Mitengo 14:33 - Bhibhiliya Nya Guage

³³ Sanana sanu si na legalega giwulani momu, gipimo nya magumana myaga, na va rwala nandru nya gumba tumbega gwanu, kala guvbela sirumbi sanu giwulani momu.

Mitengo 14:33 Iomraidhean Croise

Dzindzimo 107:4

Va di dzimede va legalega giwulani nya gihala, nyambana ndzila nya guye dhoropani nya guvbanye umo.

Dzindzimo 107:40

Nungungulu a di nyenya vatshanisi, a va dzimedza va legalega giwulani nyambana ndzila.

Dzindzimo 78:33

Khu guralo, uye a di vbungula matshigu yawe ma vbindra kha nga furugedzo nya phuvbo guvbanyani gwawe va taledwa khu sigaradzo.

Ekisodha 20:5

Khu na nga khidzima mbeli nya silo soso, gambe gima khu na nga si khozela, kholu eni kheni Pfhumu Nungungulu wago, nyi Nungungulu nya wufu, nyi ngu tsayisa sanana khu kotani nya gighoho gya vavelegi vawe kala gitugulwana nya wuraru negi nya wu na ga vale va nyi vengago.

Ezekiyeli 23:35

Khu guralo, Mune Pfhumu Nungungulu a ngu ganela kharati, khuye: “Kha nga olu u nyi divadego, ni gu nyi pfhurarela, u na tsayiswa khu gunyenyeza ni wubhayi u giridego.”

Hoseya 9:1

U nga tsaki uwe Israyeli, u bhuma, u ndragandraga, u fanana ni mambe mayigo, kholu u hambanide ni Nungungulu wago, khu gu dzi ningedzela wubhayini; u rengiside lihaladzo lago khu gu gira wuphuphulu musithalani gwatshavbo nya tirigu.

Mitengo 32:13

Khu guralo, Pfhumu Nungungulu a di goroga, a wugela va na Israyeli, a va gira va legalega giwulani gipimo nya magumana myaga, kala gu vbela melana watshavbo nya vale va nga gira guvivba mbeli ga Pfhumu Nungungulu.

Mitengo 33:38

Muphasi nya mhamba Aroni a di gwela gigomoni ga Hori, kha nga guruma ga Pfhumu Nungungulu, a yafa avbovbo, na gu vbindride magumana myaga hwane nya guduge va na Israyeli khu tigoni ga Egipito, esi si giregide khu litshigu nya guhegule nya ngima nya livbandre.

Mitengo 5:31

Mwama kha na nga manega nari ni nandru, aholu nyamayi a na rwala guvivba gwaye.”

Mithumo 7:36

Khuye Mosi a nga va tshula a gu gira siliwugiso ni siwoniso tigoni ga Egipito ni linene nya gufuvile, ni giwulani, gipimo nya magumana myaga.

Dhewuteronome 1:3

Khu mwaga nya magumana, khu litshigu nya guhegule nya ngima nya likhumi na moyo, Mosi a di ganela ga sanana sa Israyeli, gukhedza khu satshavbo iso a nga rumwago khu Pfhumu Nungungulu gu va embela,

Dhewuteronome 2:14

Gikhati hi vbedzidego na hi gu gimbila, gukhugela Kadhesi-Bharineya kala hi tshatuga gitsongwana gya Zeredhi, gu di vbindra magumararu na livbandre na miraru myaga, kala va vbela khu gufa vatshavbo vama vale nya gudwane nyimbi vbakari nya lizumbo, kha nga edzi Pfhumu Nungungulu a va sambanyedego khidzo.

Dhewuteronome 2:7

Kholu Pfhumu Nungungulu wago, a gu kategiside ga thumo watshavbo nya mandza yago; Uye a ngu dziti nya gukhuye u ngu legalega giwulani momu nya gikhongolo; Pfhumu Nungungulu wago, a diri ni uwe ndrani nya myaga yatshavbo yoyo nya magumana; gimwalo ni gimwegyo gi gu kiyeledego.

Dhewuteronome 29:5

Kha mwa hodza guhodza, kha mwa sela vbinyu mwendro wadwa nya guvave, gasi mu kodza gu nyiti gukhenu Eni kheni Pfhumu Nungungulu wanu.

Dhewuteronome 8:2

U na alakanya ndzila yatshavbo eyi Pfhumu Nungungulu wago, a gu gimbidzisidego khiyo giwulani gipimo nya magumana myaga, gasi gu gu vbwasamisa ni gu gu linga, ni guti igyo gi guromo monyoni gwago, gukhuye u na vegedza mwendro khu na vegedza milayo yaye.

Dhewuteronome 8:4

Guambala gwago gima kha ga kuwuluga milini gwago, ambari gusimba ngondro wago ndrani nya liendro leli nya magumana myaga.

Josuwa 14:10

Gasi olu wona nya gukhuwe Pfhumu Nungungulu sayiside womi wangu, kha nga a nyi tumbisidego. Gu vbindride magumana na livbandre myaga Pfhumu Nungungulu na ganede magana yaya ga Mosi, va na Israyeli na va gu legalega giwulani; muhuno nyi na ni livbandre na mararu magumi ni livbandre myaga.

Josuwa 5:6

Va na Israyeli va gimbide giwulani gipimo nya magumana myaga, va vbela kharati vama vatshavbo nya nyimbi va dugidego khu Egipito; avo kha va nga yingisa lito la Pfhumu Nungungulu, kholu a di sambanyide gukhuye gima kha na va diga va wona litigo lile a sambanyidego gu ninga vababe vawe litigo li gogago mahwe ni wulombe.