ni mipundru nya guwombe gu tiviswa nyimbi.

Dhewuteronome 1:43

Eni Mosi nyi mi embedeni, aholu enu kha mwa dzina gu nyi yingisa, mu kanyisa sileletelo sa Pfhumu Nungungulu, mu gwela na mu tiyide mu thonona musigomoni.