Mitengo 14:34 - Bhibhiliya Nya Guage

³⁴ Kha nga olu mu vbedzidego magumana matshigu na mu gu holelela litigo, mu na rwala milandru yanu gipimo nya magumana myaga, kholu litshigu limwedo mwaga rumba; gasi mu fela gu dziti gukhenu Eni nyi Swihade.

Mitengo 14:34 Iomraidhean Croise

1 Dzipfhumu 8:56

“A na rungudzwe Pfhumu Nungungulu, a ningidego wulanga nya guhefemule avbo vathu vaye va na Israyeli, gukhedza khu satshavbo iso a ganedego! Li mwalo lito li thegidego ga situmbiso saye satshavbo nya sadi a ganedego khu ga githumi gyaye Mosi.

2 Dzikoronika 36:21

Gasi gutadzisega magana ya Pfhumu Nungungulu ma ngatago khu kanani ga muprofeti Jeremiya, a nga khuye: Litigo li na pfhungumudwa li khala marumbi gipimo nya livbandre na mavili magumi (70) myaga, gikhati gyatshavbo gegi, litigo li na sayisa dzisabhadho dzaye, li bwelo khavbo li hefemula.

Dzindzimo 105:42

Kholu a di alakanya magana yaye nya gukatege, a nga sambanya ga Abrahama, gihathwa gyaye.

Dzindzimo 38:4

Kholu mithumo yangu nya guvivbe yi tade, yi langaladza hungo wangu; yi ngu nyi gikha kha nga rwalo nya gulemele.

Dzindzimo 77:8

Ina lihaladzo laye li vbede kamwe, gani? Ina gitumbiso gyaye gi vbelede muphelo, gani?

Dzindzimo 95:10

Ndrani nya magumana myaga nyi di goroswa khu gitugulwana gegi, heni, kheni: “Ava vathu va vivbide myonyo, kha va landrisa ndzila yangu!”

Ezekiyeli 14:10

Vatshavbo va na rwala nandru nya gughohe gwawe; gughoha ga muprofeti gu na fanana ni ga wule aya wudzisago, vatshavbo va na tsayiswa gufanane;

Ezekiyeli 23:35

Khu guralo, Mune Pfhumu Nungungulu a ngu ganela kharati, khuye: “Kha nga olu u nyi divadego, ni gu nyi pfhurarela, u na tsayiswa khu gunyenyeza ni wubhayi u giridego.”

Ezekiyeli 4:5

Kholu, nyi vegide gukheni tengo nya matshigu ma na fanane ni tengo nya myaga nya guvivbe gwawe, si tshamusago gu khiso, gipimo nya mazana mararu ni livbandre na mana magumi (390) matshigu, u na rwala sighoho sa va na Israyeli.

Ezekiyeli 4:6

Na gi vbede gikhati gegi, u na vbindrugedza u lala khu limbambo lago la nyamudye, u rwala nandru nya sighoho sa va na Judha, gipimo nya magumana (40) matshigu, nyi gu ningide litshigu limwedo kha nga mwaga.

Dhaniyeli 9:24

Gu vegidwe livbandre na mavili magumi dzisemana (70) gikhati a gi dongisedego gasi gu tshudzisa vathu vago ni lidhoropa lago nya gukatege mugighohoni gumogo ni guvivba gwatshavbo, gasi va kodze gu tsetseledwa sighoho, gasi gu reswa gululama kala gupindruga, gasi gi tadzisege giwoniso nya wuprofeti wowu, ni gu todza Wulanga nya Guage Ngudzu.

Hoseya 9:12

Ambari va gu velega sanana, eni nyi na va dzegela, gasi va vbela havo bhi! Kholu, libango avbo gwawe, va gu hambana ni eni!

Levhi 20:19

U nga fununguli wumbwiri wa ndruye wa mayi wago, mwendro wa hane wa babe wago, kholu wa gu funungula wumbwiri wa nongo wago nya lisine. Va na rwala gulemela nya nandru wawe.

Zakariya 11:10

Khavbo avbo, nyi di dzega lipitso langu li ranwago pwani “Wuhindzi” nyi yi fanya, gu yeyedza gukheni nyi kavide gidzumeledzwano nyi nga bani nyi giride ni vathu vatshavbo.

Mitengo 13:25

Guvbelani nya magumana matshigu, va di bwelela khu gusolani nya litigo.

Mitengo 18:23

Va na Levhi, khavo va na girago thumo wa ndrani nya Tshatsha nya Tshangano, avo khavo va na gu rwalago nandru wawe; owu wu na bani wuri nayo ni ga situgulwana sanu kala gupindruga; gasi avo kha va na mana thomba vbakari ga va na Israyeli.

Mitengo 32:13

Khu guralo, Pfhumu Nungungulu a di goroga, a wugela va na Israyeli, a va gira va legalega giwulani gipimo nya magumana myaga, kala gu vbela melana watshavbo nya vale va nga gira guvivba mbeli ga Pfhumu Nungungulu.

Mithumo 13:18

Gipimo nya magumana myaga a di va sayisa khu lihaladzo mugiwulani.

Dhewuteronome 2:7

Kholu Pfhumu Nungungulu wago, a gu kategiside ga thumo watshavbo nya mandza yago; Uye a ngu dziti nya gukhuye u ngu legalega giwulani momu nya gikhongolo; Pfhumu Nungungulu wago, a diri ni uwe ndrani nya myaga yatshavbo yoyo nya magumana; gimwalo ni gimwegyo gi gu kiyeledego.

Vahebheru 4:1

Gitumbiso nya gubele guhefemulani hi ningwago khu Nungungulu gi nga tiyide kala na muhuno. Khu guralo, dzi woneleni, vandruye, gasi ni moyo wanu a si luzi gu mana wurendra wowo nya gubele guhefemulani momo.

Josuwa 14:10

Gasi olu wona nya gukhuwe Pfhumu Nungungulu sayiside womi wangu, kha nga a nyi tumbisidego. Gu vbindride magumana na livbandre myaga Pfhumu Nungungulu na ganede magana yaya ga Mosi, va na Israyeli na va gu legalega giwulani; muhuno nyi na ni livbandre na mararu magumi ni livbandre myaga.

Gutuledwa 11:3

Nyi na rumela dzifakazi dzangu dza dzimbili na dzi ambade gilendra gasi gu profeta mahungu ya Nungungulu, gipimo nya likhumi mazana ni mazana mavili ni livbandre na limwedo magumi (1.260) matshigu.”

1 Samuweli 2:30

Khu kotani nya isoso, upwani esi a ganelago Pfhumu Nungungulu wa Israyeli, wari, khuye: Eni nyi di ganede ga ndranga ya babe wago ni ndranga yago, gukheni va na nyi thumela kha nga vaphasi nya mhamba kala gupindruga. Olu Pfhumu Nungungulu a ngu ganela, khuye: Kha si na simama. Kholu avo va nyi zundzago, nyi na va zundza neni, aholu avo va nyi kanyisago va na thedwa dzitshoni.